ମସ୍କୋ/କ୍ୱିଭ୍,୧୪।୧୧ : ରୁଷିଆ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧରେ କିଛି ମାସ ବିରାମ ଲଗାଯାଇପାରେ। ଆମେରିକାର ଦୈନିକ ଖବରକାଗଜ ଦି ନ୍ୟୁୟର୍କ ଟାଇମ୍ସ ଅନୁଯାୟୀ, ପ୍ରବଳ ଶୀତ ଯୋଗୁ ୟୁକ୍ରେନରେ ରୁଷିଆର ସାମରିକ କାର୍ଯ୍ୟ ୬ମାସ ପର୍ଯ୍ୟନ୍ତ ବନ୍ଦ ହୋଇପାରେ। ବର୍ଷା ଏବଂ କୋମଳ ମାଟି ନଭେମ୍ବର ଶେଷରେ ୟୁକ୍ରେନ ଏବଂ ରୁଷିଆ ସୈନ୍ୟମାନଙ୍କର ଗତିବିଧିକୁ ମନ୍ଥର କରିବ। ଖବରକାଗଜରେ କୁହାଯାଇଛି ଯେ ସମ୍ଭାବ୍ୟ ପ୍ରବଳ ତୁଷାରପାତ ଏବଂ ଥଣ୍ଡା ପାଗ ମଧ୍ୟ ଯୁଦ୍ଧକ୍ଷେତ୍ରରେ କାର୍ଯ୍ୟର ଗତି ମନ୍ଥର କରିପାରେ।
ଆମେରିକାର ପ୍ରତିରକ୍ଷା ନୀତିର ଡେପୁଟି ସେକ୍ରେଟେରୀ କଲିନ କାହଲ କହିଛନ୍ତିି ଯେ ୟୁକ୍ରେନର ଖରାପ ପାଗ ଯୁଦ୍ଧକୁ ଟିକେ ମନ୍ଥର କରିଦେଇଛି। ବାସ୍ତବରେ କାଦୁଅ ଯୋଗୁଁ ଏହା ଘଟୁଛି, ଯାହା ଦ୍ୱାରା ବଡ଼ ଧରଣର ଆକ୍ରମଣ କରିବା କଷ୍ଟକର ହୋଇପଡ଼ିଛି। ତେଣୁ ଯୁଦ୍ଧରେ ବାଧ୍ୟତାମୂଳକ ବିରାମ ଲଗାଯିବ ବୋଲି ଆଶା କରାଯାଉଛି।
ଆମେରିକାର ସେଣ୍ଟର ଫର ଷ୍ଟ୍ରାଟେଜିକ ଏବଂ ଅନ୍ତର୍ଜାତୀୟ ଅଧ୍ୟୟନର ଉପାଧ୍ୟକ୍ଷ ସେଥ ଜୋନ୍ସ ଏହା ବିଷୟରେ ଉଲ୍ଲେଖ କରିଛନ୍ତି।