ପାଟଣା,୬ା୧୦(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ରେଞ୍ଜ ପୋଇପାଣି ବିଟ୍ ମୁକ୍ତାପୁର ଗାଁ ନିକଟ ଏକ ଚତୁରୀରୁ ବନବିଭାଗ ଚଢ଼ାଉ କରି ୨୪ଟି ଶାଳଗଣ୍ଡି ଜବତ କରିଛି।
ସୂଚନାଯୋଗ୍ୟ, କାଠମାଫିଆମାନେ ଗ୍ରାମ୍ୟ ଜଙ୍ଗଲରୁ ମୂଲ୍ୟବାନ ଶାଳଗଛ କାଟି ଚାଲାଣ କରାଯିବା ଉଦ୍ଦେଶ୍ୟରେ ଚତୁରୀ ଉପରେ ଶାଳଗଣ୍ଡି ଗଚ୍ଛିତ କରିଥିବା ଖବର ପାଇ ଗୁରୁବାର ବନ ବିଭାଗ ଅତିର୍କିତ ଚଢ଼ାଉ କରିଥିଲା। ବନବିଭାଗ ଗାଡ଼ି ଦେଖି କାଠ ମାଫିଆମାନେ ଫେରାର ହୋଇଯାଇଛନ୍ତି। ଜବତ ୨୪ ଖଣ୍ଡ ଶାଳଗଣ୍ଡିକୁ ବନବିଭାଗ ଜବତ କରି ଘଟଗାଁ କର୍ପୋରେଶନରେ ରଖିଥିବା ବନପାଳ ପିଅନ ନାଏକ କହିଛନ୍ତି। ଜବତ ଶାଳଗଣ୍ଡିଗୁଡିକର ଆନୁମାନିକ ଭାବେ ଲକ୍ଷାଧିକ ଟଙ୍କାରୁ ଊର୍ଦ୍ଧ୍ୱ ହେବ। ଚଢ଼ାଉରେ ବନପାଳ, ଗାର୍ଡ ଦେବଯାନୀ ମହାନ୍ତ, ପାରାଷ୍ଟାଫ୍ ଅଟଳ ବିହାରୀ ସେଠୀ, ଏମ୍ ଡି ଓ୍ବାସିମ, ଉମେଶ ମହାନ୍ତ ଓ ଭାସ୍କର ନାଏକ ପ୍ରମୁଖ ସାମିଲ ଥିଲେ।
