ବେଙ୍ଗାଲୁରୁ,୪।୧ : ବେଙ୍ଗାଲୁରୁ ବିମାନବନ୍ଦରରେ ସୁରକ୍ଷା ନାମରେ ଜଣେ ମହିଳା ସଙ୍ଗୀତଜ୍ଞଙ୍କର ପାଷାକ ବାହାର କରାଯାଇ ଥିବା ଅଭିଯୋଗ ସାମ୍ନାକୁ ଆସିଛି। ଘଟଣା ସମ୍ପର୍କରେ ପୀଡିତା କହିଛନ୍ତି ଯେ ଏହା ଅତ୍ୟନ୍ତ ଅପମାନଜନକ। ଜଣେ ମହିଳାଙ୍କ ପୋଷାକ ବାହାର କରିବାର ଆବଶ୍ୟକତା କ’ଣ ବୋଲି ସେ ପ୍ରଶ୍ନ କରିଛନ୍ତି। ବେଙ୍ଗାଲୁରୁ ବିମାନବନ୍ଦର କର୍ତ୍ତୃପକ୍ଷ ଏଥିରେ ଦୁଃଖ ପ୍ରକାଶ କରି କହିଛନ୍ତି ଯେ ଘଟଣାର ତଦନ୍ତ କରାଯାଉଛି। ଏହି ବିମାନବନ୍ଦରର ସୁରକ୍ଷା ଦାୟିତ୍ୱ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ ପାଖରେ ରହିଛି।
ପୀଡିତା ମହିଳାଙ୍କ ଟୁଇଟର ହ୍ୟାଣ୍ଡେଲରୁ ଜଣା ପଡିଛି ଯେ ସେ କନସର୍ଟ କରନ୍ତି। ମହିଳା ଜଣକ ଟୁଇଟ କରି କହିଛନ୍ତି, ବେଙ୍ଗାଲୁରୁ ବିମାନ ବନ୍ଦରରେ ସୁରକ୍ଷା ଯାଞ୍ଚ୍ବେଳେ ମୋତେ ମୋର ଶର୍ଟ କାଢ଼଼ିବାକୁ କୁହାଯାଇଥିଲା। ସେଠାରେ କେବଳ ସେମିଜ ପିନ୍ଧି ଠିଆ ହେବା ଅତ୍ୟନ୍ତ ଅପମାନଜନକ ଥିଲା। ଏହି ସମୟରେ, ଲୋକମାନେ ଆପଣଙ୍କୁ ଅଦ୍ଭୁତ ଭାବରେ ଦେଖୁଥିବାର ଅତ୍ୟନ୍ତ କଷ୍ଟକର ମୁହୂର୍ତ୍ତ ଥିଲା ।
ପୀଡିତା ମହିଳାଙ୍କ ଟୁଇଟକୁ ନେଇ ବେଙ୍ଗାଲୁରୁ ବିମାନବନ୍ଦର ଅଧିକାରୀ କହିଛନ୍ତି ଯେ ଏହା ଆଦୌହେବା କଥା ନୁହେଁ। ଏହା ସହିତ ମହିଳାଙ୍କୁ ତାଙ୍କ ଫୋନ ନମ୍ବର ଏବଂ ଠିକଣା ଶେୟାର କରିବାକୁ କୁହାଯାଇଛି।
