ମେ’ ୯ରେ ଶେଷ ହୋଇପାରେ ରୁଷିଆ-ୟୁକ୍ରେନ୍ ଯୁଦ୍ଧ, ଭିକ୍ଟ୍ରି ଡେ’ରେ ପୁଟିନ କରିପାରନ୍ତି ଘୋଷଣା
02 BUCHA, UKRAINE - APRIL 06: A man pushes his bike through debris and destroyed Russian military vehicles on a street on April 06, 2022 in Bucha, Ukraine. The Ukrainian government has accused Russian forces of committing a "deliberate massacre" as they occupied and eventually retreated from Bucha, 25km northwest of Kyiv. Hundreds of bodies have been found in the days since Ukrainian forces regained control of the town. (Photo by Chris McGrath/Getty Images)
ମସ୍କୋ,୨୨ ।୪: ରୁଷିଆ-ୟୁକ୍ରେନ୍ ଯୁଦ୍ଧକୁ ୫୮ ଦିନ ହେଲାଣି । ହେଲେ ଉଭୟ ପଟରୁ ଆକ୍ରମଣ ଏବେବି ଜାରି ରହିଛି । ତେବେ ରୁଷିଆ ମେ’ ୯ରେ ଯୁଦ୍ଧ ଶେଷ କରି ନିର୍ଣ୍ଣାୟକ ବିଜୟ ଘୋଷଣା କରିପାରେ ବୋଲି କୁହାଯାଉଛି । ସୂଚନାଯୋଗ୍ୟ, ପ୍ରତିବର୍ଷ ମେ’୯କୁ ରୁଷିଆ ଭିକ୍ଟ୍ରି ଡେ’ ଭାବେ ପାଳନ କରିଥାଏ । ଏହିଦିନ ରାଷ୍ଟ୍ରପତି ଭ୍ଲାଦିମିର ପୁଟିନ ଦେଶବାସୀଙ୍କୁ ସମ୍ବୋଧନ କରିଥାଆନ୍ତି । ଅନୁମାନ କରାଯାଉଛି କି ଚଳିତ ବର୍ଷ ପୁଟିନ ତାଙ୍କ ସମ୍ବୋଧନରେ ଡୋନବାସରେ ମିଳିଥିବା ସଫଳତାକୁ ୟୁକ୍ରେନ୍ ଉପରେ ନିର୍ଣ୍ଣାୟକ ବିଜୟ ଭାବେ ଘୋଷଣା କରିପାରନ୍ତି ।
ସୂଚନାଯୋଗ୍ୟ, ୟୁକ୍ରେନ୍ ଉପରେ ପ୍ରଥମେ ରୁଷିଆ ଆକ୍ରମଣ କରିଥିବା ବେଳେ ଏବେ କିନ୍ତୁ ରୁଷିଆ ସେନାଙ୍କୁ କଡା ଟକ୍କର ଦେଉଛନ୍ତି ୟୁକ୍ରେନ୍ ସେନା । କିଛିଦିନ ତଳେ ୟୁକ୍ରେନ୍ ସେନା ଦାବି କରିଥିଲା କି ଖାର୍କିବରେ ରୁଷିଆ ବିମାନକୁ ନଷ୍ଟ କରି ଦିଆଯାଇଛି । ଏପଟେ ରୁଷିଆ ସେନା ମାରିଉପୋଲ କବଜା କରିଥିବା ଘୋଷଣା କରିଛନ୍ତି । ରୁଷିଆ ପ୍ରତିରକ୍ଷା ମନ୍ତ୍ରଣାଳୟର ସୂଚନା ଅନୁଯାୟୀ, ରାଷ୍ଟ୍ରପତି ପୁଟିନ ନିଜେ ମାରିଉପୋଲ ଉପରେ ବିଜୟ ଘୋଷଣା କରିଛନ୍ତି ।