ନୂଆଦିଲ୍ଲୀ,୮।୨: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ରେନୋ ଇଣ୍ଡିଆ ପକ୍ଷରୁ ଏହାର କାଇଗର, ଟ୍ରାଇବର, କ୍ୱିଡ୍ ଭଳି ରେଞ୍ଜ ଯାନକୁ ସମ୍ପୂର୍ଣ୍ଣ ଅପ୍ଗ୍ରେଡ୍ କରାଯାଇଛି। ଏପରିକି ପରିବେଶ ଉପଯୋଗୀ ଯାନ ନିର୍ମାଣ ପ୍ରତି ରହିଥିବା ପ୍ରତିବଦ୍ଧତା ଆଧାରରେ କମ୍ପାନୀ ନୂଆ ବିଏସ୍-୬ ଷ୍ଟେପ୍ ୨ ନିର୍ଗମନ ନିୟମ୍ର ପାଳନ କରିଛି। ବିଶେଷକରି ନୂଆ ଶୃଙ୍ଖଳାର ଯାନଗୁଡ଼ିକରେ ଗ୍ରାହକ ବର୍ଦ୍ଧିତ ସୁରକ୍ଷା ଫିଚର ଲାଭ କରିପାରିବେ। ଉପରୋକ୍ତ ଯାନଗୁଡ଼ିକରେ ସେଲ୍ପ ଡାଇଗ୍ନୋଷ୍ଟିକ୍ ଡିଭାଇସ୍ ସ୍ଥାନିତ କରାଯାଇଛି। ଗାଡ଼ି ଚାଲୁଥିବା ସମୟରେ ଏହାଦ୍ୱାରା ଯାନର ନିର୍ଗମନ ସ୍ତରକୁ ନିରନ୍ତର ଭାବେ ଯାଞ୍ଚ କରାଯାଇପାରିବ। ଏହାଦ୍ୱାରା ଯାନରେ କାଟାଲିଟିକ କନ୍ଭର୍ଟର ଏବଂ ଅକ୍ସିଜେନ୍ ସେନ୍ସର ମଧ୍ୟ ସ୍ଥାନିତ ରହିଛି। ଏ ସମ୍ପର୍କରେ ରେନୋ ଇଣ୍ଡିଆର କଣ୍ଟ୍ରି ସିଇଓ ଓ ଏମ୍ଡି ଭେଙ୍କଟରାମ ମାମିଲାପାଲେ କହିଛନ୍ତି, ଏକ ସ୍ବଚ୍ଛ ଏବଂ ସବୁଜ ପରିବେଶ ଦିଗରେ କେନ୍ଦ୍ର ସରକାରଙ୍କ ରହିଥିବା ଲକ୍ଷ୍ୟ ଦିଗରେ ଆମେ ବର୍ତ୍ତମାନ କାର୍ଯ୍ୟ କରୁଛି। ସେହିଭଳି ବିଏସ୍୬ ଷ୍ଟେପ୍ ୨ ଅନୁପାଳନ କରୁଥିବା ପେଟ୍ରୋଲ ଇଞ୍ଜିନ୍ ଆମେ ସବୁ ରେଞ୍ଜରେ ଯୋଡ଼ିଛୁ।
