ଭୁବନେଶ୍ୱର,୧୪।୩(ବ୍ୟୁରୋ)- ବିଏମସି ଅତିରିକ୍ତ କମିଶନର -୨ ବିନୟକୁମାର ଦାସଙ୍କୁ ନଗର ଉନ୍ନୟନ ବିଭାଗର ଅତିରିକ୍ତ ସଚିବ ଭାବେ ବଦଳି ହୋଇଛି। ଏହି ଅବସରରେ ସୋମବାର ତାଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଛି। ଅନ୍ୟପକ୍ଷରେ ବିଏମ୍ସି ଡେପୁଟି କମିଶନର(ପରିମଳ)ଙ୍କୁ ଏଡିସି-୨ ଭାବେ ଦାୟିତ୍ୱ ହସ୍ତାନ୍ତର କରାଯାଇଛି। ସୂଚନା ଥାଉ କି, ବିନୟ ଦାସଙ୍କ ବଦଳି ନେଇ ଜାନୁୟାରୀ ମାସରେ ବିଜ୍ଞପ୍ତି ପ୍ରକାଶ ପାଇଥିଲା। ପୂର୍ବରୁ ସେ ୨ଥର ବିଏମସିକୁ ବଦଳି ହୋଇ ଫେରିଥିଲେ। ଏହା ତାଙ୍କର ତୃତୀୟ ବଦଳି ବୋଲି ଜଣାପଡ଼ିଛି। ବିଏମସି ମୁଖ୍ୟାଳୟରେ ପ୍ରଥମେ ସେ ଉପଆୟୁକ୍ତ ଭାବେ ଯୋଗ ଦେଇଥିଲେ। ପୁଣି ୨୦୧୮-୧୯ରେ ସେ ବିଏମସି ଦକ୍ଷିଣ ପୂର୍ବ ଜୋନର ଜୋନାଲ ଡେପୁଟି କମିଶନର ଭାବେ ଯୋଗ ଦେଇଥିଲେ, ପରେ ତାଙ୍କ ବଦଳି ହୋଇଥିଲା । ବିଏମସି ଅତିରିକ୍ତ କମିଶନର-୨ ଅବନୀ ପଟ୍ଟନାୟକଙ୍କ ବଦଳି ପରେ ସେ ଗତ ୨୦୨୨ରେ ପଦୋନ୍ନତି ପାଇ ବିଏମ୍ସି ଅତିରିକ୍ତ କମିଶନର-୨ ଭାବେ ଯୋଗ ଦେଇଥିଲେ ।
