ଓ୍ବାଶଂଟନ,୩।୨: କୃଷି ଆଇନକୁ ନେଇ ଭାରତରେ ଜାରି ରହିଥିବା ଚାଷୀ ସଂଗଠନଙ୍କ ଆନ୍ଦୋଳନକୁ ଏବେ ସେଲିବ୍ରିଟିଙ୍କ ସମର୍ଥନ ମିଳିବାରେ ଲାଗିଛି। ଆମେରିକା ପପ୍ ଷ୍ଟାର ରିହାନା ମଙ୍ଗଳବାର ସନ୍ଧ୍ୟାରେ ଏହାକୁ ଟୁଇଟ କରି ସମର୍ଥନ କରିଥିଲେ। ଏବେ ପରିବେଶକର୍ମୀ ଗ୍ରେଟା ଥନବର୍ଗ ଭାରତରେ ଜାରି ରହିଥିବା ଚାଷୀ ଆନ୍ଦୋଳନକୁ ସମର୍ଥନ କରିଛନ୍ତି। ଚାଷୀଙ୍କ ସହିତ ସେ ଛିଡ଼ା ହୋଇଥିବା ବୁଧବାର ଗ୍ରେଟା ଟୁଇଟ୍ କରି କହିଛନ୍ତି। ସେହିପରି ଦିଲ୍ଲୀ ପ୍ରଦୂଷଣ ବିରୋଧରେ ପ୍ରଦର୍ଶନ କରିଥିବା ୯ ବର୍ଷ ବୟସ୍କା ପରିବେଶ କର୍ମୀ ଲିସିପ୍ରିୟା କଙ୍ଗୁଜମ୍ ମଧ୍ୟ ଆନ୍ଦୋଳନକୁ ସମର୍ଥନ କରିଛନ୍ତି। ଲୋକମାନେ ଆନ୍ଦୋଳନକୁ ସମର୍ଥନ କରିବା ଲାଗି ସେ ଅନୁରୋଧ କରି ଟୁଇଟ୍ କରିଛନ୍ତି। ସେହିପରି ପରିବେଶକର୍ମୀ ଜେମି ମାର୍ଗେଲିନ୍ ଏବଂ କାନାଡ଼ାର ୟୁଟ୍ୟୁବର ତଥା ଅଭିନେତ୍ରୀ ଲିଲି ଚାଷୀଙ୍କ ସହିତ ଏକଜୁଟ ହୋଇ ଛିଡ଼ା ହୋଇଥିବା ନେଇ ଟୁଇଟ୍ କରିଛନ୍ତି।
