ଘର ଭଡ଼ା ନେଉଥିଲେ…

ମନଲାଖି ଘରଭଡା ଟିଏ ମିଳିବା ବହୁତ କଷ୍ଟାସାଧ୍ୟ ହୋଇଗଲାଣି। ଘର ମାଲିକ କିପରି ତାହା ମଧ୍ୟ ଭଲ ଭାବେ ବୁଝିସୁଝି ନେଲେ ଭଲ । କୌଣସି କର୍ମଜୀବୀ ହୁଅନ୍ତୁ ଅବା ଶିକ୍ଷା କିମ୍ବା କୌଣସି ବିଷୟରେ ଟ୍ରେନିଂ ନେବାକୁ ସହରକୁ ଆସି ଘର ଭଡ଼ା ନେଇ ରହୁଥିଲେ କେତୋଟି ବିଷୟ ପ୍ରତି ଧ୍ୟାନ ଦେବା ନିହାତି ଜରୁରୀ। ଜାଣନ୍ତୁ ସେ ସମ୍ପର୍କରେ…

ଆଜିକାଲି ଅନେକ ମହିଳା କର୍ମଜୀବୀ ହେବାକୁ ପସନ୍ଦ କରୁଛନ୍ତି। ନିଜେ ସ୍ବାବଲମ୍ବୀ ହେବା ସହ ପରିବାରକୁ ଚଳାଇବାକୁ ସେମାନେ ଆଗେଇ ଆସୁଛନ୍ତି। ବାହାରେ ଚାକିରିଟିଏ ପାଇବା ପରେ ସେଠାରେ ଘର ଭଡ଼ା ନେଇ ରହୁଛନ୍ତି। ଏହି ସମୟରେ ସେମାନଙ୍କୁ କେତୋଟି ଦିଗ ପ୍ରତି ନଜର ଦେବା ଦରକାର। କାରଣ କେବଳ ରହିବା ପାଇଁ ଘରଟିଏ ମିଳିଗଲେ ହେବ ନାହିଁ, ତା’ସହ ସେଠାକାର ପରିବେଶ ଭଲ ରହିବା ଦରକାର। ସାମାନ୍ୟ ଭୁଲ ଯୋଗୁ ଘର ଭଡ଼ା ପାଇଁ ଅନେକେ ସମସ୍ୟାର ସମ୍ମୁଖୀନ ହୋଇଥାଆନ୍ତି। ତାହାର ମଧ୍ୟ ଅନେକ ଉଦାହରଣ ରହିଛି। ସ୍ମିତା ରାଜଧାନୀର ଏକ ଘରୋଇ ସଂସ୍ଥାରେ ଫ୍ରଣ୍ଟଲାଇନ୍‌ ଏକ୍‌ଜିକ୍ୟୁଟିଭ ଭାବରେ କାମ କରନ୍ତି। ପାଠ ଶେଷ ହେବା ପରେ ସେ ଏହି ଚାକିରି ପାଇଥିଲେ। ତେଣୁ ଗଁା ଛାଡ଼ି ସହରରେ ରହିବାକୁ ପଡ଼ିଥିଲା। ହଠାତ୍‌ ଘରଟିଏ ଖୋଜିବା ତାଙ୍କ ପକ୍ଷରେ ସମ୍ଭବ ନ ଥିଲା। ତେଣୁ ସେ ଜଣେ ସାଙ୍ଗଙ୍କ ସହ ଶେୟାର କରି ରହୁଥିଲେ। ପରବର୍ତ୍ତୀ ସମୟରେ ନିଜେ ଏକ ଭଡ଼ାଘର ନେଇ ରହିଲେ। ହେଲେ ସେଠାକାର ପରିବେଶ ବିଷୟରେ ଠିକ୍‌ ଭାବରେ ତର୍ଜମା କରିପାରି ନ ଥିଲେ ସେ। ଏଥିପାଇଁ ମାତ୍ର ମାସ କେଇଟାରେ ପୁଣି ଥରେ ତାଙ୍କୁ ଘର ବଦଳାଇବାକୁ ପଡ଼ିଥିଲା। ତେଣୁ କୌଣସି କର୍ମଜୀବୀ ହୁଅନ୍ତୁ ଅବା ଶିକ୍ଷା କିମ୍ବା କୌଣସି ବିଷୟରେ ଟ୍ରେନିଂ ନେବାକୁ ସହରକୁ ଆସି ଘର ଭଡ଼ା ନେଇ ରହୁଥିଲେ କେତୋଟି ବିଷୟ ପ୍ରତି ଧ୍ୟାନ ଦେବା ନିହାତି ଜରୁରୀ। ସେ ସମ୍ପର୍କରେ କିଛି କଥା…
