ମସ୍କୋ,୨।୨: ଆର୍ଟିଫିସିଆଲ ଇଣ୍ଟେଲିଜେନ୍ସ ବା ଏଆଇ କ୍ରମାଗତ ଭାବରେ ଚର୍ଚ୍ଚାରେ ରହିଛି। ଏଆଇ ସାହାର୍ଯ୍ୟରେ ମଣିଷର ନିତିଦିନିଆ କଠିନ କାମ ସରଳ ହେଉଥିବାବେଳେ ଘଣ୍ଟାଘଣ୍ଟାର କାମ କେଇ ମିନିଟରେ ସମାଧାନ ହୋଇଯାଉଛି। ପ୍ରତିଟି ପ୍ରଶ୍ନର ଉତ୍ତର ଚାଟଜିପିଟି ପାଖରେ ରହୁଛି। ସାମ୍ପ୍ରତିକ ସମୟରେ ଏପରି ଏକ ମାମଲା ସାମ୍ନାକୁ ଆସିଛି । ଯେଉଁଥିରେ ଜଣେ ବ୍ୟକ୍ତି ଅନଲାଇନ ଟେଟିଙ୍ଗରେ ମନଲାଖି ସ୍ତ୍ରୀ ପାଇବା ପାଇଁ ChatGPT ବ୍ୟବହାର କରିଛନ୍ତି।
ଋଷିଆର ଜଣେ ବ୍ୟକ୍ତି ଦାବି କରିଛନ୍ତି ଯେ, ସେ ତାଙ୍କ ମନଲାଖି ସ୍ତ୍ରୀଙ୍କୁ ଏଆଇ ମାଧ୍ୟମରେ ପାଇଛନ୍ତି। ଏହା ଅଜବ ଲାଗୁଥିଲେ ବି ସତ। ୨୩ ବର୍ଷିୟ ସଫ୍ଟୱେର୍ ଡେଭଲପର୍ ଆଲେକ୍ସଜାଣ୍ଡାର୍ ଜାଡାନ, ଟିଣ୍ଡର୍ ଭଳି ଡେଟିଂ ଆପ୍ସରେ ଚାଟ ଜିପିଟି ଏବଂ ଅନ୍ୟାନ୍ୟ ଏଆଇ ବୋଟ ବ୍ୟବହାର କରିଥିଲେ।
ଗଣମାଧ୍ୟମକୁ ସାକ୍ଷାତକାର ଦେଇ ଜାଡାନ କହିଛନ୍ତି, ସେ ଏହି ଏଆଇ ବୋଟ୍ସଗୁଡିକୁ ଏପରି ଭାବରେ ବ୍ୟବହାର କରିଥିଲେ ଯାହାଦ୍ୱାରା ଅନଲାଇନ ଟେଟିଙ୍ଗ କରୁଥିବା କୌଣସି ବ୍ୟକ୍ତି ଅନୁଭବ କରିପାରିବେ ନାହିଁ କି ଯେ, ସେ କୌଣସି ପ୍ରଯୁକ୍ତିବିଦ୍ୟା ବ୍ୟବହାର କରୁଛନ୍ତିି।
ଏଆଇ ବୋଟ ସାହାଯ୍ୟରେ ସେ ପ୍ରଥମେ ୫୦୦ରୁ ଅଧିକ ମହିଳାଙ୍କୁ ଡେଟିଂ ଆପ୍ରେ ସର୍ଟଲିଷ୍ଟ କରିଥିଲେ। ପୁଣି ସେଥିରେ ଫିଲ୍ଟର ବ୍ୟବହାର କରି ୫୦ଜଣଙ୍କୁ ସର୍ଟଲିଷ୍ଟ କରିଥିଲେ। ଏହି ୫୦ଜଣଙ୍କ ସହ ସେ ବ୍ୟକ୍ତିଗତ ଭାବେ କଥା ହୋଇଥିଲେ। ତା’ପରେ କରିନା ନାମକ ଜଣେ ମହିଳାଙ୍କୁ ପସନ୍ଦ କରି ବିବାହ କରିଥିଲେ।
ଏଆଇ ଟେକ୍ନୋଲଜି ଏପରି ଚମତ୍କାର କରିଥିଲା କି, ମୁଁ ମୋ ମନଲାଖି ସ୍ତ୍ରୀଙ୍କୁ ପାଇଥିଲି। ଯେମିତି କୁହନ୍ତି ସ୍ବର୍ଗରେ ଗଢା ହୋଇଥିବା ଯୋଡି। ଯେଉଁଭଳି ଖୋଜୁଥିଲି ଏଆଇ ସେପରି ମହିଳା ମୋ ପାଇଁ ଖୋଜିଦେଇଥିଲା। ଡେଟ୍ବେଳେ ମୁଁ କରିନାଙ୍କୁ ପ୍ରପ୍ରୋଜ କରିଥିଲି ଆଉ ସେ ରାଜି ହୋଇଥିଲେ ବୋଲି ଜାଡାନ କହିଛନ୍ତି।
