ସିଡନୀ,୯।୧: ଭାରତୀୟ ଟିମ୍ର ଉଇକେଟ୍କିପର ତଥା ବ୍ୟାଟ୍ସମ୍ୟାନ୍ ରିଷଭ ପନ୍ଥ ଆହତ ହୋଇଛନ୍ତି। ସିଡନୀରେ ଚାଲିଥିବା ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟର ତୃତୀୟ ଦିନରେ ବ୍ୟାଟିଂ ସମୟରେ ପ୍ୟାଟ୍ କୁମିନ୍ସଙ୍କ ବାଉନ୍ସରରେ ତାଙ୍କର ବାମ ହାତରେ ଆଘାତ ଲାଗିଛି। ତାଙ୍କୁ ସ୍କାନ ପାଇଁ ଡାକ୍ତରଖାନା ନିଆଯାଇଛି। ଭାରତର ପାଳି ଶେଷ ହେବା ପରେ ବିସିସିଆଇ ପକ୍ଷରୁ ଟୁଇଟ୍ କରି ଏହି ସୂଚନା ଦିଆଯାଇଛି।
ଆଘାତ ଲାଗିବା ସତ୍ତ୍ୱେ ପନ୍ଥ ବ୍ୟାଟିଂ ଜାରି ରଖିଥିଲେ। ପରେ ହାଜେଲ୍ଉଡ୍ଙ୍କ ବଲ୍ରେ କ୍ୟାଚ୍ ଆଉଟ୍ ହୋଇଥିଲେ। ବାମ ହାତି ଏହି ବ୍ୟାଟ୍ସମ୍ୟାନ୍ ୬୭ ବଲ୍ ଖେଳି ୩୬ ରନ୍ କରିଥିଲେ। ଚେତେଶ୍ୱର ପୂଜାରାଙ୍କ ସହ ୫ମ ଉଇକେଟ ପାଇଁ ୫୩ରନ୍ର ଭାଗୀଦାରି କରିଥିଲେ। ତେବେ ପନ୍ଥ ଆହତ ହୋଇଥିବା ହେତୁ ଅଷ୍ଟ୍ରେଲିଆର ଦ୍ୱିତୀୟ ପାଳିରେ ରିଦ୍ଧିମାନ ଶାହା ଉଇକେଟକିପର ଭୂମିକା ତୁଲାଉଛନ୍ତି।
