ନୂଆଦିଲ୍ଲୀ,୩୧।୧ : ୨୦୨୦-୨୧ ଏବଂ ୨୦୨୧-୨୨ ଆର୍ଥିକ ବର୍ଷ ପାଇଁ ସ୍ବାସ୍ଥ୍ୟ ପରିଚାଳନା ସୂଚନା ସିଷ୍ଟମ (ଏଚଏମଆଇଏସ) ରିପୋର୍ଟରେ ଦେଶରେ ଜନ୍ମ ସମୟରେ ଲିଙ୍ଗ ଅନୁପାତର ଆଶ୍ଚର୍ଯ୍ୟଜନକ ଆକଳନ ପ୍ରକାଶ ପାଇଛି। ଏହି ରିପୋର୍ଟ ଅନୁଯାୟୀ, ଭାରତରେ ପୁଅ ତୁଳନାରେ ଝିଅମାନଙ୍କର ହାରାହାରି ଜନ୍ମ ସଂଖ୍ୟା୨୦୨୧-୨୨ ବର୍ଷରେ ୨୦୧୩-୧୪ ପରଠାରୁ କ୍ରମାଗତ ଭାବେ ବୃଦ୍ଧି ପାଇବା ପରେ ହ୍ରାସ ପାଇଛି।
୨୦୨୦-୨୧ ମସିହାରେ ଦେଶରେ ୧୦୦୦ପୁଅଙ୍କ ତୁଳନାରେ ୯୩୭ ଝିଅ ଜନ୍ମ ହୋଇଥିଲେ। ସେହି ସମୟରେ, ୨୦୨୧-୨୨ବର୍ଷରେ ଏହି ସଂଖ୍ୟା ୯୩୪କୁ ହ୍ରାସ ପାଇଥିଲା ।ଏହା ବ୍ୟତୀତ ଭାରତର ଆଠଟି ପ୍ରମୁଖ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ଜନ୍ମ ହାରରେ ହ୍ରାସ ଘଟିଛି।
ଏହି ରିପୋର୍ଟ ଅନୁଯାୟୀ, ୨୦୨୧-୨୨ ଆର୍ଥିକ ବର୍ଷରେ ହରିୟାଣାର ଲିଙ୍ଗ ଅନୁପାତରେ ପୁଣି ଥରେ ଏକ ବଡ଼ ପାର୍ଥକ୍ୟ ଦେଖିବାକୁ ମିଳିଛି। ହରିୟାଣାରେ ଲିଙ୍ଗ ଅନୁପାତ ୯୦୧ ରହିଛି। ଯାହା ଜାତୀୟ ହାରାହାରି ୯୪୦ ଠାରୁ କମ। ୨୦୦୧ ମସିହା ପୂର୍ବରୁ, ଲିଙ୍ଗଗତ ଅନୁପାତରେ ଏଭଳି ପାର୍ଥକ୍ୟ ରେକର୍ଡ କରାଯାଇଥିଲା। ସେହି ବର୍ଷ ଏହା ୮୬୧ ଥିଲା।
ଏଥି ସହିତ, ହରିୟାଣାର ପାଞ୍ଚଟି ଜିଲା ଅଛି, ଯେଉଁଠାରେ ଗତ ବର୍ଷ ପରେ ପୁଅ ଏବଂ ଝିଅଙ୍କ ଜନ୍ମ ହାରରେ ଏପରି ହ୍ରାସ ଘଟିଛି। ପରିସଂଖ୍ୟାନ ଅନୁଯାୟୀ, ହିସାରରେ ଏହା ୯୦୪, କର୍ନାଲରେ ୯୦୩, କୁରୁକ୍ଷେତ୍ରରେ ୮୯୩, ଫରିଦାବାଦରେ ୮୯୨ ଏବଂ ରେୱାରୀରେ ୮୮୩ ରହିଛି।
ବେଟି ବାଚାଓ ଆରମ୍ଭ ହେବା ପରେ ଲିଙ୍ଗ ଅନୁପାତ ଅରିୟାଣାରେ ବୃଦ୍ଧି ପାଇଥିଲା।
ରିପୋର୍ଟ ଅନୁଯାୟୀ, ହରିୟାଣା, ମଧ୍ୟପ୍ରଦେଶ, ବିହାର, ଚଣ୍ଡିଗଡ଼, କର୍ନାଟକ, ମହାରାଷ୍ଟ୍ର, ମଣିପୁର ଏବଂ ପଶ୍ଚିମବଙ୍ଗ ଆଦି ଆଠଟି ରାଜ୍ୟ-କେନ୍ଦ୍ରଶାସିତ ଅଞ୍ଚଳରେ ଲିଙ୍ଗ ଅନୁପାତରେ ହ୍ରାସ ଘଟିଛି।
ବିହାର ଏବଂ ଚଣ୍ଡିଗଡ଼ରେ ଲିଙ୍ଗ ଅନୁପାତ ୯୦୦ ତଳେ ପହଞ୍ଚିଛି। କେରଳରେ, ଏହା ୯୬୮, ଛତିଶଗଡର ୯୫୭ ଏବଂ ରାଜସ୍ଥାନର ୯୪୬ ରହିଛି। ମଧ୍ୟପ୍ରଦେଶରେ ଲିଙ୍ଗ ଅନୁପାତ ୯୪୦ରୁ ୯୨୯ କୁ ହ୍ରାସ ପାଇଛି।
