ବଲିଉଡର ସବୁଠାରୁ ଲୋକପ୍ରିୟ ଦମ୍ପତିମାନଙ୍କ ମଧ୍ୟରୁ ରିତେଶ ଦେଶମୁଖ ଏବଂ ଜେନେଲିଆ ଡି’ସୁଜା ଅନ୍ୟତମ। ସୋସିଆଲ ମିଡିଆରେ ଏହି ଦମ୍ପତିଙ୍କର ସର୍ବଦା ସକ୍ରିୟ ଥାନ୍ତି। ଉଭୟ ଦୁଇ ସନ୍ତାନ(ଆଠ ବର୍ଷର ପୁଅ ରିଆନ ଏବଂ ସାତ ବର୍ଷର ପୁଅ ରାହୁଲ)ର ମାତାପିତା।
ନିକଟରେ ସୋସିଆଲ ମିଡିଆରେ ଚର୍ଚ୍ଚା ହେଉଛି ଜେନେଲିଆ ତୃତୀୟ ଥର ପାଇଁ ମା’ ହେବାକୁ ଯାଉଛନ୍ତି ଏବଂ ସେ ଗର୍ଭବତୀ ଅଛନ୍ତି। ଜେନେଲିଆଙ୍କ ଗର୍ଭଧାରଣ ବିଷୟରେ ଗୁଜବକୁ ନେଇ ସ୍ବାମୀ ରିତେଶ ପ୍ରତିକ୍ରିୟା ପ୍ରକାଶ କରିଛନ୍ତି।
ରିତେଶ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଜେନେଲିଆଙ୍କ ଗର୍ଭଧାରଣ ବିଷୟରେ କଳ୍ପନା କରୁଥିବା ପୋର୍ଟାଲର ଏକ ସ୍କ୍ରିନସଟ ଶେୟାର କରି ଲେଖିଛନ୍ତି, ଯଦିଓ ଆଉ ୨-୩ ସନ୍ତାନ ପାଇଁ ତାଙ୍କର କୌଣସି ଆପତ୍ତି ନାହିଁ, ଦୁର୍ଭାଗ୍ୟବଶତଃ ଏହି ଗୁଜବ ମିଥ୍ୟା।
ଜେନେଲିଆ ଏବଂ ରିତେଶ ଏକ ଇଭେଣ୍ଟରେ ଅଂଶଗ୍ରହଣ କରିଥିଲେ, ଯାହାର ଫଟୋ ଦମ୍ପତିଙ୍କ ଦ୍ୱାରା ପୋଷ୍ଟ କରାଯାଇଥିଲା। ଫଟୋଗୁଡ଼ିକରେ ଜେନେଲିଆ ନୀଳ ରଙ୍ଗର ପୋଷାକ ପିନ୍ଧିଥିବାବେଳେ ରିତେଶ ଏକ ଧଳା ଶର୍ଟ ଏବଂ ନୀଳ ପ୍ୟାଣ୍ଟ ପିନ୍ଧିଥିବାର ନଜର ଆସିଛନ୍ତି। ଏହି ଫଟୋଗୁଡ଼ିକ ପରେ ଜେନେଲିଆ ଗର୍ଭବତୀ ହେବାର ଗୁଜବ ଭାଇରାଲ ହୋଇଛି।
ଫେବୃଆରୀ ୨୦୧୨ରେ ରିତେଶ ଏବଂ ଜେନେଲିଆ ବିବାହ କରିଥିଲେ। ସେମାନେ ପ୍ରଥମେ ହିନ୍ଦୁ ରୀତିନୀତି ଅନୁଯାୟୀ ବିବାହ କରିଥିଲେ ଏବଂ ପରଦିନ ସେମାନେ ଖ୍ରୀଷ୍ଟିଆନ ରୀତିନୀତି ଅନୁଯାୟୀ ବିବାହ କରିଥିଲେ। ସେମାନେ ୨୫ ନଭେମ୍ବର ୨୦୧୪ ରେ ସେମାନଙ୍କର ପ୍ରଥମ ପୁଅ ରିୟାନକୁ ସ୍ବାଗତ କରିଥିବାବେଳେ ସେମାନଙ୍କର ଦ୍ୱିତୀୟ ପୁଅ ରାହୁଲ ୧ ଜୁନ ୨୦୧୬ରେ ଜନ୍ମ ହୋଇଥିଲେ।
