ଅହମ୍ମଦାବାଦ,୧୯ା୧୧: ଦିନିକିଆ କ୍ରିକେଟ ବିଶ୍ୱକପ୍ ୨୦୨୩ର ଫାଇନାଲ ମ୍ୟାଚ୍ ରବିବାର ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବ। ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଏହି ମହାନ ମ୍ୟାଚ୍ ପାଇଁ ସମ୍ପୂର୍ଣ୍ଣ ପ୍ରସ୍ତୁତି ଚାଲିଛି। ଟିମ୍ ଇଣ୍ଡିଆ ଶେଷଥର ପାଇଁ ୨୦୧୧ରେ ବିଶ୍ୱ ଟାଇଟଲ ଜିତିଥିଲା। ବର୍ତ୍ତମାନର ବିଶ୍ୱକପର ଭାରତୀୟ ଦଳ କ୍ରମାଗତ ୧୦ଟି ମ୍ୟାଚ୍ ଜିତି ଫାଇନାଲରେ ପ୍ରବେଶ କରିଛି। ପ୍ରଥମ ଦୁଇଟି ମ୍ୟାଚ୍ ହାରିବା ପରେ ଅଷ୍ଟ୍ରେଲିଆ କ୍ରମାଗତ ୮ଟି ବିଜୟ ଧାରା ଜାରି ରଖି ଭାରତ ସହ ଟାଇଟଲ ଯୁଦ୍ଧ ପାଇଁ ପ୍ରସ୍ତୁତ ରହିଛି। ୨୦୦୩ରେ ଭାରତ ଫାଇନାଲରେ ଅଷ୍ଟ୍ରେଲିଆ ଦ୍ୱାରା ୧୨୫ ରନ୍ରେ ପରାସ୍ତ ହୋଇଥିଲା। ବର୍ତ୍ତମାନ ସେହି ପରାଜୟର ପ୍ରତିଶୋଧ ନେବାକୁ ଭାରତର ଏକ ସୁବର୍ଣ୍ଣ ସୁଯୋଗ ଅପେକ୍ଷାରେ ରହିଛି।
ଆଜି ଇତିହାସର ପୃଷ୍ଠାରେ ରୋହିତ ଶର୍ମାଙ୍କ ନାମ ରେକର୍ଡ କରାଯାଇପାରିବ। ରୋହିତ ବିଶ୍ୱକପ ଟ୍ରଫି ଜିତି କିମ୍ବଦନ୍ତୀ କପିଲ ଦେବ ଏବଂ ମହେନ୍ଦ୍ର ସିଂ ଧୋନିଙ୍କ ସ୍ବତନ୍ତ୍ର କ୍ଲବରେ ଯୋଗ ଦେଇ ପାରିବେ। ପେସର ମହମ୍ମଦ ଶାମିଙ୍କ ମା’ କହିଛନ୍ତି, ଦଳର ସମସ୍ତ ଖେଳାଳି ତାଙ୍କ ପୁଅଙ୍କ ପରି ଏବଂ ସେ ଭଗବାନଙ୍କ ନିକଟରେ ପ୍ରାର୍ଥନା କରିବେ ଯେ, ଭାରତୀୟ ଦଳ ଚାମ୍ପିୟନ ହୁଅନ୍ତୁ।