ଦୁବାଇ,୧୧।୧୦: ଆଇପିଏଲର ରୋମାଞ୍ଚକର ମ୍ୟାଚ୍ରେ ଚେନ୍ନାଇ ସୁପରକିଙ୍ଗ୍ସ ଦିଲ୍ଲୀ କ୍ୟାପିଟାଲ୍ସକୁ ୪ ଉଇକେଟ୍ରେ ପରାସ୍ତ କରି ପ୍ଲେ ଅଫ୍ରେ ପହଞ୍ଚିିଛି। ଏହି ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ରିଷଭ ପନ୍ତ ଟସ ହାରିଥିଲେ। କିନ୍ତୁ ଏହି ମ୍ୟାଚ ଖେଳିବା ସହ ସେ ତାଙ୍କ ନାମରେ ଏକ ନୂଆ ରେକର୍ଡ ସୃଷ୍ଟି କରିଛନ୍ତି। ଆଇପିଏଲ ପ୍ଲେ ଅଫ ଖେଳିଥିବା ଅଧିନାୟକଙ୍କ ପାଇଁ ରିଷଭ ପନ୍ତ ସବୁଠୁ କନିଷ୍ଠ ଅଧିନାୟକ ହୋଇପାରିଛନ୍ତି। ପନ୍ତଙ୍କୁ ଏବେ ମାତ୍ର ୨୪ ବର୍ଷ ୬ ଦିନ । ଆଇପିଏଲ ଇତିହାସରେ ପନ୍ତ ହେଉଛନ୍ତି ପଞ୍ଚମ କନିଷ୍ଠ ଅଧିନାୟକ। ଆଇପିଏଲର କନିଷ୍ଠ ଅଧିନାୟକ ହେଉଛନ୍ତି ବିରାଟ କୋହଲି, ଯିଏକି ୨୦୧୧ ମସିହାରେ ୨୨ ବର୍ଷ ୪ ମାସ ୬ ଦିନ ବୟସରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଳୁରୁର ଅଧିନାୟକ ହୋଇଥିଲେ। ଚଳିତ ବର୍ଷ ଆଇପିଏଲର ପ୍ରଥମ ପର୍ଯ୍ୟାୟରେ ପନ୍ତ ଦିଲ୍ଲୀ କ୍ୟାପିଟାଲ୍ସର ଅଧିନାୟକତ୍ୱ ଗ୍ରହଣ କରିଥିଲେ।
ଆଇପିଏଲ ପ୍ଲେ ଅଫ ଖେଳିଥିବା ଚେନ୍ନାଇ ସୁପର କିଙ୍ଗ୍ସର ମହେନ୍ଦ୍ର ସିଂ ଧୋନୀ ଦ୍ୱିତୀୟ ବୟୋଜ୍ୟେଷ୍ଠ ଅଧିନାୟକ ହୋଇଛନ୍ତି। ଏହାପୂର୍ବରୁ ରାହୁଲ ଦ୍ରାବିଡ ୨୦୧୩ରେ ଆଇପିଏଲ ପ୍ଲେ ଅଫରେ ରାଜସ୍ଥାନ ରୟାଲ୍ସ ପକ୍ଷରୁ ଅଧିନାୟକତ୍ୱ କରିଥିଲେ। ସେତେବେଳେ ତାଙ୍କୁ ୪୦ ବର୍ଷ ହୋଇଥିଲା। ଧୋନୀ ରାହୁଲଙ୍କ ପରେ ଦ୍ୱିତୀୟ ବୟୋଜ୍ୟେଷ୍ଠ ଅଧିନାୟକ ହୋଇଥିଲେ।
