ମସ୍କୋ,୧୪।୭: ଗତ ମାସରେ ରୁଷିଆ ବିରୋଧରେ ବିଦ୍ରୋହ କରିଥିବା ୱାଗନର ଗ୍ରୁପ୍ର ମୁଖ୍ୟ ୟେବଗେନି ପ୍ରିଗୋଜିନ୍ଙ୍କ ମୃତ୍ୟୁ ହୋଇସାରିଛି। ଏଭଳି ଆଶ୍ଚର୍ଯ୍ୟଜନକ ଦାବି କରିଛନ୍ତି ଆମେରିକାର ଜଣେ ପୂର୍ବତନ ଅଧିକାରୀ। ଉଲ୍ଲେଖନୀୟ କଥା ହେଉଛି, ପୁଟିନଙ୍କ ବିଦ୍ରୋହ ପରଠାରୁ ପ୍ରିଗୋଜିନ୍ଙ୍କ ସଠିକ୍ ଠିକଣାକୁ ନେଇ କଳ୍ପନାଜଳ୍ପନା ଚାଲିଛି। ଏଭଳି ପରିସ୍ଥିତିରେ ଆମେରିକାର ଅଧିକାରୀ ଦାବି କରିଛନ୍ତି ଯେ, ପ୍ରିଗୋଜିନ କାରାଗାରରେ ଅଛନ୍ତି କିମ୍ବା ତାଙ୍କୁ ହତ୍ୟା କରାଯାଇଛି।
ଅବସରପ୍ରାପ୍ତ ଆମେରିକାର ଜେନେରାଲ ରବର୍ଟ ଆବ୍ରାମସ କହିଛନ୍ତି, ଜୁନ ୨୯ରେ ପୁଟିନ ଏବଂ ପ୍ରିଗୋଜନ୍ଙ୍କ ମଧ୍ୟରେ ହୋଇଥିବା ସାକ୍ଷାତକୁ କ୍ରେମଲିନ ନିଶ୍ଚିତ କରିଛନ୍ତି, ଯାହା ମିଥ୍ୟା ଅଟେ। ସେପରି କୌଣସି ବୈଠକ ହୋଇନଥିଲା। ଆମେରିକାର ଅଧିକାରୀ ଦାବି କରିଛନ୍ତି ଯେ ଆମେ ପ୍ରିଗୋଜିନ୍ଙ୍କୁ ଆଉ କେବେ ଦେଖିବାରିବା ନାହିଁ। କେବଳ ଏତିକି ନୁହେଁ ସେ ଦାବି କରିଛନ୍ତି ଯେ ତାଙ୍କୁ ହତ୍ୟା କରାଯାଇଛି କିମ୍ବା ତାଙ୍କୁ କାରାଗାରରେ ରଖାଯାଇଛି।
ସୂଚନାଯୋଗ୍ୟ, ନିକଟରେ ରୁଷିଆ ରାଷ୍ଟ୍ରପତିଙ୍କ କାର୍ଯ୍ୟାଳୟ କ୍ରେମଲିନ ସୂଚନା ଦେଇଛି କହିଛି ଯେ, ବିଦ୍ରୋହର କିଛି ଦିନ ପରେ ପୁଟିନ ଏବଂ ପ୍ରିଗୋଜନ୍ଙ୍କ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ହୋଇଥିଲା।
