ଭୁବନେଶ୍ୱର,୧୦।୧୦: ଦେଶର ପ୍ରମୁଖ ବୈଦ୍ୟୁତିକ ଉତ୍ପାଦକ କମ୍ପାନୀ ହାଭେଲ,ଫିନ୍ଲେକ୍ସ ଭଳି ପ୍ରମୁଖ ଇଲେକ୍ଟ୍ରିକାଲ କମ୍ପାନୀର ରିଟେଲ ଏବଂ ହୋଲସେଲର ଆଉଟଲେଟ ସ୍ଥାନୀୟ ଡମଣା ନିକଟସ୍ଥ ଅରବିନ୍ଦ ନଗର ମାର୍କେଟ କମ୍ପ୍ଲେକ୍ସଠାରେ ଶୁଭାରମ୍ଭ ହୋଇଯାଇଛି। ଜେନ ଇଲେକ୍ଟ୍ରିକାଲସ ଆନୁକୂଲ୍ୟରେ ଉପରୋକ୍ତ କମ୍ପାନୀଗୁଡିକର ଷ୍ଟୋର ଉଦଘାଟିତ ହୋଇଯାଇଛି।
ଏ ସମ୍ପର୍କରେ ଜେନ ଇଲେକ୍ଟ୍ରିକାଲସର ମୁଖ୍ୟ ଇଂ ଜ୍ୟୋତିର୍ମୟ ପଣ୍ଡା କହିଛନ୍ତି, ସ୍ମାର୍ଟସିଟିର କାୟା ଦିନକୁ ଦିନ ବୃଦ୍ଧି ପାଉଛି। ହେଲେ ସହରବାସୀଙ୍କ ଆବଶ୍ୟକତା ପୂରଣ ସାଙ୍ଗକୁ ଗୁଣାତ୍ମକ ସାମଗ୍ରୀ ଯୋଗାଇବାର ଉପଯୁକ୍ତ ବ୍ୟବସ୍ଥା କୌଣସି ସଂସ୍ଥା ପାଖରେ ନଥିବାରୁ ଉପଭୋକ୍ତା ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ଏଭଳି କିଛି ସମସ୍ୟାର ସମାଧାନ ସାଙ୍ଗକୁ ସୁଲଭ ମୂଲ୍ୟ ଓ ହୋମ ଡେଲିଭରି ଜରିଆରେ ଠିକ୍ ସାମଗ୍ରୀ ଓ ଠିକ୍ ସମୟରେ ପହଞ୍ଚାଇବା ନେଇ ଏଭଳି ଏକ ବୃହତ ଶୋ’ରୁମର ଶୁଭାରମ୍ଭ କରାଯାଇଛି। ଏଠାରେ ଦେଶର ପ୍ରମୁଖ କମ୍ପାନୀଗୁଡ଼ିକର ଇଲେକ୍ଟ୍ରିକାଲ ଉତ୍ପାଦ ସବୁ ବର୍ଗର ଗ୍ରାହକଙ୍କୁ ମିଳିବ ବୋଲି ସେ ମତବ୍ୟକ୍ତ କରିଛନ୍ତି।
