ନୂଆଦିଲ୍ଲୀ,୧୫।୧୧:ଗତ କିଛି ମାସ ହେବ ଦରଦାମ ବୃଦ୍ଧି ଓ ମାନ୍ଦାବସ୍ଥା ଉଭୟ ସରକାର ଓ ସାଧାରଣ ଜନତାଙ୍କ ପାଇଁ ଚିନ୍ତାର ବିଷୟ ପାଲଟିଛି। ଏପରିକି ସରକାରଙ୍କ ସମସ୍ତ ପଦକ୍ଷେପ ଦରବୃଦ୍ଧିକୁ ନିୟନ୍ତ୍ରଣ କରିପାରିନାହିଁ। ବିଶେଷ କରି ଦେଶରେ ଖୁଚୁରା ମୁଦ୍ରାସ୍ପୀତି ଅକ୍ଟୋବରରେ ସାମାନ୍ୟ ହ୍ରାସ ପାଇ ୬.୭୭%ରେ ପହଞ୍ଚତ୍ଛି। ସୋମବାର କଞ୍ଜ୍ୟୁମର ପ୍ରାଇସ ଇଣ୍ଡେକ୍ସ (ସିପିଆଇ) ତଥ୍ୟ ଜାରି ଅନୁଯାୟୀ ଖାଦ୍ୟ ଉତ୍ପାଦ ଦାମ୍ କମ୍ ହେବା ଦ୍ବାରା ଅକ୍ଟୋବରରେ ଖୁଚୁରା ମୁଦ୍ରାସ୍ଫୀତି ୬.୭୭%କୁ କମିଥିବା ଜଣାପଡିଛି। ସେହିଭଳି ଖାଦ୍ୟ ମୁଦ୍ରାସ୍ଫୀତି ହ୍ରାସ ପାଇଥିବାରୁ ଚଳିତ ବର୍ଷ ଅକ୍ଟୋବରରେ ଦେଶର ଖୁଚୁରା ମୁଦ୍ରାସ୍ଫୀତି ଗତ ୩ ମାସ ମଧ୍ୟରେ ସାମାନ୍ୟ ହ୍ରାସ ଘଟି ୬.୭୭%ରେ ରହିଛି। ସେହିପରି ଜାତୀୟ ପରିସଂଖ୍ୟାନ କାର୍ଯ୍ୟାଳୟ ଦ୍ୱାରା ସୋମବାର ପ୍ରକାଶିତ ତଥ୍ୟରେ ଦର୍ଶାଯାଇଛି ଯେ ଖାଦ୍ୟ ମୁଦ୍ରାସ୍ଫୀତି ସେପ୍ଟେମ୍ବରରେ ୮.୬% ରୁ ୭.୦୧% କୁ ହ୍ରାସ ପାଇଥିବାବେଳେ ଇନ୍ଧନ ମୁଦ୍ରାସ୍ଫୀତି ୯.୯୩%କୁ ବୃଦ୍ଧି ପାଇଛି। ହେଲେ ଅକ୍ଟୋବରରେ ଖୁଚୁରା ମୁଦ୍ରାସ୍ଫୀତି ୭% ତଳକୁ ଆସିବ ବୋଲି ନିକଟରେ ଆରବିଆଇ ଗଭର୍ନର ଶକ୍ତିକାନ୍ତ ଦାସ ଆଶାବ୍ୟକ୍ତ କରିଥିଲେ। ରିଟେଲ ମୁଦ୍ରାସ୍ଫୀତି କେନ୍ଦ୍ରୀୟ ବ୍ୟାଙ୍କର ମୁଦ୍ରା ନୀତି କମିଟିର ସହନଶୀଳତା ବ୍ୟାଣ୍ଡ ବାହାରେ-୬% କ୍ରମାଗତ ତିନି ତ୍ରୈମାସିକରୁ ଅଧିକ ରହିଛି, ଯାହା ପ୍ୟାନେଲର ଆଇନଗତ ଭାବରେ ଧାର୍ଯ୍ୟ ମୁଦ୍ରାସ୍ଫୀତି ଲକ୍ଷ୍ୟ ହାସଲ କରିବାରେ ବିଫଳ ହୋଇଛି। ୩ ନଭେମ୍ବରରେ ଏମପିସି ଏକ ସ୍ବତନ୍ତ୍ର ବୈଠକ କରି ମୁଦ୍ରାସ୍ଫୀତି ଲକ୍ଷ୍ୟରେ ବିଫଳତା ସମ୍ପର୍କରେ ସରକାରଙ୍କ ନିକଟକୁ ପଠାଯିବାକୁ ଥିବା ଏକ ରିପୋର୍ଟ ଉପରେ ବିସ୍ତୃତ ଆଲୋଚନା କରିଥିଲେ। ଅପରପକ୍ଷରେ ଶିଳ୍ପ ବିଭାଗ ଦ୍ୱାରା ପୃଥକ ଭାବେ ପ୍ରକାଶିତ ତଥ୍ୟରେ ଦର୍ଶାଯାଇଛି ଯେ ପାଇକାରୀ ମୁଦ୍ରାସ୍ଫୀତି ୧୯ମାସର ସର୍ବନିମ୍ନସ୍ତରରେ ରହିଛି। ଚଳିତ ବର୍ଷ ଅକ୍ଟୋବରରେ ଏହା ୮.୩୯%ରେ ପହଞ୍ଚତ୍ଛି। ଖୁଚୁରା ମୁଦ୍ରାସ୍ଫୀତି ହ୍ରାସକୁ ସମର୍ଥନ କରି ଉତ୍ପାଦକମାନଙ୍କ ଦ୍ୱାରା ଇନପୁଟ୍ ମୂଲ୍ୟ ଚାପର ପାସ୍-ଇନ୍ ମନ୍ଥର ହେବାର ସମ୍ଭାବନା ରହିଛି। ସୂଚନାଯୋଗ୍ୟ, ଖୁଚୁରା ମୁଦ୍ରାସ୍ପୀତି ଦର ୨୦୨୨ ଅକ୍ଟୋବରରେ ଗତ ୩ ମାସ ମଧ୍ୟରେ ସବୁଠୁ କମ୍ ସ୍ତରରେ ପହଞ୍ଚତ୍ଛି। ଚଳିତ ବର୍ଷ ସେପ୍ଟେମ୍ବରରେ ଖୁଚୁରା ମୁଦ୍ରାସ୍ପୀତି ୭.୪୧% ରହିଥିଲା। ଆରବିଆଇ ମୁଦ୍ରାସ୍ଫୀତି ଦରକୁ ୨ରୁ ୬% ମଧ୍ୟରେ ରଖିବାକୁ ଲକ୍ଷ୍ୟ ରହିଛି। ଚଳିତ ବର୍ଷ ଜାନୁୟାରୀଠାରୁ ହିଁ ଖୁଚୁରା ମୁଦ୍ରାସ୍ଫୀତି ଦର ୬% ରୁ ସନ୍ତୋଷଜନକ ସୀମା ଉପରେ ରହିଛି।
