ମୁମ୍ବାଇ: ଅଭିନେତ୍ରୀ ହେଲେନଙ୍କ ସହ ବଲିଉଡ ଇଣ୍ଡଷ୍ଟ୍ରିର ଭେଟେରାନ ସ୍କ୍ରିନ ରାଇଟର୍ ସଲିମ୍ ଖାନଙ୍କ ପ୍ରେମ କାହାଣୀ ଏକ ଚଳଚ୍ଚିତ୍ରଠାରୁ କମ୍ ନୁହେଁ। ବିବାହ ସତ୍ତ୍ୱେ ସଲିମ୍ ହେଲେନଙ୍କୁ ଭଲ ପାଉଥିଲେ ଏବଂ ପରେ ୧୯୮୧ ମସିହାରେ ତାଙ୍କୁ ବିବାହ କରିଥିଲେ। ହେଲେ ଏତେ ବର୍ଷେ ପରେ ସଲିମ୍ ଖାନ ହେଲେନଙ୍କ ସହ ଥିବା ସମ୍ପର୍କ ଉପରେ ନୀରବତା ଭାଙ୍ଗିଛନ୍ତି। ସେ କହିଛନ୍ତି ଯେ, ଏହା ଏକ ଭାବପ୍ରବଣ ଦୁର୍ଘଟଣା, ଯାହା କାହା ସହିତ ବି ହୋଇପାରେ ।
ବାସ୍ତବରେ, ଅରବାଜ ଖାନ ‘ଦି ଇନଭିନ୍ସିବଲ୍ସ’ ନାମକ ଏକ ନୂଆ ଚାଟ ଶୋ ସହିତ ଆସୁଛନ୍ତି। ଏହି ଶୋ’ର ପ୍ରଥମ ଅତିଥି ତାଙ୍କ ବାପା ସଲିମ୍ ଖାନଙ୍କ ବ୍ୟତୀତ ଆଉ କେହି ନୁହଁନ୍ତି। ବର୍ତ୍ତମାନ ଶୋ’ର ପ୍ରଥମ ଏପିସୋଡର ଟିଜର ସାମ୍ନାକୁ ଆସିଛି, ଯେଉଁଥିରେ ଅରବାଜ ସଲିମ୍ଙ୍କ ସହିତ ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ବିଷୟରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। ଅରବାଜ ବାପା ସଲିମ୍ଙ୍କୁ ହେଲେନଙ୍କ ସହ ତାଙ୍କ ସମ୍ପର୍କ ବିଷୟରେ ପଚାରିଛନ୍ତି, ଯେଉଁଥିରେ ସେ ଉତ୍ତର ଦେଇଛନ୍ତି, ସେ ବି ଛୋଟ ଥିଲେ, ମୁଁ ବି ଛୋଟ ଥିଲି। ମୋର କୌଣସି ଖରାପ ଉଦ୍ଦେଶ୍ୟ ନ ଥିଲା। ଏହା ଏକ ଇମୋଶନାଲ ଦୁର୍ଘଟଣା। କାହା ସହିତ ହୋଇପାରେ।
