ନୂଆଦିଲ୍ଲୀ,୧୧।୧୦: ଚଳିତ ବର୍ଷ ନବରାତ୍ରରେ ରିଟେଲ ଭେହିକିଲ ବିକ୍ରି ପ୍ରାୟ ୫୭% ବୃଦ୍ଧି ସହ ୫୩୯,୨୨୭ ୟୁନିଟ୍ରେ ପହଞ୍ଚତ୍ଛି। ଏପରିକି ଅଟୋମୋବାଇଲ କ୍ଷେତ୍ର ବର୍ତ୍ତମାନ ଏକ ବଡ଼ ଅଭିବୃଦ୍ଧି ଏବଂ ପୁନରୁଦ୍ଧାରର ସଙ୍କେତରେ ରହିଛି। ବିଶେଷକରି ଗତ ବର୍ଷ ଏହି ସମୟ(୨୦୨୧-୨୨) ରେ ୩୪୨,୪୫୯ ୟୁନିଟ ଯାନ ବିକ୍ରି ହୋଇଥିଲା। ଏ ନେଇ ସୋମବାର ଫେଡେରେଶନ ଅଫ ଅଟୋମୋବାଇଲ ଡିଲର୍ସ ଆସୋସିଏଶନ୍ (ଫାଡା) ପକ୍ଷରୁ ବିସ୍ତୃତ ସୂଚନା ଦିଆଯାଇଛି। ସେହିଭଳି ମୋଟ ବିକ୍ରି (ଓଭରାଲ୍ ସେଲ) ୨୦୨୦ ନବରାତ୍ରଠାରୁ ୨୭% ଏବଂ ୨୦୧୯ ଅବଧି ମଧ୍ୟରେ ୧୬% ଅଧିକ ରହିଥିଲା, ଯେଉଁଥିରେ ନବରାତ୍ର ଅବଧିରେ ୨ ଚକିଆ ଯାନ, ୩ ଚକିଆ ଯାନ, ବାଣିଜି୍ୟକ ଯାନ, ଯାତ୍ରୀବାହୀ ଯାନ ଏବଂ ଟ୍ରାକ୍ଟର ଯଥାକ୍ରମେ ୫୨%, ୧୧୫%, ୪୮% , ୭୦% ଏବଂ ୫୮% ବୃଦ୍ଧି ପାଇଛି। ସେହିଭଳି ନବରାତ୍ର ରିଟେଲ ସ୍ପଷ୍ଟ ଭାବେ ଦର୍ଶାଉଛି ଯେ, ବିଗତ ୩ବର୍ଷ ବ୍ୟବଧାନ ପରେ ଗ୍ରାହକମାନେ ଶୋ’ରୁମକୁ ଫେରିଥିଲେ। ବାସ୍ତବରେ ପ୍ରି-କୋଭିଡ୍ ମାସ ତୁଳନାରେ କ୍ରମାଗତ ଭାବେ ଦୁର୍ବଳତା ଦେଖାଉଥିବା ୨ ଚକିଆ ବର୍ଗ ମଧ୍ୟ ଏକକ ସଂଖ୍ୟା ବିଶିଷ୍ଟ ଅଭିବୃଦ୍ଧି ପଞ୍ଜୀକୃତ କରିଛି ବୋଲି ଫାଡାର ସଭାପତି ମନୀଷରାଜ ସିଙ୍ଘାନିଆ କହିଛନ୍ତି। ଅପରପକ୍ଷରେ ବର୍ଷକ ମଧ୍ୟରେ ୨ଚକିଆ ଯାନ ବିକ୍ରୟ ସଂଖ୍ୟା ୨୪୨,୨୧୩ ରୁ ୩୬୯,୦୨୦ ୟୁନିଟକୁ ବୃଦ୍ଧି ପାଇଛି। ଚଳିତ ବର୍ଷର ସଂଖ୍ୟା ୨୦୨୦ ତୁଳନାରେ ୨୦% ଅଧିକ ଏବଂ ୨୦୧୯ ତୁଳନାରେ ୪% ଅଧିକ ବୋଲି କୁହାଯାଇଛି। ସେହିପରି ପ୍ରି-କୋଭିଡ୍ ଋତୁ ସମସ୍ତ ବର୍ଗ ୨ ଚକିଆ,୩ ଚକିଆ, ବାଣିଜି୍ୟକ ଓ ଯାତ୍ରୀବାହୀ ଯାନ ଏବଂ ଟ୍ରାକ୍ଟରର ଯଥାକ୍ରମେ ୪%, ୩୧%, ୩୭%, ୫୯% ଏବଂ ୯୦% ବୃଦ୍ଧି ସହ ସକାରାତ୍ମକ ଗତି ପ୍ରଦର୍ଶନ କରିଛି ବୋଲି ସିଙ୍ଘାନିଆ ମତବ୍ୟକ୍ତ କରିଛନ୍ତି। ୨୦୨୨ ନବରାତ୍ର ଋତୁରେ ୩ ଚକିଆ ଯାନ ବିକ୍ରି ଦ୍ୱିଗୁଣିତ ହୋଇ ୧୯,୮୦୯ ୟୁନିଟରେ ପହଞ୍ଚତ୍ଛି। ସେହିଭଳି ୨୦୨୧ରେ ଏହା ୯,୨୦୩ ରହିଥିଲା। ୨୦୨୦ ତୁଳନାରେ ଏହି ବର୍ଷ ୩ ଚକିଆ ବିକ୍ରିରେ ୨ଗୁଣ ବୃଦ୍ଧି ଘଟିଛି।
