ବାଲେଶ୍ୱର, ୪।୭( ବାଞ୍ଛାନିଧି ଦେ): ବାଲେଶ୍ୱର ଜିଲା ବସ୍ତା ଥାନା ଅନ୍ତର୍ଗତ ଗାନ୍ଧୀ ଛକ – ବାଲିଆପାଳ ରାସ୍ତାର ଦରଡା ପେଟ୍ରୋଲ ପମ୍ପରୁ ଶୁକ୍ରବାର ବିଳମ୍ୱିତ ରାତିରେ ଲୁଟ ହୋଇଛି । ଦୁଇଜଣ ଦୁର୍ୱୁତ୍ତ ବୁଲେଟରେ ଆସି ବନ୍ଧୁକ ମୁନରେ ପେଟ୍ରୋଲ ପମ୍ପରୁ ଲୁଟ କରି ଚମ୍ପଟ ମାରିଛନ୍ତି। ପେଟ୍ରୋଲ ପମ୍ପରେ ଥିବା ସିସିଟିଭି କ୍ୟାମେରାରେ ଏଭଳି ଦୃଶ୍ୟ ଦୃଶ୍ୟ ସାମ୍ନାକୁ ଆସିଛି । ଗତ ରାତି ୧୧ ଟା ୨୨ ରେ ଏଭଳି ଘଟଣା ଘଟିଛି ।
ପେଟ୍ରୋଲ ପମ୍ପରେ କାର୍ଯ୍ୟରତ କର୍ମଚାରୀ ପ୍ରଥମେ ଜଣେ ଗ୍ରାହକଙ୍କୁ ପେଟ୍ରୋଲ ଦେଇଥିଲେ । ହଠାତ ଦୁଇ ଦୁର୍ୱୁତ୍ତ ବୁଲେଟରେ ଆସିଥିଲେ। ଜଣେ ଦୁବୃର୍ତ୍ତ ବୁଲେଟରୁ ଓହ୍ଲାଇ ପେଟ୍ରୋଲ ପମ୍ପ କର୍ମଚାରୀକୁ ବନ୍ଧୁକ ଦେଖାଇ ଭୟଭୀତ କରି କାଉଣ୍ଟରରୁ ଟଙ୍କା ନେଇ ଉଭୟ ଫେରାର ହୋଇଯାଇଥିଲେ । ସିସିଟିଭି ଫୁଟେଜ ଆଧାରରେ ବସ୍ତା ଥାନା ପୋଲିସ ପହଞ୍ଚି ତଦନ୍ତ ଜାରି ରଖିଛି l।