ଆଇପିଏଲ ୨୦୨୦ରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଉପରେ ରାଜସ୍ଥାନ ରୟାଲ୍ସ ବିଜୟ ସହିତ ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ‘ପ୍ଲେ ଅଫ’କୁ ଯିବାର ସମ୍ଭାବନା ସମ୍ପୂର୍ଣ୍ଣ ଶେଷ ହୋଇଯାଇଛି। ଏଥିରେ ଭାଙ୍ଗିପଡିଛନ୍ତି ଚେନ୍ନାଇ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସ୍ତ୍ରୀ ସାକ୍ଷୀ ଧୋନୀ। ସୋସିଆଲ ମଡିଆରେ ସେ ଏକ ଭାବପ୍ରବଣ ପୋଷ୍ଟ ଶେୟାର କରିଛନ୍ତି। ଏଥିରେ ସେ ଲେଖିଛନ୍ତି ଯେ ଏହା କେବଳ ଏକ ଖେଳ। ତୁମେ ସବୁବେଳେ ଆମ ମନରେ ସୁପର କିଙ୍ଗ ହେବ। ଚେନ୍ନାଇ ଏବେ ସୁଦ୍ଧା୧୨ଟି ମ୍ୟାଚରୁ ୮ ପଏଣ୍ଟ ସହ ପଏଣ୍ଟ ଟେବୁଲର ଶେଷରେ ଅଛି॥ ଚେନ୍ନାଇ ଆଇପିଏଲ ଇତିହାସରେ ପ୍ରଥମ ଥର ପାଇଁ ପ୍ଲେ ଅଫରୁ ବାଦ୍ ପଡିଛି।
ଆଇପିଏଲ ୨୦୨୦ରୁ ଚେନ୍ନାଇର ବାହାରିବା ନିଶ୍ଚିତ ହେବା ପରେ ସାକ୍ଷୀ ତିନିଥର ଚାମ୍ପିୟନ ଦଳ ପାଇଁ ଏକ ଉତ୍ସାହୀ ପୋଷ୍ଟ ଶେୟାର କରିଛନ୍ତି। ପୋଷ୍ଟ ମାଧ୍ୟମରେ ପ୍ରଶଂସକ ନିରାଶ ନ ହେବାକୁ ସେ ଅନୁରୋଧ କରିଛନ୍ତି। ଏହା କେବଳ ଏକ ଖେଳ। କେହି ହାରିବାକୁ ଚାହାଁନ୍ତି ନାହିଁ, କିନ୍ତୁ ସମସ୍ତେ ଜିତିପାରିବେ ନାହିଁ। କିଛି ଲୋକ ଜିତନ୍ତି, କିଛି ଲୋକ ହାରନ୍ତି। ଖେଳରେ ଗୋଟିଏ ହୃଦୟ ବିଜୟ ଉତ୍ସବ ପାଳନ କରୁଥିବାବେଳେ ଅନ୍ୟଟି ଭାଙ୍ଗୁଛି। ଏତେ ବର୍ଷ ବିତିଗଲାଣି ଏବଂ ତୁମେ କିଛି ବଡ ବିଜୟ ଏବଂ କ୍ଷତି ଦେଖିଛ। ତୁମେ ବିଜେତା ଥିଲ, ତୁମେ ଆଜି ବି ବିଜେତା। ପ୍ରକୃତ ଯୋଦ୍ଧାମାନେ ଯୁଦ୍ଧ କରିବା ପାଇଁ ଜନ୍ମ ହୁଅନ୍ତି। ସେମାନେ ସର୍ବଦା ଆମ ମନ ଏବଂ ହୃଦୟରେ ସୁପରକିଙ୍ଗ ହୋଇ ରହିବେ ବୋଲି ସେ କହିଛନ୍ତି।
https://twitter.com/SaakshiSRawat/status/1320415149371473921
