ଭୁବନେଶ୍ୱର,୧୮।୬ (ଅଭୟ ଦାଶ): ୟୁନିୟନ୍ ବ୍ୟାଙ୍କ ଅଫ୍ ଇଣ୍ଡିଆ (ୟୁବିଆଇ)ର କ୍ଷେତ୍ରୀୟ କାର୍ଯ୍ୟାଳୟ ସମ୍ବଲପୁର ପକ୍ଷରୁ ଆୟୋଜିତ ଏକ ମେଗା ରିଟେଲ୍ ଏକ୍ସପୋ-୨୦୨୪ ସମ୍ବଲପୁରର ଗଙ୍ଗାଧର ମଣ୍ଡପଠାରେ ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ୟୁବିଆଇ ପକ୍ଷରୁ ରିଟେଲ୍ ଋଣ ସମ୍ବନ୍ଧୀୟ ଉପତ୍ାଦ, ଗୃହ ଋଣ, କାର୍ ଋଣ ଏବଂ ଶିକ୍ଷା ଋଣ ଆଦିର ପ୍ରଦର୍ଶନ କରାଯାଇଥିଲା। ଏହି ଅବସରରେ ସମ୍ବଲପୁର ଜିଲାର ଉପ ଜିଲାଧିକାରୀ ଡ. ପୁଷ୍ପାଞ୍ଜଳି ପଣ୍ଡା ଏବଂ ୟୁବିଆଇ ସମ୍ବଲପୁର କ୍ଷେତ୍ରର କ୍ଷେତ୍ରୀୟ ମୁଖ୍ୟ ଧର୍ମେନ୍ଦ୍ର ରାଜୋରିଆ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ (ଶୁଭାରମ୍ଭ) କରିଥିଲେ। ଅପରପକ୍ଷରେ ଡ. ପଣ୍ଡା ସମାଜର ଉନ୍ନତିରେ ବ୍ୟାଙ୍କର ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ବିସ୍ତୃତ ଆଲୋଚନା କରିବା ସହିତ ବିତ୍ତୀୟ ସହାୟତାରେ ବ୍ୟାଙ୍କର ନିରନ୍ତର ଯୋଗଦାନ ରହୁ ବୋଲି ସେ କହିଥିଲେ। ସେହିଭଳି ରାଜୋରିଆ ବ୍ୟାଙ୍କର ରିଟେଲ୍ ଉପତ୍ାଦ ସମ୍ବନ୍ଧରେ ସମସ୍ତଙ୍କୁ ଅବଗତ କରାଇଥିଲେ। ସେହିପରି ବ୍ୟାଙ୍କ ପକ୍ଷରୁ ରିଟେଲ୍ ଋଣ ଉପତ୍ାଦ ଉପରେ ତୁରନ୍ତ ମଞ୍ଜୁରୀର ବ୍ୟବସ୍ଥା କରାଯାଇଥିଲା। ଏପରିକି ୧୦ରୁ ଊର୍ଦ୍ଧ୍ୱ ଗ୍ରାହକଙ୍କୁ ମଞ୍ଜୁରୀ ପତ୍ର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ୟୁବିଆଇ ସମ୍ବଲପୁରସ୍ଥିତ ସମସ୍ତ ଶାଖାର ଶାଖା ମୁଖ୍ୟ,କର୍ମଚାରୀ ତଥା କ୍ଷେତ୍ରୀୟ କାର୍ଯ୍ୟାଳୟର ସମସ୍ତ କର୍ମଚାରୀ ଓ ଅନ୍ୟମାନେ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ବହୁ ସଂଖ୍ୟକ ଗ୍ରାହକ ଯୋଗଦେଇ ଗୃହ ଋଣ, କାର୍ ଋଣ, ଶିକ୍ଷା ଋଣ ଓ ବନ୍ଧକ ଋଣ ଆଦି ବିଷୟରେ ଅବଗତ ହୋଇଥିଲେ। ଏଥିରେ ୟୁବିଆଇ ସମ୍ବଲପୁର କ୍ଷେତ୍ରର ଉପ-କ୍ଷେତ୍ରୀୟ ମୁଖ୍ୟ ହରେନ୍ଦ୍ର କୁମାର ଜେନା ଏବଂ ରିଟେଲ ଲୋନ୍ ପଏଣ୍ଟର ମୁଖ୍ୟ ଅଶୋକ କୁମାର ବେହେରା ସକ୍ରିୟ ଅଂଶଗ୍ରହଣ କରିଥିଲେ।
ଉଲ୍ଲେଖଯୋଗ୍ୟ, ଏହି ଏକ୍ସପୋରେ ସମ୍ବଲପୁରର ୮ଜଣ କାର୍ ଡିଲର, ୬ ଜଣ ବିଲ୍ଡର ଏବଂ ୩ ଜଣ ଶିକ୍ଷା ପରାମର୍ଶଦାତା ଅଂଶଗ୍ରହଣ କରିଥିଲେ। ଏକ୍ସପୋକୁ ଆସୁଥିବା ସମସ୍ତ ଗ୍ରାହକଙ୍କର ମାଗଣା ଚକ୍ଷୁ ପରୀକ୍ଷା ଓ ସ୍ବାସ୍ଥ୍ୟ ପରୀକ୍ଷାର ମଧ୍ୟ ଆୟୋଜନ କରାଯାଇଥିଲା।
