ସ୍ବାବଲମ୍ବୀ କଲା ଥାଇଲାଣ୍ଡ ବରକୋଳି ଚାଷ

ଡେରାବିଶ,୧୫।୧(ସ୍ବ.ପ୍ର.): ଧାନ ଓ ବିରି ସମେତ ଅନ୍ୟାନ୍ୟ ଫସଲ ଲାଭଜନକ ହେଉ ନ ଥିବାରୁ ଅତ୍ୟାଧୁନିକ ଚାଷ କରି ସ୍ବାବଲମ୍ବୀ ହେବା ପାଇଁ ଗ୍ରାମାଞ୍ଚଳର ଯୁବକମାନେ ଏବେ ମନ ବଳାଇଛନ୍ତି । କେନ୍ଦ୍ରାପଡ଼ା ଜିଲା ଡେରାବିଶ ବ୍ଳକ ଅନ୍ତର୍ଗତ ରଘୁଦେଇପୁର ପଞ୍ଚାୟତ ନୋଳସାହି ଗ୍ରାମରେ ଥାଇଲାଣ୍ଡ ବରକୋଳି ଚାଷ ସମସ୍ତଙ୍କ ପାଉଁ ପ୍ରେରଣା ଯୋଗାଇଛି । ଏହି ଗ୍ରାମର ଦେବାଶିଷ ଜେନା ନାମକ ଜଣେ ଯୁବକ ନିଜ ପଡ଼ିଆ ପଡ଼ିଥିବା ୫ ଗୁଣ୍ଠ ଜମିରେ ବରକୋଳି ଚାଷ କରି ଲାଭବାନ ହୋଇଛନ୍ତି । ସେହି ବରକୋଳି ଚାଷ ପାଇଁ ସେ ଅନ୍‌ଲାଇନ୍‌ ଜରିଆରେ ଚାରା ମଗାଇଥିଲେ । ଗୋଟିଏ ଚାରା ପାଇଁ ତାଙ୍କୁ ୧ଶହ ଟଙ୍କା ଦେବାକୁ ପଡିଥିଲା । ସେ ସମୁଦାୟ ୧୦୦ଟି ଚାରା ମଗାଇଛନ୍ତି । ସେହି ଚାରାକୁ ଲଗାଇବା ପରେ ଏବେ ସେଥିରେ ଫଳ ଆସିଛି । ଏହି ବରକୋଳିକୁ ଥାଇଲାଣ୍ଡ ବରକୋଳି ବା ରେଡ୍‌ବାର ଆପୁଲ କୁହାଯାଏ ବୋଲି ସେ କହିଛନ୍ତି ।
ଦେବାଶିଷଙ୍କ ସୂଚନା ଅନୁଯାୟୀ, ଏହି ଗଛ ଲାଗିବାର ୬ ମାସରେ ଫଳ ଆସିଯାଇଥିଲା । ବର୍ତ୍ତମାନ ଗୋଟିଏ ବରକୋଳି ଗଛରୁ ୨୦ରୁ ୨୫ କିଲୋ ବରକୋଳି ଅମଳ ହେବ ବୋଲି ସେ କହିଛନ୍ତି । ଫଳ ଅମଳ ପରେ ମାଟିରୁ ୩ ଫୁଟ ଉଚ୍ଚରୁ ଏହି ଗଛକୁ କାଟି ଦେବାକୁ ହୋଇଥାଏ । ଗଛଟି ପୁରୁଣା ହେଲେ ସେଥିରେ ଥରକୁ ୮୦ରୁ ୧ କୁଇଣ୍ଟାଲ ପର୍ଯ୍ୟନ୍ତ ଫଳ ଫଳିବ ବୋଲି ସେ କହିଛନ୍ତି। ଏହି ଚାଷଟି ଲାଭଦାୟକ ହୋଇଥିବାରୁ ସେ ପରିଶ୍ରମ କରିଚାଲିଛନ୍ତି। ନିଜ ପଡ଼ିଆଜମିରେ ଏହି ବରକୋଳି ଚାଷ କରି ଦେବାଶିଷ ନିଜେ ଆତ୍ମନିର୍ଭରଶୀଳ ହୋଇପାରିଥିବା ରଘୁଦେଇପୁର ପଞ୍ଚାୟତର ଅଗ୍ରଣୀ ଚାଷୀ ଦିଗମ୍ବର ମିଶ୍ର କହିଛନ୍ତି । ଦିଗମ୍ବରଙ୍କ କହିବା ଅନୁଯାୟୀ ବର୍ତ୍ତମାନ ଧାନ, ମୁଗ ଓ ପନିପରିବା ଚାଷ ଅଧିକ ଅମଳକ୍ଷମ ହୋଇପାରୁ ନ ଥିବା ବେଳେ ଯୁବକମାନେ ଏଭଳି ଅତ୍ୟାଧୁନିକ ଚାଷ କରିପାରିଲେ ସ୍ବାବଲମ୍ବୀ ହୋଇପାରିବେ । ଝଙ୍କାଳିଆ ଗଛରେ ବହୁଳ ପରିମାଣରେ ବରକୋଲି ଫଳିଛି । ସେହି ବରକୋଳି ଫଳକୁ ଦେଖିଲେ ଦେବାଶିଷ ସମସ୍ତଙ୍କ ପାଇଁ ଉଦାହରଣ ପାଲଟିଛନ୍ତି । ନିଜର ଚାଷ ସମ୍ପର୍କରେ ପ୍ରତିକ୍ରିୟା ଦେଇ ଦେବାଶିଷ କହିଛନ୍ତି, ସାମାଜିକ ଗଣମାଧ୍ୟମରୁ ଏହି ଚାଷ ଉପରେ ଅଧିକ ଅନୁଧ୍ୟାନ କରି ଗଛ ଲଗାଇଛି । ଜମିରେ ପ୍ରତି ଗଛର ଦୂରତା ୧୦ ଫୁଟ୍‌ ରହିଛି। ଚାଷଜମିକୁ ଭଲ ଭାବେ ଚାଷ କରି ଦେଢ଼ ଫୁଟ୍‌ ଗଭୀରର ଗାତ ଖୋଳିଥିଲି । ଗାତରେ ୬ ଇଞ୍ଚର ଖତ ଓ ମାଟି ଦେଇ ସେଥିରେ କୀଟନାଶକ ଦେବାକୁ ପଡ଼ିଥିଲା। ଚାରା ଲାଗିସାରିବା ପରେ ପ୍ରତି ମାସରେ ଥରେ ସାର ଦିଆଯାଇଥାଏ। ଲାଗିଥିବା ବରକୋଳି ଚାରାଗୁଡ଼ିକ ହେଲା ବଲସୁନ୍ଦରୀ ଓ ନୁରାନୀ କିସମର । ଆସନ୍ତା ଫେବୃୟାରୀରେ ଏହି ବରକୋଳି ଅମଳ ହେବ । କେନ୍ଦ୍ରାପଡ଼ା ଜିଲାରେ ଏହାର ବଜାର ଚାହିଦା ନ ଥିବାରୁ ବାହାର ବ୍ୟବସାୟୀ ଏହି କୋଳି କିଣିବେ ବୋଲି ଦେବାଶିଷ କହିଛନ୍ତି। ଏହି ଚାଷ ପାଇଁ କେବଳ ଦେବାଶିଷ ନୁହନ୍ତି ତାଙ୍କ ପରିବାରର ସମସ୍ତ ସଦସ୍ୟ ଶ୍ରମଦାନ କରୁଛନ୍ତି । ବରକୋଳି ଅମଳ ହେବା ପରେ କିଲୋପିଛା ୮୦ରୁ ୧୦୦ ଟଙ୍କା ବିକ୍ରି ହେବ ବୋଲି ଦେବାଶିଷ କହିଛନ୍ତି । ତେବେ ଅନ୍ୟ ଯୁବକଙ୍କ ପ୍ରେରଣାର ଉତ୍ସ ପାଲଟିଥିବା ଦେବାଶିଷଙ୍କୁ କୃଷି ବିଭାଗ ପକ୍ଷରୁ ସହାୟତା ପ୍ରଦାନ କରାଗଲେ ସେ ଉପକୃତ ହୋଇପାରିବେ ବୋଲି ନୋଳସାହି ଗ୍ରାମର ଚାଷୀ ବିଜୟ ମଲିକ କହିଛନ୍ତି ା


