![](https://www.dharitri.com/wp-content/uploads/2024/04/Rishabh-Pant-Stars-As-Delhi-Capitals-Edge-Past-Gujarat-Titans-In-High-Scoring-Thriller.webp)
ନୂଆଦିଲ୍ଲୀ, ୨୪।୪: ଇଣ୍ଡିଆନ ପ୍ରିମିୟର ଲିଗ୍ର ବୁଧବାର ଏଠାରେ ଅନୁଷ୍ଠିତ ଏକ ରୋମାଞ୍ଚକ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ୪ ରନରେ ସଂଘର୍ଷପୂର୍ଣ୍ଣ ବିଜୟ ହାସଲ କରିଛି। ଅଧିନାୟକ ରିଷଭ ପନ୍ତ ଓ ଅକ୍ଷର ପଟେଲଙ୍କ ଦୃଢ଼ ବ୍ୟାଟିଂ ବଳରେ ଦିଲ୍ଲୀ ୨୦ ଓଭରରେ ୪ ଉଇକେଟ ହରାଇ ୨୨୪ ରନ କରିଥିଲା।
ଜବାବରେ ଗୁଜରାଟ ସାଇ ସୁଦର୍ଶନ (୬୫ ରନ, ୩୯ ବଲ, ୭ ଚୌକା, ୨ ଛକା) ଓ ଡେଭିଡ ମିଲର (୫୫ ରନ, ୨୩ ବଲ, ୬ ଚୌକା, ୩ ଛକା)ଙ୍କ ଦ୍ରୁତ ଅର୍ଦ୍ଧଶତକ ବଳରେ ବିଜୟର ନିକଟତର ହୋଇଥିଲେ ହେଁ ୨୦ ଓଭରରେ ୮ ଉଇକେଟ ହରାଇ ୨୨୦ରେ ସୀମିତ ରହି ଯାଇଥିଲା। ଦିଲ୍ଲୀ ପକ୍ଷରୁ ରସିଖ ସଲାମ ୩ଟି, କୁଲଦୀପ ଯାଦବ ୨ଟି ଏବଂ ଏନରିଚ୍ ନର୍ଜେ, ମୁକେଶ କୁମାର ଓ ଅକ୍ଷର ପଟେଲ ଗୋଟିଏ ଲେଖାଏ ଉଇକେଟ ନେଇଥିଲେ। ୯ ମ୍ୟାଚରୁ ୪ ବିଜୟ ସହ ଦିଲ୍ଲୀ ପଏଣ୍ଟ ଟେବୁଲର ୬ଷ୍ଠ ସ୍ଥାନକୁ ଉନ୍ନୀତ ହୋଇଛି। ଅନ୍ୟପକ୍ଷରେ ଗୁଜରାଟ ୯ ମ୍ୟାଚରୁ ୫ମ ପରାଜୟ ବରଣ କରିଛି।