ଭାରତୀୟ କ୍ରିକେଟ ଦଳର ଯୁବ ସ୍ପିନର ୟୁଜବେନ୍ଦ୍ର ଚହଲଙ୍କ ନିର୍ବନ୍ଧ ଶେଷ ହୋଇଛି। ଡାକ୍ତର, କୋରିଓଗ୍ରାଫର ତଥା ୟୁଟ୍ୟୁବର ଧନଶ୍ରୀ ବର୍ମାଙ୍କୁ ନିଜ ଜୀବନ ସାଥୀ ରୂପେ ବାଛିଛନ୍ତି ଚହଲ। ନିର୍ବନ୍ଧ ଶେଷ ପରେ ସେ ନିଜ ସୋସିଆଲ ଆକାଉଣ୍ଟରେ ଫଟୋ ମଧ୍ୟ ଶେୟାର କରିଛନ୍ତି। ତାଙ୍କୁ ସବୁଆଡୁ ଶୁଭେଚ୍ଛା ମଧ୍ୟ ମିଳୁଛି। ଏହି ଅବସରରେ ଭାରତୀୟ କ୍ରିକେଟଦଳର ଉପଅଧିନାୟକ ରୋହିତ୍ ଶର୍ମା ତାଙ୍କ ନିଆରା ଅନ୍ଦାଜରେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଟୁଇଟରରେ ଏକ ଫଟୋ ଶେୟାର କରି କହିଛନ୍ତି। ଫଟୋ ୟୁଜବ୍ରେନ୍ଦ୍ର ଚହଲ ବୁଢା ବେଶରେ ନଜର ଆସୁଥିବା ବେଳେ ତାଙ୍କ ସହ ଜଣେ ଯୁବକ ଛିଡା ହୋଇଛନ୍ତି। ରୋହିତ କହିଛନ୍ତି ୨୦୫୦ ଆଇପିଏଲରେ ଚହଲ ଜଣେ ଯୁବ କ୍ରିକେଟରଙ୍କ ସହ। ରୋହିତଙ୍କ ଏହି ଟୁଇଟ୍ ଏବେ ଭାଇରାଲ ହେବାରେ ଲାଗିଛି। ସୂଚନାଯୋଗ୍ୟ, ରୋହିତ ଏବଂ ଚହଲ ଉଭୟ ସୋସିଆଲ ମିଡିଆରେ ଅଧିକାଂଶ ସମୟରେ ପରସ୍ପରକୁ ଟ୍ରୋଲ କରିବାକୁ ପଛାନ୍ତି ନାହିଁ। ଚହଲ ନିଜ ଆଇପିଏଲ ଡେବ୍ୟୁ ରୋହିତ ଅଧିନାୟକତ୍ୱରେ କରିଥିଲେ। ଉଭୟ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ୨୦୧୧ରୁ ୨୦୧୩ ପର୍ଯ୍ୟନ୍ତ ଏକାଠି ଖେଲିଥିଲେ।
