ନୂଆଦିଲ୍ଲୀ,୨୦।୧୧: ଗତ ୬ମାସ ତଳେ କେନ୍ଦ୍ର ସରକାର ବିଭିନ୍ନ ବର୍ଗର ଲୁହା ପଥରର ପରିମାଣ (ଲୌହ ମାତ୍ରା) ଉପରେ ରପ୍ତାନୀ ଶୁକ୍ଳ ଲାଗୁ କରିବାକୁ ଏକ ବିସ୍ତୃତ ଯୋଜନା କରିଥିଲେ। ହେଲେ ଏହି କ୍ଷେତ୍ରରେ କାର୍ଯ୍ୟକରୁଥିବା ଉଭୟ ସରକାରୀ ଓ ଘରୋଇ ସଂସ୍ଥା ଏବଂ ବିଶେଷଜ୍ଞ ମାନେ ଏହାକୁ ବିରୋଧ କରିବା ସହ ନିଷ୍ପତ୍ତି ପ୍ରତ୍ୟାହାର କରିବାକୁ ସରକାରଙ୍କୁ ଅନୁରୋଧ କରିଥିଲେ। ଶିଳ୍ପ ସଂସ୍ଥାର ଅନୁରୋଧ କ୍ରମେ କେନ୍ଦ୍ର ସରକାର ଇସ୍ପାତ ଉପରୁ ରପ୍ତାନୀ ଶୁଳ୍କର ନିର୍ଦ୍ଦେଶନାମାକୁ ପ୍ରତ୍ୟାହାର କରି ନେଇଛନ୍ତି। ଏପରିକି ଚଳିତ ବର୍ଷ ମେ ୨୨ ପୂର୍ବରୁ ପ୍ରଚଳିତ ସ୍ଥିତାବସ୍ଥାର ପୁନଃ ଲାଗୁ କରିଛନ୍ତି। ଏପରିକି ୫୮%ରୁ କମ୍ ଲୌହ ମାତ୍ରା ଥିବା ଲୁହା ପଥର ଲମ୍ପ୍ସ ଓ ଫାଇନ୍ସ, ଲୁହା ପଥର ପେଲେଟ ଏବଂ ପିଗ୍ ଆଇରନ୍ ସମେତ ନିଦ୍ଦିଷ୍ଟ ଇସ୍ପାତ ଉପତ୍ାଦରେ ଲାଗୁଥିବା ଶୁଳ୍କକୁ ପ୍ରତ୍ୟାହାର କରି ନେଇଛନ୍ତି। ସେହିପରି ଆନ୍ଥ୍ରାସାଇଟ୍, ପିସିଆଇ, କୋଇଲା, କୋକିଂ କୋଇଲା, କୋକ୍ ଏବଂ ସେମି କୋକ୍ ଏବଂ ଫେରୋ ନିକେଲ୍ ଉପରୁ ଆମଦାନୀ ଶୁଳ୍କ ରିହାତି ମଧ୍ୟ ପ୍ରତ୍ୟାହାର କରାଯାଇଛି ବୋଲି କେନ୍ଦ୍ର ସରକାରଙ୍କ ଅର୍ଥ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ଉଲ୍ଲେଖଯୋଗ୍ୟ ଯେ, ଆଜିଠାରୁ (୨୦୨୨ ନଭେମ୍ବର ୧୯) ୫୮%ରୁ କମ୍ ଏଫ୍ଇ ଥିବା ଲୁହା ପଥର ଲମ୍ପ୍ସ ଓ ଫାଇନ୍ସ ଉପରେ କୌଣସି ରପ୍ତାନି ଶୁଳ୍କ ଲାଗୁ ହେବ ନାହିଁ ଏବଂ ୫୮%ରୁ ଅଧିକ ଏଫଇ ଥିବା ଲୁହା ପଥର ଲମ୍ପ୍ସ ଓ ଫାଇନ୍ସ ଉପରେ ୩୦%ରୁ କମ୍ ରପ୍ତାନି ଶୁକ୍କ ଲାଗୁ ହେବ ବୋଲି ମନ୍ତ୍ରଣାଳୟ ପକ୍ଷରୁ କୁହାଯାଇଛି। ସେହିଭଳି ଲୁହାପଥରର ପେଲେଟ୍ ରପ୍ତାନି ଉପରେ କୌଣସି ରପ୍ତାନି ଶୁକ୍କ ଲାଗୁ ହେବ ନାହିଁ ଓ ଆନ୍ଥ୍ରାସାଇଟ୍, ପିସିଆଇ, କୋକିଂ କୋଇଲା ଏବଂ ଫେରୋ ନିକେଲ୍ ଉପରେ ୨.୫% ଆମଦାନୀ ଶୁଳ୍କ ଲାଗୁ ହେବ। ଅପରପକ୍ଷରେ କୋକ୍ ଏବଂ ସେମି କୋକ୍ ଉପରେ ୫% ଆମଦାନୀ ଶୁଳ୍କ ଲାଗୁ ହେବ। ତେବେ ୨୦୨୨ ମେରେ ଇସ୍ପାତ ମୂଲ୍ୟରେ ଉଚ୍ଚ ଓ କ୍ରମାଗତ ବୃଦ୍ଧି ଘଟିଥିଲା। ଏହା ପରେ ଇସ୍ପାତ ଉପତ୍ାଦନ ପାଇଁ ଆବଶ୍ୟକ କଞ୍ଚାମାଲ କିମ୍ବା ମଧ୍ୟବର୍ତ୍ତୀ ସାମଗ୍ରୀର ଉପଲବ୍ଧତା ବୃଦ୍ଧି କରିବା ପାଇଁ ସରକାର ଚଳିତ ବର୍ଷ ପ୍ରାରମ୍ଭରେ ଅନେକ ଶୁଳ୍କ ସମ୍ବନ୍ଧିତ ପଦକ୍ଷେପ ନେଇଥିଲେ। ଏପରିକି ୫୮%ରୁ ଅଧିକ ଏଫ୍ଇ ଥିବା ଲୁହା ପଥର ଉପରେ ରପ୍ତାନି ଶୁଳ୍କ ୩୦%ରୁ ୫୦% ବିଜ୍ଞାପନ ଭାଲୋରେମକୁ ବୃଦ୍ଧି କରାଯାଇଥିଲା ଏବଂ ଏହା ୨୨ ମେ ୨୦୨୨ରୁ ଲାଗୁ ହୋଇଥିଲା। ଲୁହା ପଥର ଉପରେ ୫୮%ର ରପ୍ତାନି ଶୁଳ୍କ ଲାଗୁ କରାଯାଇଥିଲା ଏବଂ ଲୁହା ପଥର ପେଲେଟ ଉପରେ ୪୫% ରପ୍ତାନି ଶୁଳ୍କ ଲାଗୁ ମଧ୍ୟ କରାଯାଇଥିଲା।
