ନୂଆଦିଲ୍ଲୀ,୧୯।୧୧: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଖୁବଶୀଘ୍ର ଭାରତ ଗସ୍ତ କରିବେ। ପୁଟିନଙ୍କ କାର୍ଯ୍ୟାଳୟ
ପକ୍ଷରୁ ଏହି ଖବରକୁ ସୁନିଶ୍ଚିତ କରାଯାଇଛି। ଏହି ଗସ୍ତ ପାଇଁ ଖୁବଶୀଘ୍ର ନିର୍ଦ୍ଧିଷ୍ଟ ତାରିଖ ପ୍ରକାଶ କରାଯିବ ବୋଲି କ୍ରିମଲିନ୍ ମୁଖପାତ୍ର ଡିମିଟ୍ରି ପେସ୍କୋଭ୍ କହିଛନ୍ତି।
ସ୍ପୁଟନିକ୍ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ପେସ୍କୋଭ୍ କହିଛନ୍ତି ଯେ, ରୁଷିଆ ଚାଇନା ଏବଂ ଭାରତକୁ ପରସ୍ପରକୁ କିପରି ମୁକାବିଲା କରିବାକୁ କହିବାକୁ ସାହସ କରିବ ନାହିଁ। “ରୁଷିଆ ଉଭୟ ଭାରତ ଏବଂ ଚାଇନା ସହ ସମ୍ପର୍କକୁ ଗୁରୁତ୍ୱ ଦେଇଥାଏ। ରୁଷିଆ କୌଣସି ଆଞ୍ଚଳିକ କାର୍ଯ୍ୟରେ ହସ୍ତକ୍ଷେପ କରେ ନାହିଁ କିମ୍ବା ଆମେରିକା ମଧ୍ୟ କରିବା ଉଚିତ ନୁହେଁ” ବୋଲି ପେସ୍କୋଭ ଏହି କାର୍ଯ୍ୟକ୍ରମରେ କହିଛନ୍ତି।
ଭାରତ ଏବଂ ରୁଷିଆ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତିତ ସମୟ ଦେଇ ଗତି କରୁଛନ୍ତି। ଦୁର୍ଭାଗ୍ୟବଶତ, ଆମେ ଏପର୍ଯ୍ୟନ୍ତ ବହୁ କେନ୍ଦ୍ରୀକରଣ ଦୁନିଆରେ ବାସ କରୁନାହୁଁ। ଆମେ ବର୍ତ୍ତମାନ ଏକ କେନ୍ଦ୍ରୀକରଣରୁ ବହୁ କେନ୍ଦ୍ରୀକରଣ ଦୁନିଆ ଆଡ଼କୁ ଯାଉଛୁ। କିନ୍ତୁ ଏଥିପାଇଁ କିଛି ସମୟ ଲାଗିବ। ଯେଉଁଥିପାଇଁ ଆନ୍ତର୍ଜାତୀୟ ସମ୍ପର୍କ, ଆନ୍ତର୍ଜାତୀୟ ଆଇନ ପାଇଁ ବର୍ତ୍ତମାନ ଏହା ବିପଦ ମଧ୍ୟ ସୃଷ୍ଟି କରିବ ବୋଲି ପେସ୍କୋଭ କହିଛନ୍ତି।
ପେସ୍କୋଭ କହିଛନ୍ତି ଯେ, ଦ୍ୱିପାକ୍ଷିକ ବୈଠକ ପାଇଁ ଭାରତ ଏବଂ ଚାଇନା କାଜାନରେ ବ୍ରିକ୍ସ ସମ୍ମିଳନୀକୁ ଚୟନ କରିଥିବାରୁ ରୁଷିଆ ଆନନ୍ଦିତ, ଯାହା ସମଗ୍ର ବିଶ୍ୱ ପାଇଁ ଏକ ବଡ଼ ଖବର ଥିଲା। ଏଥିସହିତ ପେସ୍କୋଭ କହିଛନ୍ତି ଯେ ଭାରତ-ରୁଷିଆର ବାଣିଜ୍ୟ ଚଳିତ ବର୍ଷ ୬୦ବିଲିୟନ ଡଲାର ମାର୍କ ଅତିକ୍ରମ କରିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ରାଷ୍ଟ୍ରପତି ପୁଟିନଙ୍କ ମଧ୍ୟରେ ଘନିଷ୍ଠ ସମ୍ପର୍କ ରହିଛି। ଅକ୍ଟୋବରରେ ଅନୁଷ୍ଠିତ କାଜାନରେ ଅନୁଷ୍ଠିତ ୧୬ ତମ ବ୍ରିକ୍ସ ସମ୍ମିଳନୀରେ ଦ୍ୱିପାକ୍ଷିକ ବୈଠକରେ ପୁଟିନ କହିଛନ୍ତି ଯେ, ସେ ଏବଂ ମୋଦି ଅନୁବାଦକ ବିନା ପରସ୍ପରକୁ ବୁଝିପାରନ୍ତି।
