ଶ୍ରାବଣ ଶିବରାତ୍ରି ଅବସରରେ ଗଠିତ ହେଉଥିବା ଚାରିଟି ରାଜଯୋଗ ବୃଷ, କର୍କଟ, ତୁଳା ଓ କୁମ୍ଭ ରାଶି ପାଇଁ ବେଶ ଶୁଭ ସାବ୍ୟସ୍ତ ହେବ। ଏହି ରାଶିର ଲୋକମାନଙ୍କୁ ଭାଗ୍ୟର ସହଯୋଗ ମିଳିବା ସହ କ୍ୟାରିୟରରେ ଉନ୍ନତିର ଯୋଗ ସୃଷ୍ଟି ହେବ।
ଶ୍ରାବଣ ଶିବରାତ୍ରି ଦିନ ଅର୍ଥାତ୍ ୧୧ ଅଗଷ୍ଟରେ ସୂର୍ଯ୍ୟ, ଚନ୍ଦ୍ର, ବୁଧ ଓ ଗୁରୁଏହି ଚାରି ଗ୍ରହ କର୍କଟ ରାଶିରେ ଅବସ୍ଥାନ କରିବେ। ସୂର୍ଯ୍ୟ ଓ ଚନ୍ଦ୍ର ଏକେ ରାଶିରେ ରହିବା ଫଳରେ ଶଶି ଆଦିତ୍ୟ ରାଜଯୋଗ ଗଠିତ ହେବ। ଗୁରୁ ଗ୍ରହ କର୍କଟ ରାଶିରେ ଥିବାରୁ ହଂସ ରାଜଯୋଗ ସୃଷ୍ଟି ହେଉଛି। କର୍କଟ ରାଶିରେ ଦେବଗୁରୁ ବୃହସ୍ପତି ଓ ଚନ୍ଦ୍ରଙ୍କ ଯୁତି ହେବାରୁ ଗଜକେଶରୀ ରାଜଯୋଗ ଗଠନ ହେଉଛି। ଏହା ସହିତ ବୁଧ ଓ ସୂର୍ଯ୍ୟ ଏକାଠି ଥିବାରୁ ବୁଧାଦିତ୍ୟ ରାଜଯୋଗ ମଧ୍ୟ ସୃଷ୍ଟି ହେବ। ଏହି ଶୁଭ ଯୋଗଗୁଡ଼ିକର ପ୍ରଭାବ ଭାଗ୍ୟଶାଳୀ ରାଶିମାନଙ୍କ ଉପରେ ଦେଖିବାକୁ ମିଳିବ।
ବୃଷ ରାଶି:
ଶ୍ରାବଣ ଶିବରାତ୍ରି ଦିନ ଏହି ଶୁଭ ସଂଯୋଗଗୁଡ଼ିକ ଗଠନ ହେବା ବୃଷ ରାଶି ପାଇଁ ଲାଭଦାୟକ ରହିବ। ବୃଷ ରାଶିର ଲୋକମାନେ କାର୍ଯ୍ୟକ୍ଷେତ୍ରରେ ଉନ୍ନତି କରିବେ। କ୍ୟାରିୟରରେ ପଦୋନ୍ନତିର ଯୋଗ ସୃଷ୍ଟି ହେବ। ବ୍ୟବସାୟୀମାନଙ୍କ ପାଇଁ ମଧ୍ୟ ସମୟ ଭଲ ରହିବ। ନିବେଶ କରିବା ପାଇଁ ମଧ୍ୟ ଏହି ସମୟ ଅନୁକୂଳ ରହିବ।
କର୍କଟ ରାଶି:
ଏହି ଶୁଭ ରାଜଯୋଗଗୁଡ଼ିକ ଗଠିତ ହେବା ଫଳରେ କର୍କଟ ରାଶିର ଜାତକମାନେ ଲାଭ ପାଇପାରନ୍ତି। ଆପଣଙ୍କ ଆତ୍ମବିଶ୍ୱାସ ବଢ଼ିବ ଏବଂ କ୍ୟାରିୟରରେ ନୂଆ ସୁଯୋଗ ମିଳିବ। ଅଧିକାରୀମାନଙ୍କ ସହଯୋଗ ପାଇବେ। ସମାଜରେ ଆପଣଙ୍କ ମାନ-ସମ୍ମାନ ବୃଦ୍ଧି ପାଇବ।
ତୁଳା ରାଶି:
ତୁଳା ରାଶିର ଲୋକମାନେ ସହଭାଗୀତାରେ କରୁଥିବା କାମରେ ସଫଳତା ପାଇପାରନ୍ତି। ବ୍ୟବସାୟୀମାନଙ୍କ ପାଇଁ ସମୟ ଭଲ ରହିବ। ଏହି ରାଜଯୋଗଗୁଡ଼ିକର ପ୍ରଭାବରେ ଆୟ ବୃଦ୍ଧିର ଯୋଗ ରହିଛି। ଆର୍ଥିକ ଦୃଷ୍ଟିରୁ ମଧ୍ୟ ଆପଣଙ୍କ ପାଇଁ ସମୟ ଅନୁକୂଳ ରହିବ।
କୁମ୍ଭ ରାଶି:
କୁମ୍ଭ ରାଶି ପାଇଁ ମଧ୍ୟ ସମୟ ଭଲ ରହିବ। ଚାକିରି କରୁଥିବା ଲୋକମାନେ ଲାଭ ପାଇପାରନ୍ତି। ବ୍ୟବସାୟୀମାନେ ଭଲ ମୁନାଫା କରିପାରିବେ। ଅଟକି ରହିଥିବା ଟଙ୍କା ଫେରି ପାଇବାର ସମ୍ଭାବନା ରହିଛି। ନିବେଶ ପାଇଁ ମଧ୍ୟ ସମୟ ଭଲ ରହିବ।Dharitri – Odisha’s No.1 Odia Daily