ଅମ୍ରିତସର,୧୯ ।୧: ପୁଣିଥରେ ହଟାହଟା ହେଲେ ବିମାନ ଯାତ୍ରୀ । ଅମ୍ରିତସରରୁ ସିଙ୍ଗାପୁର ଯାଉଥିବା ଏକ ବିମାନ ତା’ର ନିର୍ଦ୍ଧାରିତ ସମୟ ପୂର୍ବରୁ ଚାଲିଯିବାରୁ ପ୍ରାୟ ୩୫ ଜଣ ଯାତ୍ରୀ ହଟହଟା ହୋଇଛନ୍ତି । ଶ୍ରୀ ଗୁରୁ ରାମଦାସ ଜୀ ଇଣ୍ଟରନ୍ୟାସନାଲ ଏୟାରପୋର୍ଟରେ ଯେତେବେଳେ ଏହି ଯାତ୍ରୀମାନେ ଜାଣିବାକୁ ପାଇଥିଲେ କି ସେମାନଙ୍କ ବିମାନଟି ନିର୍ଦ୍ଧାରିତ ସମୟ ପୂର୍ବରୁ ଉଡିଯାଇଛି ସେତେବେଳେ ବିମାନ ବନ୍ଦରରେ ହୋହାଲ୍ଲା ଆରମ୍ଭ ହୋଇଯାଇଥିଲା ।
ଶ୍ରୀ ଗୁରୁ ରାମଦାସ ଜୀ ଇଣ୍ଟରନ୍ୟାସନାଲ ଏୟାରପୋର୍ଟରୁ ସ୍କୁଟ ଏୟାରଲାଇନ୍ସର ସିଙ୍ଗାପୁର ଯିବାକୁ ଥିବା ଫ୍ଲାଇଟ ସନ୍ଧ୍ୟା ୭ଟା ୫୫ରେ ଯିବାର ଥିଲା । ହେଲେ ଯାତ୍ରୀମାନେ ଯେତେବେଳେ ଏୟରପୋର୍ଟରେ ପହଞ୍ଚିଥିଲେ ସେତେବେଳେ ଜଣାପଡିଥିଲା କି ବିମାନଟି କିଛି ଘଣ୍ଟା ପୂର୍ବରୁ ଉଡିଯାଇଛି । ମିଳିଥିବା ସୂଚନା ଅନୁଯାୟୀ ବିମାନଟି ନିର୍ଦ୍ଧାରିତ ସମୟର ୫ ଘଣ୍ଟା ପୂର୍ବରୁ ଉଡିଯାଇଛି । ଅର୍ଥାତ ବିମାନଟି ସନ୍ଧ୍ୟା ୭ଟା ୫୫ ପରିବର୍ତ୍ତେ ଦିନ ୩ଟାରେ ସିଙ୍ଗାପୁର ବାହାରି ଯାଇଛି । ଏହାପରେ ୩୫ ଜଣ ଯାତ୍ରୀ ବିମାନ ବନ୍ଦରରେ ହୋହାଲ୍ଲା କରିଥିଲେ ।
ସ୍କୁଟ ଏୟାରଲାଇନ୍ସର ଅଧିକାରୀମାନେ କହିଛନ୍ତି ଏ ସମ୍ପର୍କରେ ସମସ୍ତ ଯାତ୍ରୀଙ୍କୁ ଇମେଲ ମାଧ୍ୟମରେ ଜଣାଇ ଦିଆଯାଇଥିଲା । ସେଥିପାଇଁ ଅନେକ ଯାତ୍ରୀ ଠିକ ସମୟରେ ବିମାନ ବନ୍ଦରରେ ପହଞ୍ଚିଯାଇଥିଲେ । ହେଲେ ଯେଉଁମାନେ ଆସି ନ ଥିଲେ ସେମାନଙ୍କ ନାମ ଘୋଷଣା ହେଲା ପରେ ବି ସେମାନେ ସେଠାରେ ପହଞ୍ଚି ପାରି ନ ଥିଲେ । ତେଣୁ ବିମାନ ରିସୁଡ୍ୟୁଲ ଟାଇମରେ ହିଁ ଟେକଅପ କରିଥିଲା । ହେଲେ ଯାତ୍ରୀମାନେ ଅଭିଯୋଗ କରିଛନ୍ତି କି ଏ ସମ୍ପର୍କରେ ସେମାନଙ୍କୁ କୌଣସି ଇମେଲ ଆସିନାହିଁ ।
