ବିପଦ ସମୟରେ ସ୍କାଉଟ୍ସମାନେ ସହାୟତାର ହାତ ବଢ଼ାଇଥାନ୍ତି। ତେଣୁ ଏନେଇ ସଚେତନତା ସୃଷ୍ଟି ଲାଗି ପ୍ରତିବର୍ଷ ଫେବୃୟାରୀ ୨୨ରେ ବିଶ୍ୱ ସ୍କାଉଟ୍ସ ଦିବସ ପାଳନ କରାଯାଇଥାଏ। ଏହି ଦିନ ସ୍କାଉଟିଙ୍ଗର ପ୍ରତିଷ୍ଠାତା ରବର୍ଟ ବାଡେନ-ପାୱେଲଙ୍କ ଜନ୍ମ ବାର୍ଷିକୀ। ଏହା ମଧ୍ୟ ତାଙ୍କ ପତ୍ନୀ ଓଲାଭ ବାଡେନ-ପାୱେଲଙ୍କ ଜନ୍ମ ବାର୍ଷିକୀ। ବୟ ସ୍କାଉଟ୍ସ ଏବଂ ଗର୍ଲ ଗାଇଡ୍ସ / ଗର୍ଲ ସ୍କାଉଟ୍ସ ଏବଂ ୱାଲର୍ଡ ଆସୋସିଏଶନ ଅଫ ଗର୍ଲ ଗାଇଡ୍ସ ଓ ଗର୍ଲ ସ୍କାଉଟ୍ସ ଦ୍ୱାରା ଏହି ଦିନକୁ ବିଶ୍ୱ ଚିନ୍ତାଧାରା ଦିବସ ଭାବରେ ପାଳନ କରାଯାଇଥାଏ। ଏହା ହେଉଛି ବନ୍ଧୁତ୍ୱର ଏକ ଦିନ। ପ୍ରଥମେ ୧୯୨୦ରେ ପ୍ରଥମ ବିଶ୍ୱ ସ୍କାଉଟ୍ସ ସମ୍ମିଳନୀର ଲଣ୍ଡନ ସଂସ୍କରଣରେ ଏହି ଦିବସ ପାଳନ ପାଇଁ ପ୍ରସ୍ତାବ ଆଗତ କରାଯାଇଥିଲା। ରବର୍ଟ ବାଡେନ-ପାୱେଲ ୧୮୫୭ ଫେବୃୟାରୀ ୨୨ରେ ଜନ୍ମଗ୍ରହଣ କରିଥିଲେ। ତାଙ୍କ ଜନ୍ମ ଦିନରେ ଏହି ଦିବସ ପାଳନ ଲାଗି ମତ ପ୍ରକାଶ ପାଇଥିଲା। ସେବେଠାରୁ ପ୍ରତିବର୍ଷ ଏହି ଦିବସ ପାଳନ କରାଯାଉଛି। ବିପଦ ସମୟରେ ମାନବ ସମାଜ ପାଖରେ ବନ୍ଧୁ ଭଳି ଠିଆ ହେବାକୁ ସ୍କାଉଟ୍ସ ଦିବସ ଶିକ୍ଷା ପ୍ରଦାନ କରିଥାଏ।
