ନୂଆଦିଲ୍ଲୀ,୨୨।୫: ଭାରତ ଏବଂ ପାକିସ୍ତାନ ମ୍ୟାଚ୍ ଦେଇଖିବାକୁ ପ୍ରଶଂସକ ଚାହିଁ ବସିଥାନ୍ତି। ଦୁଇ ଦେଶ ମଧ୍ୟରେ ମ୍ୟାଚ ସମୟରେ ଷ୍ଟାଡିୟମ ପ୍ୟାକ ଥାଏ । ଗତ ଦୁଇ ଦଶନ୍ଧି ମଧ୍ୟରେ କେବଳ ଆଇସିସି ଟୁର୍ନାମେଣ୍ଟରେ ଏହି ଦୁଇ ଦଳ ମୁହାଁମୁହିଁ ହୋଇଛନ୍ତି। ୨ ଦେଶ ମଧ୍ୟରେ ଶେଷ ସିରିଜ ୨୦୦୭-୨୦୦୮ରେ ଖେଳାଯାଇଥିଲା। ଭାରତୀୟ ଖେଳାଳିମାନେ ପ୍ରାୟତଃ ଦୁଇ ଦେଶ ମଧ୍ୟରେ କୌଣସି ସିରିଜ ହେବ କି ନାହିଁ ପ୍ରଶ୍ନକୁ ଏଡ଼ାଇଥିବାର ଦେଖାଯାଏ। କିନ୍ତୁ କିଛି ଦିନ ପୂର୍ବରୁ ବର୍ତ୍ତମାନର ଭାରତୀୟ ଅଧିନାୟକ ରୋହିତ ଶର୍ମା ଭାରତ-ପାକିସ୍ତାନ ସିରିଜକୁ ନେଇ ନୀରବତା ଭାଙ୍ଗିଥିଲେ।
ରୋହିତ ଶର୍ମା କହିଛନ୍ତି, ୨ ଦେଶ ମଧ୍ୟରେ ସିରିଜ ଏବଂ ମ୍ୟାଚର ନିଷ୍ପତ୍ତି କ୍ରିକେଟ ବୋର୍ଡ ହାତରେ ଅଛି। କୌଣସି ସିରିଜ ସ୍ଥିର କରିବା ତାଙ୍କ କିମ୍ବା ଅନ୍ୟ ଖେଳାଳିଙ୍କ କାମ ନୁହେଁ, ସେମାନଙ୍କ ପାଇଁ ଯାହା ଟୁର୍ନାମେଣ୍ଟ ସ୍ଥିର ହୋଇଛି, ସେମାନେ ଏହାକୁ ଖେଳିବା ପାଇଁ ସେଠାରେ ପହଞ୍ଚନ୍ତି। ଯଦି କ୍ରିକେଟ ବୋର୍ଡ ଅଫ ଇଣ୍ଡିଆ (ବିସିସିଆଇ) ଅନୁମତି ଦିଏ ତେବେ ପାକିସ୍ତାନ ଯାଇ କ୍ରିକେଟ ଖେଳିବାରେ ତାଙ୍କର କୌଣସି ଅସୁବିଧା ନାହିଁ।
ଏସିଆ କପ ୨୦୨୩ ପାକିସ୍ତାନ ଦ୍ୱାରା ଆୟୋଜିତ ହୋଇଥିଲା, କିନ୍ତୁ ବିସିସିଆଇ ଏସିଆ କପ ପାଇଁ ପାକିସ୍ତାନକୁ ପଠାଇବାକୁ ମନା କରିଦେଇଥିଲା। ଏଭଳି ପରିସ୍ଥିତିରେ ଶ୍ରୀଲଙ୍କାରେ ଭାରତୀୟ ଦଳର ମ୍ୟାଚ ଅନୁଷ୍ଠିତ ହୋଇଥିବାବେଳେ ଅନ୍ୟ ଦଳର ମ୍ୟାଚ କେବଳ ପାକିସ୍ତାନରେ ଅନୁଷ୍ଠିତ ହୋଇଥିଲା। ଏସିଆ କପ ଫାଇନାଲରେ ଭାରତ ଶ୍ରୀଲଙ୍କାକୁ ୧୦ ଉଇକେଟରେ ପରାସ୍ତ କରିଥିଲା। ଏହା ବ୍ୟତୀତ ୨୦୨୫ ଚାମ୍ପିଅନ୍ସ ଟ୍ରଫି ମଧ୍ୟ ପାକିସ୍ତାନରେ ଅନୁଷ୍ଠିତ ହେବ, କିନ୍ତୁ ଭାରତ ଏହାର ମ୍ୟାଚ ଖେଳିବାକୁ ପାକିସ୍ତାନ ଯିବ କି ନାହିଁ ତାହା ଏପର୍ଯ୍ୟନ୍ତ ସ୍ଥିର କରାଯାଇ ନାହିଁ।
Rohit Sharma said “If BCCI allows us, we will definitely go and play cricket in Pakistan. We have no issues at all” 🇵🇰🇮🇳❤️❤️
Rohit has always said good things about Pakistan and Pakistani fans. Legend 🤗 #IPL2024 #T20WorldCup pic.twitter.com/4RZuACIibA
— Farid Khan (@_FaridKhan) May 21, 2024