Enter your email to get our daily news in your inbox.

All Right Reserved By Dharitri.Com

ଦ୍ୱିତୀୟ ଥର ଭରସା ରଖିଥିବାରୁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ବିଷ୍ଣୁବ୍ରତ

ବାସୁଦେବପୁର,୨୯ା୩(ନାରାୟଣ ପ୍ରସାଦ ବାରିକ୍‌): ଭଦ୍ରକ ଜିଲା ବାସୁଦେବପୁର ବିଜେଡି ଶିବିର ଏବେ ଚଳଚଞ୍ଚଳ ହୋଇପଡ଼ିଛି। ବାସୁଦେବପୁର ବିଧାୟକ ବିଷ୍ଣୁବ୍ରତ ରାଉତରାୟ ପୁନର୍ବାର ଏହି ନିର୍ବାଚନ ମଣ୍ଡଳୀରୁ...

ଆଜି ଗୁଡ୍‌ ଫ୍ରାଇଡେ: ବାଇବେଲ ପାଠକରି ସାମୂହିକ ପ୍ରାର୍ଥନା କଲେ ଶ୍ରଦ୍ଧାଳୁ

ଦାରିଙ୍ଗବାଡି,୨୯।୩ (ଅରୁଣ ସାହୁ ): ଆଜି ଗୁଡ୍‌ ଫ୍ରାଇଡେ। ଏହାକୁ ଶ୍ରଦ୍ଧାଳୁମାନେ ରୀତିନୀତି ଅନୁସାରେ ପାଳନ କରିଛନ୍ତି। ଯିଶୁଖ୍ରୀଷ୍ଟଙ୍କୁ ଆଜିର ଦିନରେ କାଲବରୀ ନାମକ ଏକ...

ବିଜେଡି-ଭାଜପା-କଂଗ୍ରେସକୁ ମୟୂରଭଞ୍ଜରେ ଟକ୍କର ଦେବ ଏହି ଦଳ, ଘୋଷଣା କଲା ପ୍ରାର୍ଥୀ

ମୟୂରଭଞ୍ଜ,୨୯।୩: ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଶିବୁ ସୋରେନଙ୍କ ଝିଅ ପୁଣିଥରେ ଚଳିତ ନିର୍ବାଚନରେ ମଇଦାନକୁ ଓହ୍ଲାଇଛନ୍ତି। ଝାଡ଼ଖଣ୍ଡ ମୁକ୍ତି ମୋର୍ଚ୍ଚା(JMM) ଶିବୁ ସୋରେନଙ୍କ ଝିଅ ଅଞ୍ଜନି...

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri