ଭଗବାନଙ୍କ ନିକଟରେ କୌଣସି ଜାତି-ବର୍ଣ୍ଣ ନାହିଁ, ପଣ୍ଡିତମାନେ ଏସବୁ କରିଛନ୍ତି ସୃଷ୍ଟି: ମୋହନ ଭାଗବତ

ମୁମ୍ବାଇ,୬।୨: ଜାତି ଧର୍ମ ସମ୍ବନ୍ଧରେ ରାଷ୍ଟ୍ରିୟ ସ୍ବୟଂ ସେବକ ସଂଗଠନ(ଆରଏସଏସ୍‌)ର ମୁଖ୍ୟ ମୋହନ ଭାଗବତ ଏକ ବଡ଼ ମନ୍ତବ୍ୟ ଦେଇଛନ୍ତି। ମୁମ୍ବାଇରେ ସେଣ୍ଟ ଶିରୋମଣି ରୋହିଦାସ ଜୟନ୍ତୀ ଉପରେ ଏକ କାର୍ଯ୍ୟକ୍ରମରେ ଭାଗ ନେଇ ଭାଗବତ କହିଛନ୍ତି, ଆମ ସମାଜ ବିଭାଜନର ଲାଭ ଅନ୍ୟମାନେ ଉଠାଇଥିଲେ। ସେଥିପାଇଁ ଦେଶ ଉପରେ ଆକ୍ରମଣ କରାଯାଇଥିଲା। ଏପରିକି ଏହି କାରଣରୁ ଦେଶ ବାହାରୁ ଆସିଥିବା ଲୋକମାନେ ଆମ ଦେଶକୁ ଶାସନ କରିବାକୁ ଲାଗିଥିଲେ। ଦେଶରେ ହିନ୍ଦୁ ସମାଜ ନଷ୍ଟ ହେବାର ଭୟ ଦେଖୁଛି କି? କୌଣସି ବ୍ରାହ୍ମଣ ଆପଣଙ୍କୁ ଏହି କଥା ବୁଝାଇପାରିବେ ନାହିଁ। ତୁମକୁ ନିଜେ ବୁଝିବାକୁ ପଡିବ। ଆମର ଜୀବିକା ଅର୍ଥ ହେଉଛି ସମାଜ ପ୍ରତି ଦାୟିତ୍ୱ। ଯଦି ପ୍ରତ୍ୟେକ କାର୍ଯ୍ୟ ସମାଜ ପାଇଁ, ତେବେ କିଏ ଉଚ୍ଚ-ନୀଚ୍ଚ କିମ୍ବା ଅଲଗା ହୋଇଗଲେ କିପରି? ଭଗବାନ ସର୍ବଦା କହିଛନ୍ତି ଯେ, ମୋ ପାଇଁ ସମସ୍ତେ ଏକ। ଭଗବାନଙ୍କ ଆଗରେ କୌଣସି ଜାତି, ବର୍ଣ୍ଣ ନାହିଁ, ପଣ୍ଡିତମାନେ ଏସବୁ ବର୍ଗ ତିଆରି କରିଥିଲେ, ଯାହା ଭୁଲ ଥିଲା।
ଆରଏସଏସ ମୁଖ୍ୟ ଆହୁରି ମଧ୍ୟ କହିଛନ୍ତି, ଦେଶରେ ବିବେକ ଏବଂ ଚେତନା ଏକ, ତାହା ମଧ୍ୟରେ କୌଣସି ପାର୍ଥକ୍ୟ ନାହିଁ। କେବଳ ମତ ଭିନ୍ନ ଅଟେ। ଆମେ ଧର୍ମ ପରିବର୍ତ୍ତନ କରିବାକୁ ଚେଷ୍ଟା କରିନାହୁଁ।