ଭୁବନେଶ୍ୱର,୯ା୯(ତ୍ରିନାଥ ମହାନ୍ତି):ରାଜଧାନୀରେ ଗୋଟିଏ ରାତିରେ ଯୁବତୀ ଏବଂ ମହିଳାଙ୍କୁ ବଳାକତ୍ାର କରାଯାଇଛି। ଭରତପୁର ଥାନା ଅଞ୍ଚଳରେ ଜଣେ ଯୁବତୀଙ୍କୁ ପଡୋଶୀ ବଳାତ୍କାର କରିଥିବା ବେଳେ ଚନ୍ଦ୍ରଶେଖରପୁର ଥାନାଞ୍ଚଳରେ ଜଣେ ଡ୍ରାଇଭର ମହିଳା ରୋଷେୟାଙ୍କୁ ବଳାତ୍କାର କରିଥିବା ଅଭିଯୋଗ ହୋଇଛି। ଉଭୟ ଥାନା ପୋଲିସ ୨ଟି ମାମଲା ରୁଜୁ କରି ଅଭିଯୁକ୍ତମାନଙ୍କୁ ଗିରଫ କରିଛି।
ଯୁବତୀଙ୍କୁ ବଳାତ୍କାର ମାମଲାରେ ଭରତପୁର ଥାନା ପୋଲିସ ପଡ଼ୋଶୀ ବାଲେଶ୍ୱର ଜିଲାର ପରେଶ ସାମଲକୁ ଗିରଫ କରିଛି। ସେ ଏକ ହୋଟେଲରେ କାମ କରୁଥିବା ବେଳେ ସାଅଁାପୁରରେ ରହୁଥିଲେ। ପୋଲିସ ଉଭୟଙ୍କୁ ଡାକ୍ତରୀ ମାଇନା ପରେ ଅଭିଯୁକ୍ତ ପରେଶଙ୍କୁ କୋର୍ଟ ଚାଲାଣ କରିଛି। ଅଭିଯୋଗ ଅନୁସାରେ, ଅଭିଯୁକ୍ତ ପରେଶଙ୍କ ଘର ପାଖକୁ ଲାଗି ପୀଡ଼ିତା ପରିବାର ସହ ରୁହନ୍ତି। ସୋମବାର ସନ୍ଧ୍ୟା ୭ଟାରେ ଯୁବତୀଙ୍କ ମା’ ଓ ସାନ ଭଉଣୀ କୌଣସି କାମରେ ବାହାରକୁ ଚାଲିଯାଇଥିଲେ। ଘରେ ଯୁବତୀ ଏକୁଟିଆ ଥିବାବେଳେ ଅଭିଯୁକ୍ତ ପରେଶ କବାଟ ବାଡେଇ ଖୋଲିବାକୁ କହିଥିଲେ। ହେଲେ ସେ ଖୋଲି ନ ଥିଲେ। ବହୁ ସମୟ ପରେ ପରେଶ ପୁଣି କବାଟ ବାଡ଼େଇବାରୁ ଯୁବତୀ ଜଣକ ପରିବାର ଲୋକେ ଆସିଥିବା ଭାବେ କବାଟ ଖୋଲିଥିଲେ। ଏହି ସମୟରେ ପରେଶ ଜବରଦସ୍ତ ଘର ଭିତରକୁ ପଶି ଭିତରପଟୁ କବାଟ ବନ୍ଦ କରି ଯୁବତୀଙ୍କୁ ବଳାତ୍କାର କରିଥିଲେ। ଏହି ସମୟରେ ପୀଡିତାଙ୍କ ମା’ ଓ ଭଉଣୀ ଘରକୁ ଫେରି କବାଟ ବନ୍ଦ ଥିବା ଦେଖି ବାଡ଼େଇଥିଲେ। ଝରକା ପଟେ ସେମାନଙ୍କୁ ଦେଖି ଅଭିଯୁକ୍ତ କବାଟ ଖୋଲି ଚମ୍ପଟ ମାରିଥିଲେ। ପୀଡିତାଙ୍କ ମା’ ଥାନାକୁ ଫୋନ୍ କରି ଜଣାଇବା ପରେ ପୋଲିସ ପହଞ୍ଚତ୍ ଅଭିଯୁକ୍ତଙ୍କୁ ଗିରଫ କରିଥିଲା।
ସେହିପରି ଚନ୍ଦ୍ରଶେଖରପୁର ଥାନା ପୋଲିସ ମହିଳା ରୋଷେୟାଙ୍କୁ ବଳାତ୍କାର କରିବା ଅଭିଯୋଗରେ ବାଲେଶ୍ୱରର ରଞ୍ଜନ କୁମାର ମହାରଣାଙ୍କୁ ଗିରଫ କରିଛି। ସେ ଡ୍ରାଇଭର ଭାବେ କାମ କରିବା ସହ ପଟିଆରେ ରହୁଥିଲେ। ପୋଲିସ ମହିଳାଙ୍କ ଡାକ୍ତରୀମାଇନା କରିବା ସହ ବୟାନ ରେକର୍ଡ କରି ରଞ୍ଜନକୁ ଗିରଫ କରିଛି।
ସୂଚନାଥାଉ କି, ରଞ୍ଜନ ପୀଡ଼ିତା ମହିଳାକୁ ନିଜ ଘରେ ରୋଷେୟା ଭାବେ ନିୟୋଜିତ କରିଥିଲେ। ସୋମବାର ସନ୍ଧ୍ୟା ୭ଟାରେ ମହିଳା ଜଣକ ତାଙ୍କ ଘରକୁ ରୋଷେଇ କରିବାକୁ ଯାଇଥିଲେ। ଏହି ସମୟରେ ଅଭିଯୁକ୍ତ ରଞ୍ଜନ ତାଙ୍କୁ ମୃଦୁ ପାନୀୟରେ ନିଶା ଔଷଧ ମିଶାଇ ପିଇବାକୁ ଦେବା ପରେ ବଳାତ୍କାର କରିଥିଲେ। ମହିଳା ଜଣକ ସକାଳୁ ଉଠିବା ପରେ ବଳାତ୍କାରର ଶିକାର ହୋଇଥିବା ଜାଣି ଥାନାରେ ଅଭିଯୋଗ କରିଥିଲେ। ପୋଲିସ ରଞ୍ଜନ ରହୁଥିବା ଘରେ ଚଢାଉ କରି ତାଙ୍କୁ ଗିରଫ କରିଥିଲା।
Dharitri – Odisha’s No.1 Odia Daily
