ନୂଆଦିଲ୍ଲୀ,୫।୫: ନୂଆ ଚେନ୍ନାଇ ସୁପର କିଙ୍ଗ୍ସ ଅଧିନାୟକ ଋତୁରାଜ ଗାଇକୱାଡଙ୍କ ଭାଗ୍ୟ ଆଇପିଏଲ ୨୦୨୪ ରେ ବହୁତ ଖରାପ ହୋଇଛି। ସେ ବର୍ତ୍ତମାନ ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚରେ ଟସ ହାରିଛନ୍ତି। ୧୧ଟି ମ୍ୟାଚରେ ଦଶମ ଥର ସେ ଟସ୍ ହାରିଛନ୍ତି। ରବିବାର ଖେଳାଯାଉଥିବା ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚରେ ଗାଇକ୍ୱାଡ ଟସ ହାରିଥିଲେ। ଏଥିରେ ଚେନ୍ନାଇକୁ ପ୍ରଥମେ ବ୍ୟାଟିଂ କରିବାକୁ ନିମନ୍ତ୍ରଣ କରାଯାଇଥିଲା। ଆଇପିଏଲ ୨୦୨୪ରେ କେବଳ କୋଲକାତା ନାଇଟ ରାଇଡର୍ସ ବିପକ୍ଷରେ ଗାଇକ୍ୱାଡ ଟସ ଜିତିଥିଲେ, ଏଥିରେ ତାଙ୍କ ଦଳ ୭ ଉଇକେଟରେ ଜିତିଥିଲା।
ସିଏସକେ ଅଧିନାୟକ ଗାଏକ୍ୱାଡ ଏପର୍ଯ୍ୟନ୍ତ ଏହି ସିଜିନ୍ରେ ୧୧ଟି ଟସ ମଧ୍ୟରୁ ୧୦ଟି ହାରିଛନ୍ତି। ୧୦ଥର ଟସ ହରାଇବା ପରେ ଚେନ୍ନାଇ ପରିସ୍ଥିତିର ସୁଯୋଗ ନେଇ ୪ ଥର ଜିତଛି। ଏହା ମଧ୍ୟ ଏକ ଆଶ୍ଚର୍ଯ୍ୟଜନକ ତଥ୍ୟ ଯେ ଗାଇକ୍ୱାଡ ବର୍ତ୍ତମାନ ଆଇପିଏଲ ୨୦୨୪ରେ କ୍ରମାଗତ ଷଷ୍ଠ ଟସ ହରାଇଛନ୍ତି। ଋତୁରାଜ ଗାଇକ୍ୱାଡ କ୍ରମାଗତ ଟସ ହାରିଛନ୍ତି, କିନ୍ତୁ ପ୍ରତ୍ୟେକ ମ୍ୟାଚ ସହିତ ତାଙ୍କର ବ୍ୟକ୍ତିଗତ ପ୍ରଦର୍ଶନ ଭଲ ରହିଛି।
