ନୂଆଦିଲ୍ଲୀ, ୧୪।୮ : ସ୍ବାଧୀନତା ଦିବସକୁ ଦୃଷ୍ଟିରେ ରଖି ଦିଲ୍ଲୀର ଲାଲ୍ କିଲ୍ଲା ସୁରକ୍ଷା ଛାଉଣୀରେ ପରିଣତ ହୋଇଛି। ଗୁଡ଼ି ଭଳି ଉଡ଼ନ୍ତା ବସ୍ତୁ ବ୍ୟବହାର କରି କିଛି ଆତଙ୍କବାଦୀ ଆକ୍ରମଣ ସମ୍ପର୍କରେ ଏଜେନ୍ସିମାନେ ପୋଲିସକୁ ସତର୍କ ସୂଚନା ଜାରି କରିଛନ୍ତି। ଏଥି ସହିତ, ଲାଲ୍ କିଲ୍ଲା ଅଞ୍ଚଳରେ ପୋଲିସ ଗୁଡ଼ି ଉଡ଼ାକୁ ସମ୍ପୂର୍ଣ୍ଣ ନିଷିଦ୍ଧ କରିଛି। ସତର୍କ ରହିବାକୁ ଦିଲ୍ଲୀ ପୋଲିସକୁ ଆଉ ଏକ ଇନପୁଟ ମିଳିଛି କାରଣ ଆଶାବାଡ଼ି ସହିତ ରଖାଯାଇଥିବା କିଛି ସନ୍ଦେହଜନକ ବସ୍ତୁ ଦ୍ୱାରା ଆକ୍ରମଣ କରାଯାଇପାରେ। ତେଣୁ ଅତ୍ୟଧିକ ଶକ୍ତିଶାଳୀ ସ୍କ୍ରିନିଂ ନିଶ୍ଚିତ କରିବାକୁ ପୋଲିସକୁ ପରାମର୍ଶ ଦିଆଯାଇଛି। ସୁରକ୍ଷା ପାଇ ବ୍ୟାପକ ସୁରକ୍ଷାର୍କମୀଙ୍କୁ ମୁତୟନ କରାଯାଇଛି।
ଆତଙ୍କବାଦୀ ସଂଗଠନ ଜୈଶ-ଇ-ମହମ୍ମଦ, ଲଶ୍କର-ଇ-ତୋଏବା ସମ୍ପର୍କରେ ମଧ୍ୟ ଉଲ୍ଲେଖ କରାଯାଇଛି।
ରିପୋର୍ଟ ମୁତାବକ, ଆଇବି ଏହାର ରିପୋର୍ଟରେ ଆତଙ୍କବାଦୀ ଆକ୍ରମଣ ଆଶଙ୍କା ବିଷୟରେ କହିଛି। ଏଥିସହ ଅଗଷ୍ଟ ୧୫ ପାଇଁ ଦିଲ୍ଲୀ ପୋଲିସକୁ ଲାଲ କିଲ୍ଲାରେ ପ୍ରବେଶ ପାଇଁ କଡା ନିୟମ ଲାଗୁ କରିବାକୁ କୁହାଯାଇଛି। ରିପୋର୍ଟ ଅନୁଯାୟୀ, ଜୈଶ ଏବଂ ଲଶ୍କର ଆତଙ୍କବାଦୀଙ୍କୁ ସହାୟତା ଯୋଗାଇ ପାକିସ୍ତାନର ଆଇଏସଆଇ ଆତଙ୍କବାଦୀ ଆକ୍ରମଣ ପାଇଁ ଷଡ଼ଯନ୍ତ୍ର କରୁଥିବା କୁହାଯାଇଛି। ବଡ ନେତା ତଥା ଗୁରୁତ୍ୱପୂର୍ଣ୍ଣ ସ୍ଥାନଗୁଡିକୁ ଟାର୍ଗେଟ କରିବାକୁ ଆତଙ୍କବାଦୀଙ୍କୁ ନିର୍ଦ୍ଦେଶ ଦିଆଯାଇଛି ବୋଲି ଆଇବି ସୂଚନା ଦେଇଛି।
ଚଳିତ ବର୍ଷ ଲାଲ୍ କିଲ୍ଲା ଚାରିପାଖରେ ସ୍ବତନ୍ତ୍ର ପ୍ରକାରର ଆଲାର୍ମ କ୍ୟାମେରା ଲଗାଯାଇଛି, ଯାହାକି କୌଣସି ସନ୍ଦେହଜନକ କାର୍ଯ୍ୟକଳାପ ବିଷୟରେ ନିକଟସ୍ଥ ପୋଲିସ କର୍ମଚାରୀଙ୍କୁ ସତର୍କ କରାଇବ। ପୋଲିସ ଆଖପାଖ ଅଞ୍ଚଳରେ ହାଇ ରିଜୋଲ୍ୟୁଶନ ଟେକ୍ନୋଲୋଜି ସହିତ ୧୦୦୦ କ୍ୟାମେରା ଲଗାଇଛି। ଦିଲ୍ଲୀ ପୋଲିସର ସ୍ପେଶାଲ ସେଲ ପ୍ରାୟ ୧,୦୦୦ ସନ୍ଦିଗ୍ଧ ବ୍ୟକ୍ତି, ଜାତୀୟତା ବିରୋଧୀ ବ୍ୟକ୍ତି ଏବଂ ଆତଙ୍କବାଦୀଙ୍କ ଫଟୋକୁ ପୋଲିସ ଫୋର୍ସର ଦ୍ୱିତୀୟ ୟୁନିଟକୁ ପ୍ରଦାନ କରାଯାଇଛି।
