ଭୁବନେଶ୍ୱର, ୨୮।୧୨(କ୍ରୀଡ଼ା ପ୍ରତିନିଧି)- ଭୁବନେଶ୍ୱର ଚେସ୍ ଆସୋସିଏଶନ ଆନୁକୂଲ୍ୟରେ ୧୩ତମ ସନ୍ଦିପ ମହାନ୍ତି ମେମୋରିଆଲ ଓପନ ଚେସ୍ ଚାମ୍ପିୟନଶିପ୍ ରବିବାର ଅନୁଷ୍ଠିତ ହୋଇଯାଇଛି। ୭ ରାଉଣ୍ଡ ବିଶିଷ୍ଟ ପ୍ରତିଯୋଗିତାରେ କଟକର ହର୍ଷିତ ରଞ୍ଜନ ସାହୁ ଚାମ୍ପିୟନ, ଭୁବନେଶ୍ୱରର ସ୍ବପ୍ନିଳ ପ୍ରିୟଦର୍ଶୀ ରନର୍ସଅପ୍ ଏବଂ ଫିଡେ ମାଷ୍ଟର ସୌମ୍ୟ ରଞ୍ଜନ ମିଶ୍ର ତୃତୀୟ ସ୍ଥାନ ଅଧିକାର କରିଛନ୍ତି। ଏହି ତିନି ଖେଳାଳିଙ୍କ ସମେତ ୪ର୍ଥ ସ୍ଥାନରେ ରହିଥିବା ଦେବୀ ପ୍ରସାଦ ବିଶ୍ୱାଳ ୬ ପଏଣ୍ଟ ଲେଖାଏ ପାଇଛନ୍ତି। ସମାନ ପଏଣ୍ଟ ପାଇଥିଲେ ହେଁ ବୁକୋଲଜରେ ଖେଳାଳି ର଼୍ୟାଙ୍କ୍ ସ୍ଥିର କରାଯାଇଛି। ଅନ୍ୟ ମାନଙ୍କ ମଧ୍ୟରେ ବିଭୂତି ଭୂଷଣ ଦାସ, ମାନସ ରଞ୍ଜନ ପରିଡ଼ା, ମାନସ ରଞ୍ଜନ ମହାରଣା, ଜ୍ୟୋତିରଞ୍ଜନ ପଣ୍ଡା, ରବୀନ୍ଦ୍ର କୁମାର ଓଝା, ପ୍ରକାଶ ଚନ୍ଦ୍ର ସାହୁ, ହୃଦାନନ୍ଦ ସାମନ୍ତରା(ସମସ୍ତେ ୫ ପଏଣ୍ଟ), ରାଜେନ୍ଦ୍ର କୁମାର ସାହୁ ଓ ଲୋରେନ୍ସ ପ୍ରଧାନ (ଉଭୟ ୪.୫ ପଏଣ୍ଟ) ଶୀର୍ଷ ୧୩ ଜଣଙ୍କ ମଧ୍ୟରେ ରହିଛନ୍ତି। ସେହିପରି ୮ ବର୍ଷରୁ କମ୍ ବର୍ଗରେ ଈଶାନି ଦାସ, ଅର୍କ ମିଶ୍ର, ୧୦ ବର୍ଷରୁ କମ୍ରେ ରୋହିତ ମଲିକ, ସାଇ ଅମୃତ ପରିଜା, ୧୨ ବର୍ଷରୁ କମ୍ରେ ସ୍ଥିତପ୍ରଜ୍ଞ ସାହୁ, ଆଦିତ୍ୟ ରଞ୍ଜନ ଦାସ, ୧୪ ବର୍ଷରୁ କମ୍ ବିଭାଗରେ ଅଞ୍ଜଳି ମିଶ୍ର, ଅମନ୍ ଅଲୀ ଏବଂ ବାଳିକା ବର୍ଗରେ ନମସ୍ୟା ନଳିନୀ ଓ ସାହାନା ଲେଙ୍କା ପୁରସ୍କୃତ ହୋଇଛନ୍ତି। ବୈଭବ ମଜୁମଦାର, ମନସିଜ ସାମଲ, ଅମ୍ଳାନ ସେନାପତି, ଲଳିତ ରଞ୍ଜନ ସାହୁ ଓ ଅଂଶୁମାନ ପତି ଶାନ୍ତ୍ୱନା ମୂଳକ ପୁରସ୍କାର ହାସଲ କରିଛନ୍ତି। ଅଦିତି ମହାରଣା ସର୍ବକନିଷ୍ଠ ଖେଳାଳିଭାବେ ଏଥିରେ ଖେଳିଥିଲେ। ଭୁବନେଶ୍ୱର ଡିସିବି ବ୍ୟାଙ୍କ ଶାଖା ମୁଖ୍ୟ ନଳିନୀକାନ୍ତ ମହାନ୍ତି ମୁଖ୍ୟ ଅତିଥିଭାବେ ଯୋଗଦେଇ ପୁରସ୍କାର ପ୍ରଦାନ କରିଥିଲେ। ଭୁବନେଶ୍ୱର ଚେସ୍ ଆସୋସିଏଶନ ସମ୍ପାଦକ ଦେବାଶିଷ ପାଣିଗ୍ରାହୀ, ଉପସଭାପତି ସୀତେନ୍ଦୁ ରାଜଗୁରୁ, ଯୁଗ୍ମ ସମ୍ପାଦକ ସୁରିନ୍ଦରନାଥ ମହାନ୍ତି, କୋଷାଧ୍ୟକ୍ଷ ପ୍ରଭାତ ନାଥ, ସାଇ ବୀଣାପାଣି ଜ୍ଞାନମନ୍ଦିରର ସମ୍ପାଦକ ଭବାନୀ ଶଙ୍କର ମହାପାତ୍ର, ପ୍ରଧାନ ଶିକ୍ଷୟିତ୍ରୀ ମମତା ମହାପାତ୍ର, ସନ୍ଦିପଙ୍କ ସମ୍ପର୍କୀୟ ସୌମେନ୍ଦ୍ର ମହାନ୍ତି ପ୍ରମୁଖ ଉପସ୍ଥିତ ଥିଲେ।
