ନୂଆଦିଲ୍ଲୀ,୧୫।୨: ଦେଶର ବୃହତ୍ତମ ବ୍ୟାଙ୍କ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଏହାର ଋଣକୁ ମହଙ୍ଗା କରିଛି। ଆର୍ବିଆଇ ଦ୍ୱାରା ରେପୋ ରେଟ୍ ବୃଦ୍ଧି କରାଯିବା ପରେ ଏସ୍ବିଆଇ ଏହାର ସମସ୍ତ ପ୍ରକାର ମାନଦଣ୍ଡ ହାରକୁ ୦.୧୦% ବୃଦ୍ଧି କରିଛି। ବ୍ୟାଙ୍କର ଏହି ପଦକ୍ଷେପ ଉଭୟ ପୁରୁଣା ଏବଂ ନୂତନ ଗ୍ରାହକଙ୍କୁ ପ୍ରଭାବିତ କରିବ। କାରଣ ଏହି ବୃଦ୍ଧି ପରେ ଗୃହ ଋଣ, କାର ଋଣ, ବ୍ୟକ୍ତିଗତ ଋଣ ସହ ଅନ୍ୟ ସମସ୍ତ ଋଣ ମହଙ୍ଗା ହେବ। ପୁରୁଣା ଗ୍ରାହକଙ୍କ ଇଏମ୍ଆଇ୍ ବୃଦ୍ଧି ପାଇବ। ନୂତନ ଋଣ ନେବା ମଧ୍ୟ ମହଙ୍ଗା ହେବ। ତେବେ ଏହି ନୂତନ ହାର ଫେବୃୟାରୀ ୧୫ରୁ ଲାଗୁ ହେବ।
ଏସ୍ବିଆଇ ୱେବସାଇଟ ଅନୁଯାୟୀ, ଏସ୍ବିଆଇ ଏମ୍ସିଏଲ୍ଆର୍କୁ ୦.୧୦ ପ୍ରତିଶତ ବୃଦ୍ଧି କରିଛି। ଅଧିକାଂଶ ବ୍ୟାଙ୍କ ଗ୍ରାହକ ଏମ୍ସିଏଲ୍ଆର୍ ଉପରେ ଋଣ ଦେଇଛନ୍ତି। ଏଭଳି ପରିସ୍ଥିତିରେ ସେମାନେ ତୁରନ୍ତ ପ୍ରଭାବିତ ହେବେ।
-ବ୍ୟାଙ୍କ ଏକ ମାସ ଏବଂ ତିନି ମାସ ପାଇଁ ଏମ୍ସିଏଲ୍ଆରକୁ ୮% ରୁ ୮.୧୦% କୁ ବୃଦ୍ଧି କରିଛି
-ଛଅ ମାସ ଏବଂ ଗୋଟିଏ ବର୍ଷ ପାଇଁ ଏମ୍ସିଏଲ୍ଆରକୁ ୮.୪୦% ରୁ ୮.୫୦% କୁ ବୃଦ୍ଧି କରାଯାଇଛି
– ଦୁଇ ବର୍ଷ ପାଇଁ ଏମ୍ସିଏଲ୍ଆରକୁ ୮.୫୦% ରୁ ୮.୬୦% କୁ ବୃଦ୍ଧି କରାଯାଇଛି
-ତିନି ବର୍ଷ ପାଇଁ ଏମ୍ସିଏଲ୍ଆରକୁ ୮.୬୦% ରୁ ୮.୭୦% କୁ ବୃଦ୍ଧି କରାଯାଇଛି
ଏହା ବ୍ୟତୀତ ବ୍ୟାଙ୍କ ଇବିଏଲ୍ଆର୍ଏ ଆର୍ଏଲ୍ଏଲ୍ଆର୍,ବିପିଏଲ୍ ହାର ବୃଦ୍ଧି କରିଛି।