– ଯେଉଁଠି ଚାକିରି କରିଛନ୍ତି ତାହାର ପାଖ ଅଞ୍ଚଳରେ ଘରଭଡ଼ା ନେଲେ ଭଲ। ଯଦି କିଛି ଦୂରରେ ରହୁଛନ୍ତି, ତେବେ ସେଠାରୁ ଗମନାଗମନ ସୁବିଧା ଉପରେ ଦୃଷ୍ଟି ଦିଅନ୍ତୁ।
– ଘର ଭଡ଼ା ନେବା ପୂର୍ବରୁ ସେହି ଘରର ମାଲିକଙ୍କ ବିଷୟରେ ସବିଶେଷ ତଥ୍ୟ ସଂଗ୍ରହ କରନ୍ତୁ। ଭଡ଼ା ବିଷୟରେ ସିଧାସଳଖ ମାଲିକଙ୍କ ସହ କଥା ହୁଅନ୍ତୁ।
– ଘର ଭଡ଼ା ନେବା ପୂର୍ବରୁ ସେଠାରେ କ’ଣ କ’ଣ ସୁବିଧା ରହିଛି ଯଥା -ପାର୍କିଂ ବ୍ୟବସ୍ଥା ଇଲେକ୍ଟ୍ରି ,ପାଣି ବିଲ୍‌ ବିଷୟରେ ମଧ୍ୟ ଭଲ ଭାବରେ ଜାଣନ୍ତୁ।
– ଭଡ଼ାଘର ଦେଖିବା ସମୟରେ ସେହି ଘରର ଅବସ୍ଥା, ତାହାର ଭିତର ଏବଂ ବାହାର ପରିବେଶକୁ ଭଲ ଭାବରେ ତର୍ଜମା କରନ୍ତୁ।
– ଘର ଭଡ଼ା ନେବା ପୂର୍ବରୁ ନିଜ ବିଷୟରେ ବିଶଦ ବିବରଣୀ ଘର ମାଲିକଙ୍କୁ ଜଣାଇବାକୁ ଭୁଲନ୍ତୁ ନାହିଁ।
– ସେଠାରେ ଆପଣ ଏକୁଟିଆ ରହିବେ ନା ଆଉ କିଏ ସାଙ୍ଗରେ ରହିବେ ସେ ନେଇ ସୂଚନା ଦିଅନ୍ତୁ।
– ସବୁଠାରୁ ବଡ଼ କଥା ହେଲା ରେଣ୍ଟ ବା ଭଡ଼ା। କେତେ ଭଡ଼ା ଦେବେ ସେ ନେଇ ପ୍ରାରମ୍ଭରୁ ଠିକ୍‌ କରି ନିଅନ୍ତୁ।
– ଘର ଭଡ଼ା ନେବା ସମୟରେ ସ୍ଥାନୀୟ କୋର୍ଟରେ ଏଗ୍ରିମେଣ୍ଟ କରାଇ ନିଅନ୍ତୁ। ଏହାର ଟର୍ମ-କଣ୍ଡିଶନଗୁଡ଼ିକୁ ଭଲ ଭାବରେ ପଢ଼ି ସେଥିରେ ଦସ୍ତଖତ କରନ୍ତୁ। ତାହାର ଏକ ନକଲ (କପି) ପାଖରେ ରଖନ୍ତୁ।
– ନିର୍ଦ୍ଧାରିତ ସମୟ ପୂର୍ବରୁ ଘରଭଡ଼ା ଦେଇ ଦିଅନ୍ତୁ। ଯଦି କୌଣସି ମାସରେ ଭଡ଼ା ଦେବାରେ କିଛି ଅସୁବିଧା ହୁଏ, ତେବେ ତାହା ପୂର୍ବରୁ ଘର ମାଲିକଙ୍କୁ ଜଣାଇ ଦିଅନ୍ତୁ।
