ମୁମ୍ବାଇ: ବେଶ କିଛି ଦିନ ପରେ ପୁଣି ବଡ ପରଦାରେ ଶାହାରୁଖଙ୍କ ଫେରିବା ବାଟକୁ ଚାହିଁ ବସିଛନ୍ତି ତାଙ୍କ ପ୍ରଶଂସକ । ଏହାରି ଭିତରେ ଶାହାରୁଖଙ୍କ ପ୍ରଶଂସକଙ୍କ ପାଇଁ ଆସିଛି ଏକ ଖୁସି ଖବର । ବଲିଉଡ୍ ବାଦଶାହା ଶାହାରୁଖ ଖାଁ ଏଥର ବଲିଉଡ୍ ଭାଇଜାନ ସଲମାନଙ୍କ ସହ ଏକାଠି ନଜର ଆସିବେ ବୋଲି ଜଣାପଡିଛି । ଏମାନେ ଦୁହେଁ ଶାହାରୁଖଙ୍କ ଫିଲ୍ମ ‘ପଠାନ’ରେ ଏକାଠି ଦେଖାଦେବେ । ମିଳିଥିବା ସୂଚନା ଅନୁଯାୟୀ, ସଲମାନ ଏଥିର କେମୋ ରୋଲରେ ନଜର ଆସିବେ । ଏହି କରନ-ଅର୍ଜୁନଙ୍କ ଯୋଡିକୁ ଦର୍ଶକେ ପସନ୍ଦ କରିବେ ବୋଲି ଅନୁମାନ କରାଯାଉଛି । ଦୀର୍ଘ ୨୨ ମାସ ପରେ ଶାହାରୁଖ ପୁଣିଥରେ ବଡ ପରଦାକୁ ଫେରୁଥିବା ବେଳେ ଏଥିପାଇଁ ସେ ଶୁଟିଂ ଆରମ୍ଭ କରି ଦେଇଥିବା କୁହାଯାଉଛି । ମୁମ୍ବଇ ମିରରର ଏକ ରିପୋର୍ଟ ଅନୁଯାୟୀ ଶାହାରୁଖଙ୍କ ଫିଲ୍ମ ‘ପଠାନ’ରେ ସଲମାନ କେମୋ ରୋଲରେ ଦେଖାଦେବେ । ମୁମ୍ବାଇର ୟଶରାଜ ଫିଲ୍ମ ଷ୍ଟୁଡିଓରେ ଏହାର ଶୁଟିଂ କରାଯିବ । ଶହାରୁଖଙ୍କ ଆକ୍ସନ ସିନ୍ ଏଥିରେ ରହିଥିବା କୁହାଯାଉଛି । ଏହା ପୂର୍ବରୁ ସଲମାନ ଶାହାରୁଖଙ୍କ ଫିଲ୍ମ ‘ଜିରୋ’ରେ ମଧ୍ୟ ଏକ କେମୋ ଆପିରାନ୍ସରେ ନଜର ଆସିଥିଲେ । କରନ-ଅର୍ଜୁନଙ୍କ ଯୋଡିକୁ ଦର୍ଶକେ ପୂର୍ବରୁ ପସନ୍ଦ କରିଥିବା ବେଳେ ଏଥର ବି ଗ୍ରହଣ କରିବେ ବୋଲି ଆଶା ରଖିଛନ୍ତି ନିର୍ମାତା ନିର୍ଦ୍ଦେଶକ ।
