ଶ୍ରମିକ ନିଯୁକ୍ତିରେ ସନ୍ତୁଷ୍ଟି

ଯାଜପୁର ଅଫିସ,୨୦।୧୦:ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳରେ ଆଶାୟୀଙ୍କୁ ଠିକା ଶ୍ରମିକ ନିଯୁକ୍ତି ଦେଇ ସନ୍ତୁଷ୍ଟ କରାଯାଉଛି। ଏହି ପ୍ରକ୍ରିୟାରେ ୩୬୪ ଅଣଓଡ଼ିଆ ଏବଂ ୧୮୪ ଓଡ଼ିଆ ଠିକାସଂସ୍ଥା ବିପୁଳ ପରିମାଣରେ ଲାଭବାନ ହେଉଛନ୍ତି। ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟରେ ଏହା ସ୍ପଷ୍ଟ ହୋଇଛି। ଠିକାସଂସ୍ଥାର ମାଲିକମାନେ ମନଇଚ୍ଛା ସ୍ଥାନୀୟ ଶ୍ରମିକଙ୍କୁ ନିଯୁକ୍ତିରୁ ହଟେଇ ସେମାନଙ୍କ ପରିବାରବର୍ଗଙ୍କୁ ମାନସିକ ଭାବେ ନିର୍ଯାତନା ଦେଇଆସୁଛନ୍ତି। ଠିକାସଂସ୍ଥାର ମନମାନି ବିରୋଧରେ ହେଉଥିବା ଆନ୍ଦୋଳନ ପ୍ରାୟ ୫ ବର୍ଷ ହେଲା ନରମି ଯାଉଥିବାରୁ ବହୁ ବୈଷୟିକ ଡିଗ୍ରୀଧାରୀ ବେକାର ଯୁବତୀଯୁବକଙ୍କ ନିଯୁକ୍ତି ଆଶା ମଉଳି ଯାଇଛି।
ଜାତୀୟ ଓ ରାଜ୍ୟସ୍ତରରେ ଉତ୍କଟ ବେକାରି ସମସ୍ୟା ଦୂର ଉଦ୍ଦେଶ୍ୟରେ ଶିଳ୍ପାୟନକୁ ଆଖିବୁଜି ଗ୍ରହଣ କରି ରାଜ୍ୟ ସରକାର କଳିଙ୍ଗନଗରରେ ପ୍ରତିଷ୍ଠିତ କମ୍ପାନୀଗୁଡ଼ିକୁ ସବୁପ୍ରକାର ସହଯୋଗ ଦେଇ ଆସୁଛନ୍ତି। ବର୍ତ୍ତମାନ କଳିଙ୍ଗନଗର ଶିଳ୍ପାଞ୍ଚଳରେ ୬ଟି ବୃହତ୍‌ କମ୍ପାନୀ କାର୍ଯ୍ୟକ୍ଷମ ରହିଛି। କିନ୍ତୁ ଠିକା ଶ୍ରମିକ ନିଯୁକ୍ତି ଦେଇ ରାଜ୍ୟବାସୀଙ୍କୁ ଭୁଆଁ ବୁଲାଯାଉଛି। ଦେଶ ସ୍ବାଧୀନତା ପୂର୍ବରୁ ଟାଟା ଯାଜପୁର ଜିଲାର ଖଣି ଅଞ୍ଚଳ ସୁକିନ୍ଦାରେ ପାଦ ଦେଇଥିଲା। ଭାରବୁହାରେ କ୍ରୋମାଇଟ ଖଣିରୁ ଉତ୍ତୋଳନ ଆରମ୍ଭ କରିଥିବା ଟାଟାକୁ ଯୋଡ଼ା ଅଞ୍ଚଳରେ ୬ଟି ଖାଦାନରେ ୪୧୨୩ ହେକ୍ଟର ଏବଂ ସୁକିନ୍ଦାରେ ୩ଟି ଖାଦାନ ଜରିଆରେ ୭୬୦ ହେକ୍ଟର ଜମି ଲିଜ୍‌ ଦିଆଯାଇଛି। ଏହି ଖଣିରୁ କଳିଙ୍ଗନଗର ଟାଟା ଷ୍ଟିଲ କାରଖାନା ଗଢ଼ିଉଠିଛି। ୨୪ା୮ା୨୦୨୧ ସୁଦ୍ଧା ମିଳିଥିବା ଆରଟିଆଇ ତଥ୍ୟ ଅନୁସାରେ ଏହି କାରଖାନାରେ ୨୦୫ ଅଣଓଡ଼ିଆ ଠିକାସଂସ୍ଥା ଜରିଆରେ ୧୭,୮୪୫ ଶ୍ରମିକ ଏବଂ ୩,୦୧୫ କର୍ମଚାରୀ ନିଯୁକ୍ତି ହୋଇଛନ୍ତି। ସେହିପରି ୮୩ଟି ଓଡ଼ିଆ ଠିକାସଂସ୍ଥା ଜରିଆରେ ୩,୨୮୮ ଶ୍ରମିକ ଏବଂ ୪୦୫ କର୍ମଚାରୀଙ୍କୁ ନିଯୁକ୍ତି ମିଳିଛି। ଏସବୁୁ ୮୮% ଶ୍ରମିକ ଓଡ଼ିଶାର ବୋଲି ଦାବି କରାଯାଇଛି। ସେହିପର ଓଡ଼ିଶାର ୪୧% ସୁପରଭାଇଜର ଏବଂ ମ୍ୟାନେଜରିଆଲ କର୍ମଚାରୀ ରହିଥିବା କୁହାଯାଇଛି। କିନ୍ତୁ ସିନିୟର ଏକ୍‌ଜିକ୍ୟୁଟିଭ ପଦବୀରେ କେହି ଓଡ଼ିଶାର ନାହାନ୍ତି। ସ୍ଥାୟୀ ନିଯୁକ୍ତି କ୍ଷେତ୍ରରେ ମଧ୍ୟ ଶ୍ରମିକ ଶ୍ରେଣୀର ୮୧% ଓଡ଼ିଶାର ରହିଥିବାବେଳେ ସୁପରଭାଇଜର ଓ ମ୍ୟାନେଜରିଆଲ କର୍ମଚାରୀ ମାତ୍ର ୩୮% ରହିଛନ୍ତି। ସିନିୟର ଏକ୍‌ଜିକ୍ୟୁଟିଭ ପଦବୀରେ ମାତ୍ର ୧୯% ରାଜ୍ୟର ନିଯୁକ୍ତି ପାଇଛନ୍ତି। ଅର୍ଥାତ ରାଜ୍ୟରେ ବୈଷୟିକ ଡିଗ୍ରୀଧାରୀ ଏବଂ ପରିଚାଳନାଗତ ଅଧିକାରୀ ପାଇଁ ଶିକ୍ଷିତ ଯୁବତୀଯୁବକଙ୍କ ଅଭାବ ରହିଛି ବୋଲି ଟାଟା ଷ୍ଟିଲ ଏଠାରେ ପ୍ରମାଣିତ କରୁଛି। ନିକଟରେ ରାଣ୍ଡଷ୍ଟାଡ ଇଣ୍ଡିଆ ଲିଃ, କେଇସି ଇଣ୍ଟରନ୍ୟାଶନାଲ, ଜାମସେଦପୁର ୟୁଟିଲିଟିଜ ଆଣ୍ଡ ସର୍ଭିସ କୋ, ଆଇଆର୍‌ଆଇଏସ୍‌ଇ ଇଣ୍ଡିଆ ପ୍ରା.ଲିଃ, ଅଟୋମେଶନ ଆଣ୍ଡ ଟେକ୍ନିକାଲ ସର୍ଭିସେସ୍‌, ଗେନନ୍‌ ଡଙ୍କରଲି ଆଣ୍ଡ କୋ ଲିଃ ଇତ୍ୟାଦି ୫୦ରୁ ଊର୍ଦ୍ଧ୍ୱ ଅଣଓଡ଼ିଆ ଠିକାସଂସ୍ଥାରୁ ନିୟମିତ ଦରମା ନ ମିଳିବା, ଜାଣିଶୁଣି ହଇରାଣ କରାଯିବା ଆଦି କାରଣରୁ ଶତାଧିକ ଶ୍ରମିକ ଓ କର୍ମଚାରୀ ଚାକିରି ଛାଡ଼ିଥିବା ଅଭିଯୋଗ ହେଉଛି। ଏପରିକି ଉପତ୍ାଦିତ ସାମଗ୍ରୀ ବାହାରକୁ ଚାଲାଣ ଦାୟିତ୍ୱରେ ରହିଥିବା କେତେକ ଠିକାସଂସ୍ଥା ଅଧିକାରୀମାନେ ଓଜନରେ ଜାଲିଆତି କରି ବିପୁଳ ପରିମାଣର ଆର୍ଥିକ ଅନିୟମିତତା କରୁଥିବା ଚର୍ଚ୍ଚା ହେଉଛି। ଜିନ୍ଦଲ ଷ୍ଟେନଲେସ ଷ୍ଟିଲ ଲିଃରେ ୪୫ ଓଡ଼ିଆ ଠିକାସଂସ୍ଥା ଏବଂ ୧୦୯ ଅଣଓଡିଆ ଠିକାସଂସ୍ଥା ଜରିଆରେ ନିଯୁକ୍ତି ଦିଆଯାଇଛି। ଏଠାରେ ଓଡ଼ିଶାର ଶ୍ରମିକ ଶ୍ରେଣୀର ୮୫.୦୬%, ସୁପରଭାଇଜର/ମ୍ୟାନେଜରିଆଲ ୬୩.୬୪% ଏବଂ ସିନିୟର ଏକ୍‌ଜିକ୍ୟୁଟିଭ ୬୬% ରହିଛନ୍ତି। ସ୍ଥାୟୀ ନିଯୁକ୍ତି କ୍ଷେତ୍ରରେ ଓଡ଼ିଶାର ଶ୍ରମିକ ଶ୍ରେଣୀର ୯୮%, ସୁପରଭାଇଜର/ମ୍ୟାନେଜରିଆଲ ୫୯.୨୮% ଏବଂ ସିନିୟର ଏକ୍‌ଜିକ୍ୟୁଟିଭ ପଦବୀରେ ୪୫ ପ୍ରତିଶତ ଓଡ଼ିଶାର ନିଯୁକ୍ତି ପାଇଛନ୍ତି।
ଅନ୍ୟ କମ୍ପାନୀଗୁଡ଼ିକ ମଧ୍ୟ ଅଣଓଡ଼ିଆ ଠିକାସଂସ୍ଥା ଜରିଆରେ ଶ୍ରମିକମାନଙ୍କୁ ନିଯୁକ୍ତି ଦିଆଯାଇ ବିଭିନ୍ନ ସମୟରେ ହଇରାଣ ହରକତ କରାଯାଉଥିବା ଅଭିଯୋଗ ହୋଇ ଆସୁଛି। ସେହିପରି ଚାକିରିକୁ ନେଇ ବହୁ ଅନିୟମିତତା ଓ ଦୁର୍ନୀତି ହୋଇଥିବା ଦୀର୍ଘଦିନରୁ ବିଭିନ୍ନ ସ୍ତରରେ ଅଭିଯୋଗ, ପ୍ରତିକ୍ରିୟା, ଆଲୋଚନା ହୋଇ ଆସିଛି। ମାତ୍ର ଏହାର ବିଧିବଦ୍ଧ ତଦନ୍ତ ପାଇଁ କେହି ତତ୍ପରତା ପ୍ରକାଶ କରିନାହାନ୍ତି। ପ୍ରକୃତପକ୍ଷେ ବିସ୍ଥାପିତ ଓ କ୍ଷତିଗ୍ରସ୍ତ ଲୋକେ ଉପକୃତ ହୋଇ ନ ଥିବାବେଳେ ବହୁ ସରକାରୀ ଅଧିକାରୀ, ନେତା, ପ୍ରଭାବଶାଳୀଙ୍କ ସମ୍ପର୍କୀୟ ଚାକିରି ହାତେଇଛନ୍ତି। ଏ ସଂକ୍ରାନ୍ତରେ କଳିଙ୍ଗନଗର ଅତିରିକ୍ତ ଜିଲାପାଳ ସନ୍ତୋଷ କୁମାର ମିଶ୍ରଙ୍କୁ ପଚାରିବାରେ ସେ କହିଛନ୍ତି, ସ୍ଥାନୀୟ ନିଯୁକ୍ତିକୁ ନେଇ ପ୍ରଶାସନ ସଦାସର୍ବଦା ତପତ୍ରତା ପ୍ରକାଶ କରୁଛି। ଏଥିପାଇଁ କମ୍ପାନୀଗୁଡ଼ିକୁ ବିଭିନ୍ନ ସମୟରେ ତାଗିଦ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?