ଦାରିଙ୍ଗବାଡି, ୨୫।୧ (ଅରୁଣ ସାହୁ ): ଏବେ ଯାଇଛି ସରସ୍ବତୀ ପୂଜା ଉତ୍ସବ ଆଉ ସୋମବାର ଦେଶ ପାଳିବ ସାଧାରଣତନ୍ତ୍ର ଦିବସ। ଏହାକୁ ନେଇ ସାରା ରାଜ୍ୟ ଉତ୍ସବ ମୁଖର ଥିବା ବେଳେ ଏବେ ଚର୍ଚ୍ଚା ଧରିଛି ଆମିଷ ଭୋଜନ କୁ ନେଇ। କୋରାପୁଟ ଜିଲାରେ କୌଣସି ସ୍ଥାନରେ ଆମିଷ ବିକ୍ରୀକୁ ଜିଲ୍ଲା ପ୍ରଶାସନ କଟକଣା କରିଥିବା ବେଳେ ସୋମବାର ରାଜ୍ୟର ସମସ୍ତ ବିଦ୍ୟାଳୟରେ ମଧ୍ୟାହ୍ନ ଭୋଜନ ତାଲିକାରେ ଅଣ୍ଡା ଭୋଜନ ବ୍ୟବସ୍ଥା ରହିଛି । ତେବେ ପିଲା ସରସ୍ବତୀ ପୂଜାରେ ଆମିଷ ଭୋଜନକୁ ନା କରିଥିବା ବେଳେ ଅଣ୍ଡା ପାଇବାରୁ ବଞ୍ଚିତ ହୋଇଛନ୍ତି। ଅନେକ ଛାତ୍ରୀଛାତ୍ର ସରସ୍ବତୀ ପୂଜାକୁ ଶ୍ରଦ୍ଧାର ସହ ପାଳନ କରିବା ସହ ଆମିଷ (ଅଣ୍ଡା)ଭୋଜନ ଖାଇ ନ ଥିବା ବେଳେ ବହୁ ପିଲା ବିଭିନ୍ନ ବିଦ୍ୟାଳୟରେ ଭୋକ ଉପାସରେ ଘରକୁ ଫେରିଥିବା ଜଣାପଡିଛି । ସେହିପରି ଏବେ ପୁଣି ସୋମବାରରେ ସାଧାରଣତନ୍ତ୍ର ଦିବସ ପଡୁଥିବାରୁ ଅନେକ ଛାତ୍ରୀଛାତ୍ର ଏହି ଦିବସକୁ ସମ୍ମାନ ଜଣାଇ ଆମିଷ ଭୋଜନକୁ ନା କରିବେ। ତେବେ ସରକାର ଏହି ଦିଗରେ ବିଶେଷ ଦିନ ଗୁଡିକୁ ଦେଖି ଛାତ୍ରୀଛାତ୍ରଙ୍କ ଆବେଗକୁ ଗୁରୁତ୍ୱ ଦେଇ ଉକ୍ତ ତାଲିକାରେ ପରିବର୍ତ୍ତନ କରି ସାଦା ଭୋଜନ ବ୍ୟବସ୍ଥା କରିବା ଜରୁରୀ ବୋଲି ଚର୍ଚ୍ଚା ଧରିଛି। କୋରାପୁଟ ଜିଲାପାଳ ଏବେ ସାଧାରଣତନ୍ତ୍ର ଦିବସରେ ଛାତ୍ରାବାସର ଛାତ୍ରୀଛାତ୍ରଙ୍କୁ ପୂର୍ବ ନିର୍ଦ୍ଧାରିତ ପ୍ରକାରେ ଅଣ୍ଡା ଭୋଜନ ଖାଇବାକୁ ଦେବେ ନା ପରିବର୍ତ୍ତନ କରିବେ ସେନେଇ କୋରାପୁଟ ତଥା କନ୍ଧମାଳରେ ଜୋରଦାର ଚର୍ଚ୍ଚା ଚାଲିଛି।
Dharitri – The Largest & Most Trusted Odia Daily
