Shaddi.comରେ ଚାଲିଥିଲା ଯୁବକ-ଯୁବତୀଙ୍କ ପ୍ରେମଭରା ବାର୍ତ୍ତାଳାପ; ସିଇଓ ଅନୁପମଙ୍କୁ କହିବାକୁ ପଡିଲା, ମୋ ବ୍ୟବସାୟ ବନ୍ଦ କରିବ ନା କ’ଣ…
08 ନୂଆଦିଲ୍ଲୀ,୫।୧୨: ଜୀବନସାଥୀ ଖୋଜିବା ପାଇଁ ଲୋକପ୍ରିୟ ଡେଟିଂ ଆପ shaadi.comରେ ନିକଟରେ ଏକ ମଜାଦାର ଘଟଣା ଘଟିଛି। ଯାହା ଖୁବ୍ ଭାଇରାଲ ହେବାରେ ଲାଗିଛି। ଏହି ସାଇଟର ଇନଷ୍ଟାଗ୍ରାମ ପୋଷ୍ଟର କମେଣ୍ଟ ସେକ୍ସନରେ ଦୁଇ ଯୁବକ-ଯୁବତୀଙ୍କ ମଧ୍ୟରେ ଏପରି କିଛି ବାର୍ତ୍ତାଳାପ ହେଲା କି, ଏଥିରେ କମ୍ପାନୀର ସିଇଓ ଅନୁପମ ମିତାଲଙ୍କୁ ଏଣ୍ଟ୍ରି କରିବାକୁ ପଡିଲା।
ଘଟଣା ଏପରି କି, shaadi.com ସ୍ପେସରେ ଏକ ପୋଷ୍ଟ ଶେୟାର କରିଥିଲା। ଯେଉଁଥିରେ କ୍ୟାପଶନ ଥିଲା, ଯଦି ଆପଣଙ୍କୁ ଏଇଟା ମିଳିଗଲା ତା ହେଲେ ସବୁକିଛି ମିଳିଯିବ। ପୋଷ୍ଟରେ କମ୍ପାନୀ ଏକ ଚୁଟକୁଲା ଶେୟାର କରିଥିଲା। ଏହାକୁ ନେଇ ଦୁଇ ଅପରିଚିତ ଯୁବକ-ଯୁବତୀ କମେଣ୍ଟ ଦେଇଥିଲେ। କିଛି ମଜାକ ଅନ୍ଦାଜର ସେମାନେ ପୋଷ୍ଟର କମେଣ୍ଟରେ ଫ୍ଲର୍ଟ କରିବାକୁ ଲାଗିଲେ। ଶେଷରେ ଯୁବକ ଜଣକ ଲେଖିଥିଲେ, ମମି ବୋହୁ ମିଳିଗଲା, ଏବେ ସାଦି ଡଟକମ୍ ଓ୍ବେବଶାଇଟକୁ ଡିଲିଟ କରୁଛି। ଏଥିରେ ଯୁବତୀ ଜଣକ ତାଙ୍କୁ ପର୍ସନାଲ ମେସେଜ କରିବାକୁ କହିଥିଲେ। ତେବେ ଦୁଇଜଣଙ୍କ ଏହି ପ୍ରେମଭରା ବାର୍ତ୍ତାଳାପ ସମୟରେ ଏଣ୍ଟ୍ରି କରିଥିଲେ କମ୍ପାନୀର ସିଇଓ ଅନୁପମ । ସେ ମଜାକିଆ ଢଙ୍ଗରେ ଲେଖିଲେ, ଇନଷ୍ଟାରେ ଏହା କଣ ହେଉଛି? ଆମ ବ୍ୟବସାୟ ବନ୍ଦ କରିଦେବେ କି?
ତେବେ ଏହି କମେଣ୍ଟ ସେକ୍ସନର ବାର୍ତ୍ତାଳାପକୁ ବହୁ ଲୋକ ପଢିବା ସହ ପ୍ରତିକ୍ରିୟା ମଧ୍ୟ ଦେଇଛନ୍ତି। ଏଥିସହ କମ୍ପାନୀ ଆଉ ଏକ ପୋଷ୍ଟ କରି କହିଛି, ଜୋଡି କେବେ ଉପରବାଲା ବନେଇଥାଏ ତ କେବେ କମେଣ୍ଟ ସେକ୍ସନ।