କଲମ୍ବୋ,୧୮।୭: ଭାରତୀୟ ଉଇକେଟକିପର ବ୍ୟାଟ୍ସମ୍ୟାନ ସଞ୍ଜୁ ସାମସନଙ୍କ ପିଛା ଛାଡ଼ୁନି ଦୁର୍ଭାଗ୍ୟ। ରବିବାର ଶ୍ରୀଲଙ୍କା ବିପକ୍ଷ ପ୍ରଥମ ଦିନିକିଆ ପୂର୍ବରୁ ଆହତ ସମସ୍ୟା କାରଣରୁ ଦଳରୁ ବାଦ୍ ପଡ଼ିଛନ୍ତି ଏହି ଷ୍ଟାର ବ୍ୟାଟ୍ସମ୍ୟାନ। ଟ୍ରେନିଂ ସେସନରେ ତାଙ୍କ ଆଣ୍ଠୁରେ ଆଘାତ ଲାଗିଥିଲା। ଏହି ସମସ୍ୟା କାରଣରୁ ସେ ପରବର୍ତ୍ତୀ ଦୁଇଟି ମ୍ୟାଚ୍ରେ ଉପଲବ୍ଧ ରହିବେ କି ନାହିଁ, ତାହା ସ୍ପଷ୍ଟ ହୋଇପାରୁ ନାହିଁ। ତାଙ୍କ ଆହତ ସମସ୍ୟା ଉପରେ ମେଡିକାଲ ଟିମ୍ ନଜର ରଖିଥିବା ବିସିସିଆଇ ପକ୍ଷରୁ କୁହାଯାଇଛି। ଦିନିକିଆ ଫମାର୍ଟରେ ସାମସନଙ୍କୁ ପଦାର୍ପଣ କରିବାକୁ ଅପେକ୍ଷା କରିବାକୁ ପଡ଼ିପାରେ। ସାମସନ ଉପଲବ୍ଧ ନ ଥିବାରୁ ଇଶାନ କିଷନ ଦିନିକିଆ ପଦାର୍ପଣ କରିଛନ୍ତି।
