ନୂଆଦିଲ୍ଲୀ: ଜାନୁୟାରୀ ମାସରେ ଖୁଚୁରା ମୁଦ୍ରାସ୍ଫୀତି ଭିତ୍ତିକ ଖାଉଟି ମୂଲ୍ୟ ସୂଚୀ(ସିପିଆଇ) ୪.୦୬%କୁ ବୃଦ୍ଧି ପାଇଛି। ଆର୍ବିଆଇ ଧାର୍ଯ୍ୟଲକ୍ଷ୍ୟ ୨-୬% ମଧ୍ୟକୁ ଏହା ଫେରିଛି। ଲଗାତର ଦ୍ୱିତୀୟ ମାସ ଲାଗି ଏଭଳି ହୋଇଥିବା ସରକାର ଜାରି କରିଥିବା ଡାଟାରୁ ସାମ୍ନାକୁ ଆସିଛି। ଗତ ବର୍ଷ ଡିସେମ୍ବରରେ ଏହା ୪.୫୯% ସ୍ତରରେ ରହିଥିଲା। ଜାନୁୟାରୀରେ ଖାଦ୍ୟ ସାମଗ୍ରୀ ବର୍ଗରେ ଦରଦାମ ବୃଦ୍ଧି ୧.୮୯% ରହିଛି। ଏହା ଡିସେମ୍ବରରେ ୩.୪୧% ସ୍ତରରେ ରହିଥିଲା। ଦରଦାମ ଉଚ୍ଚରେ ରହିବା ଯୋଗୁ କେନ୍ଦ୍ରୀୟ ବ୍ୟାଙ୍କ ନିକଟରେ ହୋଇଥିବା ମୁଦ୍ରାନୀତି ବୈଠକରେ ରେପୋକୁ କମାଇନାହିଁ। ସେହିଭଳି ଡିସେମ୍ବରରେ ଶିଳ୍ପ ଉତ୍ପାଦନ ୧% ବଢ଼ିଥିବା ଅନ୍ୟ ଏକ ସରକାରୀ ଡାଟାରୁ ସାମ୍ନାକୁ ଆସିଛି। ୨୦୨୦ ଡିସେମ୍ବରରେ ଔଦ୍ୟୋଗିକ ଉତ୍ପାଦନ ସୂଚକାଙ୍କ ୧.୬% ଅଭିବୃଦ୍ଧି ରହିଥିଲା।
