ନୂଆଦିଲ୍ଲୀ,୨୩।୬: ଗୁରୁବାର (ଜୁନ ୧୯) ଚାରିଟି ରାଜ୍ୟର ପାଞ୍ଚଟି ବିଧାନସଭା ଆସନରେ ହୋଇଥିବା ବିଧାନସଭା ଉପନିର୍ବାଚନର ଫଳାଫଳ ସୋମବାର ଆସୁଛି। ଭୋଟ ଗଣତି ସକାଳ ୮ଟାରୁ ଆରମ୍ଭ ହୋଇଛି। ଭୋଟ ଗଣତି ଆରମ୍ଭ ହେବାର କିଛି ସମୟ ପରେ ଟ୍ରେଣ୍ଡ ମଧ୍ୟ ଆସିବା ଆରମ୍ଭ ହେବ। ମଧ୍ୟାହ୍ନ ସୁଦ୍ଧା ସମସ୍ତ ଆସନରେ ସ୍ଥିତି ସ୍ପଷ୍ଟ ହୋଇଯିବ ଏବଂ ସା ସୁଦ୍ଧା ସମସ୍ତ ପାଞ୍ଚଟି ଆସନର ଫଳାଫଳ ପ୍ରକାଶ ପାଇବ ବୋଲି କୁହାଯାଉଛି।
ସୂଚନାଯୋଗ୍ୟ, ଜୁନ ୧୯ ତାରିଖରେ ପଞ୍ଜାବ, ଗୁଜରାଟ, କେରଳ ଏବଂ ପଶ୍ଚିମବଙ୍ଗର ମୋଟ ପାଞ୍ଚଟି ବିଧାନସଭା ଆସନରେ ଉପନିର୍ବାଚନ ପାଇଁ ମତଦାନ ହୋଇଥିଲା। ଏଥିରେ ପଶ୍ଚିମବଙ୍ଗର କାଲିଗଞ୍ଜ ଆସନ ମଧ୍ୟ ଅନ୍ତର୍ଭୁକ୍ତ। ସୋମବାର (ଜୁନ ୨୩) ସମସ୍ତ ଆସନର ନିର୍ବାଚନ ଫଳାଫଳ ଆସୁଛି।
ସୂଚନା ମୁତାବକ ଜୁନ ୧୯ ଗୁରୁବାର ଦିନ ଦେଶର ଚାରିଟି ରାଜ୍ୟର ମୋଟ ପାଞ୍ଚଟି ବିଧାନସଭା ଆସନ ପାଇଁ ଉପନିର୍ବାଚନ ଅନୁଷ୍ଠିତ ହୋଇଥିଲା। ସକାଳ ୭ଟାରୁ ମତଦାନ ଆରମ୍ଭ ହୋଇ ସା ୬ଟା ପର୍ଯ୍ୟନ୍ତ ଚାଲିଥିଲା। ଏଥିରେ ପଞ୍ଜାବ, ଗୁଜରାଟ, କେରଳ ଏବଂ ପଶ୍ଚିମବଙ୍ଗ ଅନ୍ତର୍ଭୁକ୍ତ। ଗୁଜରାଟର ଦୁଇଟି ଏବଂ ବାକି ରାଜ୍ୟରେ ଗୋଟିଏ ଲେଖାଏଁ ବିଧାନସଭା ଆସନରେ ଉପନିର୍ବାଚନ ଅନୁଷ୍ଠିତ ହୋଇଥିଲା। ଗୁଜରାଟର କାଡି ଆସନରେ ମୋଟ ୫୭.୯୧ ପ୍ରତିଶତ ମତଦାନ ହୋଇଥିବା ବେଳେ ବିସାବାଦର ଆସନରେ ୫୬.୮୯ ପ୍ରତିଶତ ମତଦାନ ହୋଇଛି। ସେହିପରି କେରଳର ନିଲାମ୍ବୁର ଆସନରେ ସର୍ବାଧିକ ୭୫.୨୭ ପ୍ରତିଶତ ମତଦାନ ହୋଇଛି। ପଞ୍ଜାବର ଲୁଧିଆନା ପଶ୍ଚିମ ଆସନରେ ୫୧.୩୩ ପ୍ରତିଶତ ମତଦାନ ହୋଇଛି। ସେହି ସମୟରେ ପଶ୍ଚିମବଙ୍ଗର କାଳିଗଞ୍ଜ ଆସନରେ ୭୩.୩୬ ପ୍ରତିଶତ ମତଦାନ ହୋଇଛି।
ସୂଚନାଯୋଗ୍ୟ, ପଞ୍ଜାବ, ପଶ୍ଚିମବଙ୍ଗ ଏବଂ ଗୁଜରାଟର ବିଧାୟକଙ୍କ ମୃତ୍ୟୁ ଯୋଗୁ ସେଠାରେ ଗୋଟିଏ ଲେଖାଏଁ ଆସନରେ ଉପନିର୍ବାଚନ ହେବାକୁ ପଡିଥିଲା। କେରଳର ଗୋଟିଏ ଏବଂ ଗୁଜରାଟର ଅନ୍ୟ ଗୋଟିଏ ଆସନରେ ବିଧାୟକମାନେ ଇସ୍ତଫା ଦେଇଥିଲେ। ଏହା ପରେ, ଏହି ଦୁଇଟି ଆସନରେ ଉପନିର୍ବାଚନ ଆବଶ୍ୟକ ପଡ଼ିଲା। ନିର୍ବାଚନ କମିଶନ ଚାରିଟି ରାଜ୍ୟର ସମସ୍ତ ପାଞ୍ଚଟି ବିଧାନସଭା ଆସନରେ ସଫଳତାର ସହ ନିର୍ବାଚନ ପରିଚାଳନା କରିଥିଲେ ଏବଂ ଏବେ ଏହାର ଫଳାଫଳ ସୋମବାର ଆସୁଛି।
