କରୋନା କାରଣରୁ ବଲିଉଡ୍ କଳାକାରମାନେ ଏବେ ଘରେ ରହି ସମୟ ବିତାଉଛନ୍ତି। ଏହି ସମୟରେ ସୋସିଆଲ ମିଡିଆରେ ସେମାନଙ୍କ ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି। ଏହିପରି ସୈଫ୍ ଅଲ୍ଲୀ ଖାନ୍ଙ୍କ ଏକ ପୁରୁଣା ଭିଡିଓ ଏବେ ଭାଇରାଲ ହେଉଛି। ଏହି ଭିଡିଓଟି କରଣ ଜୋହରଙ୍କ ଟିଭି ଶୋ’ ‘କଫି ଓ୍ବଥ୍ କରଣ’ର। ଏଥିରେ ସୈଫ୍ କରୀନା କପୁର ଏବଂ ଅମୃତା ସିଂହକୁ ନେଇ ବିବାହ ବିଷୟରେ କହୁଛନ୍ତି। ସୈଫ୍ କରୀନାଙ୍କୁ ବିବାହ କରିବା ଦିନ ଅମୃତାଙ୍କୁ ମନେ ପକାଇ ନର୍ଭସ ହୋଇଯାଇଥିଲେ। ଉକ୍ତ ସମୟରେ କରୀନା ତାଙ୍କୁ ସପୋର୍ଟ କରିବା ସହ ଅମୃତାଙ୍କ ପାଖକୁ ଏକ ଚିଠି ଲେଖିବା ପାଇଁ କହିଥିଲେ। ସୈଫ୍ କରୀନାଙ୍କ କଥା ମାନି ଏକ ଚିଠି ଲେଖିଥିଲେ। ଅମୃତାଙ୍କ ପାଖକୁ ପଠାଇବା ପୂର୍ବରୁ ପ୍ରଥମେ ଚିଠିକୁ କରୀନାଙ୍କୁ ପଢ଼ାଇଥିବା ସୈଫ୍ ଭିଡିଓରେ କହୁଛନ୍ତି।
ସୈଫ୍ ନିଜଠାରୁ ୧୦ ବର୍ଷ ସାନ କରୀନାଙ୍କୁ ୧୬ ଅକ୍ଟୋବର, ୨୦୧୨ରେ ବିବାହ କରିଥିଲେ। ପୂର୍ବରୁ ସେ ନିଜଠାରୁ ୧୩ ବର୍ଷ ବଡ଼ ଅମୃତା ସିଂଙ୍କୁ ୧୯୯୧ରେ ବିବାହ କରିଥିଲେ। ୧୩ ବର୍ଷ ଏକତ୍ର ରହିବା ପରେ ୨୦୦୪ରେ ସେମାନେ ପରସ୍ପରଠାରୁ ଅଲଗା ହୋଇଯାଇଥିଲେ।
