ନୂଆଦିଲ୍ଲୀ,୨୯।୧୧:ଭାରତୀୟ ଶେୟାର ବଜାରର କାରବାର ଓ ନିବେଶ ଆସନ୍ତା ବର୍ଷ ପ୍ରାୟ ୩୦% ବୃଦ୍ଧି ଘଟିବ ବୋଲି ଆକଳନ କରାଯାଇଛି। ଏପରିକି ଚଳିତ ବର୍ଷ ଠାରୁ ଆସନ୍ତା ବର୍ଷର ନିବେଶ ମଧ୍ୟ ବୃଦ୍ଧି ଘଟିବ ବୋଲି ବ୍ରୋକରେଜ ହାଉସ ମୋର୍ଗନ ଷ୍ଟେନଲୀ ପକ୍ଷରୁ କୁହାଯାଇଛି। କାରଣ କ୍ରମାଗତ ଭାବେ ଷ୍ଟକ ମାର୍କେଟ୍ର ଫଳାଫଳ ଉଭୟ ସେନସେକ୍ସ ଏବଂ ନିଫ୍ଟି ଭଲ ରହିବା ସାଙ୍ଗକୁ ରେକର୍ଡସ୍ତରରେ ପହଞ୍ଚତ୍ଛି। ଏପରିକି ଶେୟାର ବଜାରର ନିବେଶକମାନେ ମଧ୍ୟ ଭଲ ଲାଭ ପାଉଥିବା ମୋର୍ଗନ ଷ୍ଟେନଲୀ ପକ୍ଷରୁ ଉଲ୍ଲେଖ କରାଯାଇଛି। ସେହିଭଳି ଭାରତୀୟ ଶେୟାର ବଜାରରେ କ୍ରମାଗତ ୪ର୍ଥ ବର୍ଷ ପାଇଁ ଭଲ ନିବେଶ ଦେଖିବାକୁ ମିଳିପାରେ ବୋଲି ମୋର୍ଗନ ଷ୍ଟେନଲୀ ପକ୍ଷରୁ ଆକଳନ କରାଯାଇଛି। ବିଏସଇ ସେନସେକ୍ସ ୨୦୨୩ ଶେଷ ସୁଦ୍ଧା ୮୦,୦୦୦ ଅଙ୍କରେ ପହଞ୍ଚତ୍ବ ବୋଲି ମୋର୍ଗନ ଷ୍ଟେନଲୀ ଆକଳନ କରିଛି, ସୂଚନା ଅନୁଯାୟୀ ଯଦି ଭାରତକୁ ଗ୍ଲୋବାଲ ବଣ୍ଡ ସୂଚକାଙ୍କରେ ସାମିଲ କରାଯାଏ। ତେବେ ଆସନ୍ତା ୧୨ମାସ ମଧ୍ୟରେ ପ୍ରାୟ ୨୦ବିଲିୟନ ଡଲାର ଭାରତରେ ନିବେଶ ହୋଇପାରେ ବୋଲି ଆଶା କରାଯାଉଛି। ସେହିପରି ମୋର୍ଗନ ଷ୍ଟେନଲୀ ୨୦୨୨ ରେ ମଧ୍ୟ ଭାରତ ସେଥିରେ ସାମିଲ ହେବା ନେଇ ମଧ୍ୟ ଆଶା ବ୍ୟକ୍ତ କରିଥିଲେ କିନ୍ତୁ ଅନ୍ତରାଷ୍ଟ୍ରୀୟ ସମସ୍ୟା ଓ କଟକଣା ଲାଗି ତାହା ହୋଇପାରିନଥିଲା। ଏପରିକି ସଂସ୍ଥାର ରିପୋର୍ଟ ଅନୁସାରେ ସେଥିରେ ଆହୁରି ବିଳମ୍ବ ଘଟିପାରେ ବୋଲି ଆଶଙ୍କା କରାଯାଇଛି। ଅପରପକ୍ଷରେ ବଣ୍ଡ ସେଟଲମେଣ୍ଟର ନିୟମ ଏବଂ ଟ୍ୟାକ୍ସ ଜଟିଳତା ପରି ପ୍ରସଙ୍ଗର ସମାଧାନକୁ ଗୁରୁତ୍ୱର ସହ ନେବା ଏବଂ ପ୍ରଥମେ ସେ ସବୁର ସମାଧାନ ଜରୁରୀ ବୋଲି ମୋର୍ଗନ ମତ ପ୍ରକାଶ କିରିଛି। ମୋର୍ଗନ ଷ୍ଟେନଲୀଙ୍କ ସୂଚନା ଅନୁସାରେ ତୈଳ ଏବଂ ସାର ମୂଲ୍ୟରେ ହ୍ରାସ ସାଙ୍ଗକୁ ୨୦୨୨-୨୫ ସୁଦ୍ଧା ବାର୍ଷିକ ୨୫% ହାରରେ ରୋଜଗାର କ୍ଷମତା ବୃଦ୍ଧି ହୁଏ ତେବେ ସେନସେକ୍ସ ୮୦,୦୦୦ ଅଙ୍କ ଛୁଇଁବାର ଯଥେଷ୍ଟ ସମ୍ଭାବନା ରହିଛି। ଉଲ୍ଲେଖଯୋଗ୍ୟ ମୋର୍ଗନ ଷ୍ଟେନଲୀଙ୍କ ରିର୍ପୋଟ ଅନୁସାରେ ଯଦି ସେନସେକ୍ସର ବେସ କେସ ଟାର୍ଗେଟ ୬୮,୫୦୦ ଅଙ୍କରେ ରହିବ କିନ୍ତୁ ବଜାର କାରବାର ବିପରୀତରେ ଯାଏ ତେବେ ସେନସେକ୍ସ ୫୨,୦୦୦ ଯାଏ ଖସିପାରେ ବୋଲି ଆଶଙ୍କା କରାଯାଉଛି ହେଲେ ଏହାର ସମ୍ଭାବନା ମାତ୍ର ୨୦% ରହିଛି।