ନୂଆଦିଲ୍ଲୀ, ୨୪।୪ : ଗଣମାଧ୍ୟମ ରିପୋର୍ଟ ଅନୁଯାୟୀ, ଆସନ୍ତା ମାସରେ ହେବାକୁ ଥିବା ଜିଏସଟି ବୈଠକରେ ସରକାର ଜିଏସଟି ଦରରେ ପରିବର୍ତ୍ତନ କରିବାର ଯଥେଷ୍ଟ ସମ୍ଭାବନା। ଇଣ୍ଡିଆନ ଏକ୍ସପ୍ରେସର ଏକ ଖବର ଅନୁଯାୟୀ ସରକାର ପ୍ରାୟ ୧୪୩ଟି ଜିନିଷର ଜିଏସଟି ଦର ବୃଦ୍ଧି କରିବାକୁ ଯୋଜନା କରିଛନ୍ତି। ସରକାର ଏହା ଉପରେ ରାଜ୍ୟମାନଙ୍କଠାରୁ ମତାମତ ଲୋଡ଼ିଛନ୍ତି। ଖବର ଅନୁଯାୟୀ, ଏହା କେନ୍ଦ୍ରର ରାଜସ୍ବ ବୃଦ୍ଧି କରିବ ଏବଂ କ୍ଷତିପୂରଣ ପାଇଁ ରାଜ୍ୟଗୁଡ଼ିକ କେନ୍ଦ୍ର ଉପରେ ଆଉ ନିର୍ଭରଶୀଳ ହେବେ ନାହିଁ।
ଏହି ୧୪୩ ସାମଗ୍ରୀ ମଧ୍ୟରୁ ୯୨ୀ ସ୍ଲାବ୍କୁ ୧୮ ପ୍ରତିଶତରୁ ୨୮ ପ୍ରତିଶତକୁ ଆଣିବାକୁ ସରକାର ଚେଷ୍ଟା କରୁଛନ୍ତି। ଏହି ପ୍ରସ୍ତାବିତ ହାର ବୃଦ୍ଧି ୨୦୧୯ ଲୋକ ସଭା ନିର୍ବାଚନ ପୂର୍ବରୁ ୨୦୧୭ ଏବଂ ୨୦୧୮ ରେ ସରକାର କରିଥିଲେ।
ରିପୋର୍ଟ ଅନୁଯାୟୀ, ଯେଉଁ ସାମଗ୍ରୀଗୁଡ଼ିକରେ ଜିଏସଟି ଦର ବଢ଼ିବାର ସମ୍ଭାବନା ରହିଛି ସେଥି ମଧ୍ୟରେ ପାମ୍ପଡ, ଗୁଡ଼, ପାୱାର ବ୍ୟାଙ୍କ, ଘଣ୍ଟା, ସୁଟକେସ, ହ୍ୟାଣ୍ଡବ୍ୟାଗ, ପରଫ୍ୟୁମ୍, ୩୨ ଇଞ୍ଚରୁ କମ କଲର ଟିଭି ସେଟ, ଚକୋଲେଟ, ଚୁଇଙ୍ଗମ, ଅଖରୋଟ, କଷ୍ଟାର୍ଡ ପାଉଡର, ନ୍ନ୍ ଆଲକୋହଲିକ୍ ପାନୀୟ, ସେରାମିକ୍ ସିଙ୍କ୍, ଓ୍ବାଶ ବେସିନ୍, କଳା ଚଷମା, ଚଷମା ଫ୍ରେମ୍, ଚମଡ଼ା ଏବଂ କପଡ଼ା ଆପେରାଲ ଆଦି ଉପରେ ଜିଏସ୍ଟି ଦର ଶୂନରୁ ୫ ପ୍ରତିଶତକୁ ବୃଦ୍ଧି କରାଯିବାର ସମ୍ଭାବନା ରହିଛି।
