ମୁମ୍ବାଇ,୨୬।୯: ୪୨୦ କୋଟି ଟଙ୍କା ଟିକସ ଛାଡ ମାମଲାରେ ବ୍ୟବସାୟୀ ଅନିଲ ଅମ୍ବାନୀଙ୍କୁ ବମ୍ବେ ହାଇକୋର୍ଟ ଏକ ବଡ଼ ଆଶ୍ୱସ୍ତି ଦେଇଛନ୍ତି। ନଭେମ୍ବର ୧୭ ପର୍ଯ୍ୟନ୍ତ ଅନିଲ ଅମ୍ବାନୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ ନ କରିବାକୁ ଆୟକର ବିଭାଗକୁ ନିର୍ଦ୍ଦେଶ ଦେଇଛନ୍ତି କୋର୍ଟ।
ଅଗଷ୍ଟ ୮, ୨୦୨୨ରେ ଆୟକର ବିଭାଗ ଅନିଲ ଅମ୍ବାନୀଙ୍କ ଦୁଇଟି ସ୍ବିସ ବ୍ୟାଙ୍କ ଆକାଉଣ୍ଟରେ ରଖାଯାଇଥିବା ୮୧୪ କୋଟିରୁ ଅଧିକ ଟଙ୍କା ଉପରେ ୪୨୦ କୋଟି ଟଙ୍କା ଟ୍ୟାକ୍ସ ଚୋରି ଅଭିଯୋଗ କରି ନୋଟିସ ଜାରି କରିଥିଲା। ଅମ୍ବାନୀ ଚଳିତ ମାସ ଆରମ୍ଭରେ ବମ୍ବେ ହାଇକୋର୍ଟଙ୍କ ନିକଟକୁ ଯାଇ ଏହି ନୋଟିସକୁ ଚ୍ୟାଲେଞ୍ଜ କରିଥିଲେ। ୬୩ ବର୍ଷିୟ ଅନିଲ ଅମ୍ବାନୀ ଜାଣିଶୁଣି ଟ୍ୟାକ୍ସ ଫାଙ୍କିଥିବା ଅଭିଯୋଗରେ ଦର୍ଶାଇଛି। ସେ ତାଙ୍କ ବିଦେଶୀ ବ୍ୟାଙ୍କ ଆକାଉଣ୍ଟ ବିବରଣୀ ଭାରତୀୟ ଟିକସ କର୍ତ୍ତୃପକ୍ଷଙ୍କ ନିକଟରେ ପ୍ରକାଶ କରି ନାହାଁନ୍ତି।