– ଭଡ଼ା ନେଇଥିବା ଘରେ କିଛି ସମସ୍ୟା ହେଲେ ତୁରନ୍ତ ଘର ମାଲିକଙ୍କୁ ଜଣାନ୍ତୁ।
– ଯଦି ଆପଣ ଘର ଛାଡ଼ିବାକୁ ଚାହୁଁଥାନ୍ତି, ତେବେ ସେ ବିଷୟରେ ଘର ମାଲିକଙ୍କ ସହ ଏ ସମ୍ବନ୍ଧରେ କେବେ ସୂଚନା ଦେବାକୁ ହେବ ତାହା ପଚାରି ବୁଝି ନିଅନ୍ତୁ।
– ଆପଣ ଯେଉଁ ଘରେ ରହୁଛନ୍ତି, ସେଠାକାର ଠିକଣା ନୋଟ୍‌ କରି ଗ୍ୟାସ୍‌ କମ୍ପାନୀଙ୍କୁ ଏ ବିଷୟରେ ସୂଚନା ଦିଅନ୍ତୁ। ଏହାଦ୍ୱାରା ଆପଣଙ୍କ ଗ୍ୟାସ୍‌ ସିଲିଣ୍ଡର ପାଇବାରେ କୌଣସି ଅସୁବିଧା ହେବ ନାହିଁ।
– ଯଦି ଆପଣ ନେଇଥିବା ଭଡ଼ାଘରକୁ ନେଇ ବାହାରର କୌଣସି ବ୍ୟକ୍ତି କିଛି ଖରାପ ମନ୍ତବ୍ୟ ଦେଲେ, ତେବେ ସେ ନେଇ ତର୍ଜମା କରିବା ପରେ ସେ ବିଷୟରେ ଚିନ୍ତା କରନ୍ତୁ।
– ବେଳେବେଳେ ନୂଆ ଭଡ଼ାଘରେ ନିଜକୁ ଖାପ ଖୁଆଇ ଚଳିବାକୁ କିଛି ଦିନ ଲାଗିଥାଏ। କାରଣ ସବୁ ଜାଗାରେ ସବୁ ପ୍ରକାର ସୁବିଧା ସୁଯୋଗ ନ ଥାଏ। ପରିସ୍ଥିତିରେ ପଡ଼ି ଘର ଭଡ଼ା ନେବାକୁ ପଡ଼େ। ତେଣୁ ଏ ନେଇ ନିଜକୁ ପ୍ରସ୍ତୁତ କରିନିଅନ୍ତୁ।
– କେତେକ ଭଡ଼ାଘରେ ନିଜର ବାର୍ଥ ଡେ ହେଉ ଅବା କୌଣସି ପୂଜାପାର୍ବଣକୁ ସେଲିବ୍ରେଟ୍‌ କରିଥାଆନ୍ତି। ତେବେ ଏହା ପୂର୍ବରୁ ଘର ମାଲିକଙ୍କ ସହ କଥା ହୋଇ ଯାଆନ୍ତୁ।
– ଯେଉଁଠି ଘର ଭଡ଼ା ନେଇଛନ୍ତି, ସେହି ଘରକୁ ନିଜ ଘର ବୋଲି ଭାବନ୍ତୁ। ଘରର କୌଣସି ମରାମତି କରିବାକୁ ପଡିଲେ କିମ୍ବା କୌଣସି ସମସ୍ୟା ଦେଖାଦେଲେ ତୁରନ୍ତ ଘର ମାଲିକଙ୍କୁ ଜଣାନ୍ତୁ।
-ଯାହାକୁ ଆପଣ ଭଡା ଦେଉଛନ୍ତି ତାଙ୍କର ଠିକଣା ଏବଂ ଆଉଡି ପ୍ରୁଫ୍‌ର ନକଲ ଆପଣ ମାଗି ରଖନ୍ତୁ।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?