ମୁମ୍ବାଇ: ଏସ୍ ଏସ ରାଜାମୌଲିଙ୍କ ନିର୍ଦ୍ଦେଶିତ ଫିଲ୍ମ ‘ଆର୍ଆର୍ଆର୍’ ଚଳିତ ବର୍ଷ ସୁପରହିଟ୍ ଫିଲ୍ମ ବୋଲି ପ୍ରମାଣିତ ହୋଇଛି। ଏହି ଫିଲ୍ମଟି ମାର୍ଚ୍ଚ ୨୪ରେ ପରଦାକୁ ଆସିଥିଲା। ଯାହା ବେଶ୍ ଲୋକପ୍ରିୟ ହୋଇଥିଲା। ବକ୍ସ ଅଫିସରେ ମଧ୍ୟ ରେକର୍ଡ ସଂଖ୍ୟକ ଆୟ କରିଥିଲା। ତେବେ ଏହି ଫିଲ୍ମକୁ ଆଉ ହଲ୍ କିମ୍ବା ଓଟିଟିରେ ଦେଖିବାକୁ ପଡିବ ନାହିଁ। ବର୍ତ୍ତମାନ ‘ଆର୍ଆର୍ଆର୍’କୁ ଟେଲିଭିଜନରେ ଦେଖିପାରିବେ। ସୂଚନାନୁଯାୟୀ, ଶୁକ୍ରବାର ଅର୍ଥାତ୍ ସେପ୍ଟେମ୍ବର ୨୫ ତାରିଖରେ ଫିଲ୍ମ ‘ଆର୍ଆର୍ଆର୍’ କେବଳ ଜି ଟିଭିରେ ପ୍ରସାରିତ ହେବ। ଯେଉଁମାନେ ହଲ୍ରେ ଦେଖି ନ ଥିଲେ। ସେମାନେ ସିଧାସଳଖ ଟିଭିରେ ଦେଖିବାକୁ ସୁଯୋଗ ପାଇବେ। ଏହି ଫିଲ୍ମରେ ରାମ ଚରଣ ଏବଂ ଜୁନିୟର ଏନ୍ଟିଆରଙ୍କ ବ୍ୟତୀତ ଆଲିଆ ଭଟ୍ଟ ଏବଂ ଅଜୟ ଦେବଗନ ପ୍ରମୁଖ ଭୂମିକାରେ ଅଭିନୟ କରିଥିଲେ।
