ନୂଆଦିଲ୍ଲୀ,୨୮।୪: ସାଂଘାଇ ସହଯୋଗ ସଂଗଠନ (ଏସ୍ସିଓ) ବୈଠକ ଶୁକ୍ରବାର ଅନୁଷ୍ଠିତ ହେବ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଏଥିରେ ଅଧ୍ୟକ୍ଷତା କରିବେ। ବୈଠକରେ ଆଞ୍ଚଳିକ ଶାନ୍ତି, ନିରାପତ୍ତା, ଆତଙ୍କବାଦକୁ ରୋକିବା ଏବଂ ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବା ଉପରେ ଗୁରୁତ୍ୱ ଦିଆଯିବ। ଏହି ସଭାରେ ପ୍ରତ୍ୟେକ ଦେଶ ନିଜର ପକ୍ଷ ଉପସ୍ଥାପନ କରିବେ।
ଏହି ସମ୍ମିଳନୀରେ ଯୋଗଦେବା ପାଇଁ ଚାଇନା ପ୍ରତିରକ୍ଷା ମନ୍ତ୍ରୀ ଲି ଶାଙ୍ଗଫୁ, ତାଜିକିସ୍ତାନର ପ୍ରତିରକ୍ଷା ମନ୍ତ୍ରୀ କର୍ଣ୍ଣେଲ ଜେନେରାଲ ଶେରାଲୀ ମର୍ଜୋ, ଇରାନର ପ୍ରତିରକ୍ଷା ମନ୍ତ୍ରୀ ବ୍ରିଗେଡିୟର୍ ଜେନେରାଲ ମହମ୍ମଦ ରେଜା ଘାରାଇ ଆଷ୍ଟିଆନି ଏବଂ କାଜାଖସ୍ତାନର ପ୍ରତିରକ୍ଷା ମନ୍ତ୍ରୀ କର୍ଣ୍ଣେଲ ଜେନେରାଲ ରସଲାନ ଜାକ୍ସିଲନିକୋଭ ଦିଲ୍ଲୀରେ ପହଞ୍ଚିଛନ୍ତି।
ତେବେ ଏସସିଓର ସଦସ୍ୟ ଦେଶଗୁଡ଼ିକ ହେଉଛି ଭାରତ,ରୁଷିଆ, ଚାଇନା, ପାକିସ୍ଥାନ, କିର୍ଗିଜସ୍ଥାନ, କାଜାଖସ୍ତାନ, ତାଜିକିସ୍ତାନ ଏବଂ ଉଜବେକିସ୍ଥାନ। ସଦସ୍ୟ ଦେଶ ବ୍ୟତୀତ ବେଲା ରୁଷ ଏବଂ ଇରାନ ପ୍ରତିରକ୍ଷା ମନ୍ତ୍ରୀଙ୍କ ଏହି ସମ୍ମିଳନୀରେ ପର୍ଯ୍ୟବେକ୍ଷକ ଦେଶ ଭାବରେ ଅଂଶଗ୍ରହଣ କରୁଛନ୍ତି। ଭର୍ଚୁଆଲ ମାଧ୍ୟମ ମାଧ୍ୟମରେ ଏହି ସମ୍ମିଳନୀରେ ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ମହମ୍ମଦ ଆସିଫ ଅଂଶଗ୍ରହଣ କରିବେ। ଭାରତ ଏସ୍ସିଓ ଶିଖର ସମ୍ମିଳନୀ ୨୦୨୩ ରେ ଅଧ୍ୟକ୍ଷତା କରୁଛି।
